NEHEI LEUSI 3:6 - ALLAH NIHYET MEM TUNGWATU NYA

⁶ Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NEHEI LEUSI 3:6 ပူးပေါင်းရင်းမြစ်များ

NITRITI 12:1

Lene tuhan pai bak Abram “Ma ajo leu atimieisi ba, akes ade bat nya kin acig de ig bei nsi ei leu api aug ei minu di midindo binani yo.

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 17:3

Lene Abram kuk no biba ningwak bikik dihyei leu api Allah pai binoni,

NITRITI 24:12

Lene noni ngat nadi bipai “tuhan e, Na di Allah di andigpoi Abraham kuk no bak e, ma ampu da mem njap di ammani ba, ayai hagom bit leu nok apreu ei mem andigpoi tu.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 28:17

Gima rino noni digit tut ba, simbot dat “Gumihyep dini bindei ba, dinga leu nindig bibor! Gini ne Allah de ig ba, dimbou hui di bie ug ei gwamti ri!”

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

NITRITI 32:9

Lene noni ngat nadi bipai “Dignyon Abraham kin dicig Ishak ide Allah e, amiap dihyet! Na di tuhan acuk da bipia dingkwei hanyen ug ei ditimieisi bidibong bit dide bat nya hanyen bu leu api ma anyohou dimig mun di hagom nok gi kei bibor mem da.

NIBOU NDIG NYA GI NIGOM 18:36

Tirigi jam dem mem mben Israel ibon midut mpia caisi bit leu nok igyai kepti lene Nabi Elia kwei ya kui nimbar dima bingat nadi “tuhan Allah di Abraham kin Ishak kin Yakub ikuk yok bak e, ma ando bindo brei ei yo dini yahagom igyai him bipia anyeng tak kep mben Israel ba, dinok ade awak biditin ei mun dini yok hagom bit leu nok acuk dati cem.

NIBOU NDIG NYA GI NIGOM 19:13

Tirigi Elia miap nihyet dima lene ba nide ban binggai kep niimaisi. Lene noni hei ug ei nisai biya hammi dihyei nyem dima nuhui. Lene nihyet gom hig ser noni “Akwei nggon ei sirini i?”

NEHEMIA 9:9

Angig ayai kep nyeni nidigup bat-nidigai bat di igyai inghuisi wei ei minu Mesir nya leu api angig atingou mem ighyet tirigi ikwei ya hon Muk Lipig ba, yahara Na.

ESTER 3:4

Ipingok kep ningonti bikwop njap-njap leu binhyepo bit nihyet hak ug. Noro Mordekhai sem tut ide nipingok noti bipai biyok “Dani ne Mben Yahudi ri. Gima rino gi mbun diba dibiau bicom mpia bidikuk da bak tungwatu dihyeisi dini bi.” Leu api yo dima ibakilak noni bak Haman lewo ijoi sut itou kep mun di Haman bibon bak Mordekhai.

MAZMUR 132:2

tuhan e, ma ayok ngon kep mun di noni preu ei mem Na di Yakub de Allah Di Sindem Bibor tug hon neheng.

NEHEI LEUSI 15:2

tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.

NEHEI LEUSI 29:45

Midikwei bong bit mben Israel leu binhyepo ikuk yok biDa leu api midinok ide Allah.

NEHEI LEUSI 3:16

Aug ba, anduk nibou mben Israel yahagom ei gom ba, atri tut biyok bipia Da di tuhan di nok idigup bat-idigai bat di Abraham kin Ishak kin Yakub yoni ide Allah ba, dindo Danti bina tu. Atri tut biyok bipia dikwei yok diyai kep yok bidikan tut notou mben Mesir ibimangkrei yok tu.

NEHEI LEUSI 33:20

Noro midindo diimaisi brei ei ayai him kan bi lewo tungwa tou rino ngat diimaisi bou niyai him mimai hak ei niyati.

NEHEI LEUSI 4:5

Lene tuhan cuk noni bu bipai “Ma ando mindur dima bak mben Israel nok mun di bindo bipia tuhan di nok idigup-idigai bat Abraham kin Ishak kin Yakub yoni ide Allah ndo Nonti bina tu.”

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 32:38

Mpe dima lene Ditde limwa nya rino yoni ba, dinok ide Allah.

YEHEZKIEL 11:20

Leu api yoni iba ingon di gom bibit didimigsi kin dicukti nya hagom. Yoni minok Ditde limwa nya lene dinok ide Allah.

ZAKHARIA 8:8

bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”

MATIUS 17:6

Tirigi yo di igya kui Yesus imiap nihyet dima lene ittin tut nindig bibor bitti ba, iba ingwak bikik dihyei.

MATIUS 22:32

‘Dani ne Abraham kin Ishak kin Yakub ide Allah ri.’ Noni ne Allah mem yo di imai su nya bi noro mem yo di igyaijo nya!”

MARKUS 12:26

Tut yo di imai su nya di ikiju hanyen leu imai eisi ne jikwop Musa nipas kepti tut biei mon di ninjeng di sror di cig-cai noro hum giyem bi dima bi e? Nipas kep ayatti dima tut Allah di pai binoni ‘Dani ne Abraham kin Ishak kin Yakub ide Allah ri.’

LUKAS 20:37

Musa ndo brei binye bipia yo di imai nya mikiju hanyen leu imai eisi. Ei nipas kepti tut biei mon di njeng pima ne Musa pai sut Allah ‘Noni ne Abraham kin Ishak kin Yakub ide Allah ri.’

LUKAS 5:8

Tirigi Simon ngat mindur dini bou niyai him rino kuk no ei Yesus nimig him bipai biNoni “Andigpoi e, ma akes da hak ei lewo dani ne no di bon sisar ri!”

KISAH 7:32

‘Dani ne ade pung di antun him nya kin Abraham kin Ishak kin Yakub ide Allah ri.’ Musa ninghuisi mpig sut nindig bibor bindun bou leu lene bimian huk biei mon dima bu bi.

KISAH 7:34

Dingat Ditde limwa nya di igyai ninghuisi wei nindig bibor ei minu Mesir bidiyok ngon kep yok. Dimiap ighyet tut gi yuun-icot nindig bibor tu. Gima rino dijuk kwei mem diteu yok bingwes ngun. Nogindini akwei! Dipinak nani hanyen ug ei minu Mesir.’

NINDAT KEP TUHAN NICUKTI NYA 6:3

Je di mben Israel e, ma jintu kep nicukti dima yok lene ma jibit hagom! Gi nok lene mijibong kei mijigwam kei apino jide mben nya midigek kep mpia tirigi jikieng kep minu di nnum bibor dima bit leu nok tuhan di nok jidigup bat-jidigai bat nya ide Allah preu ei su.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 12:21

Mun di ingat bou igyai him dima bindei ba, idigit tut bibor apino Musa pai “Didigit tut bidittin bibor.”

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,

NIJAM NIKEI NYA 13:22

Gima rino Manoah pai bak nitnem “Ayo! Misitug ndei nimai lewo singat Allah bou siyai him tu!”