Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NEHEI LEUSI 3:18 - ALLAH NIHYET MEM TUNGWATU NYA

18 Ditde limwa nya mingig itingou mem ahyet. Lene abuwak nibou mben Israel ba, juug ngat Firaun leu api apai binoni bipia tuhan di nok mben Ibrani ide Allah ndo Nonti bina tu. Suar Firaun sindui sut je bijimbut jimig mem mmun-njap ningai ug ei iggum ndigsi leu binhyepo jibon midut nindig mindhe-ndhe ei humti bak tuhan di nok jide Allah.”

အခန်းကိုကြည့်ပါ။ ကော်ပီ




NEHEI LEUSI 3:18
40 ပူးပေါင်းရင်းမြစ်များ  

Lene tuhan pai bak Abram “Ma ajo leu atimieisi ba, akes ade bat nya kin acig de ig bei nsi ei leu api aug ei minu di midindo binani yo.


Noro tungwagom ningwes ngun bidor kwei lene pui sut bak Abram di mben Ibrani pima. Abram bong dideu biei nghousi di timiei minu dima ipigig ser mem ide kwar di ikuk yok bak nya lo, Mamre ninyeng tak kep gumihyep dima. Mamre ne mben Amori rin ba, noni kin Eskol kin Aner ne yo di adig-ajoi rin ba, Abram nisut bat di ibicom yam bit noni ri.


Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”


Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.


Lene pai bak Yusuf “Allah Di Sindem Bibor tau kep da ei Lus ei minu Kanaan binjei mun di kei bak dani.


Nok gima cem Allah pingok ei timiei Yehuda nya ingonti bibindei ba, yahagom ingon gom tut gi ibit Allah ningon kanti mungkun kei tug hon gi ibit nibou ndig kin yo di igya kui noni icuk yokti dima.


Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.


Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.


Lene tuhan buhup “Ma abuwak nibou mben Israel ibou poi bibit na lene jimbut ba, jibie tut jide limwa nya. Lene attei ade tom po abibui Minyei Nil ngwa dip pima bit na.


Lene mben Israel ikwei krau iggum ndigsi Sinai mem bed gi niningai ba, njap gi nigom niabiati ijo leu minu Mesir.


Midiya um na hammi Brua dima nibeng lene midimbot kep tut Ditde niggai serti nya mem mben Israel bina tirigi dingat rin ei nai Brua dima nibeng dip ei kerub nya ikieti.”


Lene Allah buhup “Midingat rin bit na leu api tirigi ateu yok bingwes ngun leu minu Mesir lene mijikuk je biDa ei nungug dini. Mun dima rinok mun di bindo tut bipia dipinak na.”


Aug ba, anduk nibou mben Israel yahagom ei gom ba, atri tut biyok bipia Da di tuhan di nok idigup bat-idigai bat di Abraham kin Ishak kin Yakub yoni ide Allah ba, dindo Danti bina tu. Atri tut biyok bipia dikwei yok diyai kep yok bidikan tut notou mben Mesir ibimangkrei yok tu.


Ayai biei nggrai di ui-gwang kei dini ndrim hi ba, aho bindung. Lene apwoi gima ug ei Ditde Prak Meng leu api abigimahap Brua Gi Preu nuhuia. Ma apigig sut biei nggrai di ui-gwang kei dini ei nok mun di kwes-kwau mem Da.


Lene akon ba, akes nimbar hum dok dini ei ban mbrawin po jo hammi Brua Gi Preu nuhui pima bei nisai.


Lene Musa buhup tuhan nihyet bipai “Notou mem da tut gima mben Israel iba ingon com da bibit dihyet bi i? Gino isrep tut da bipai bipia ando Nanti bida bi lene midibuhup hanyen biyok notou i?”


Dikes dihyet bak noni mem gima noni sindui sut dimunggwom ba, mbut leu binhyepo kuk no biDa. Noro noni mikou sut. Gi nok lene midiyai nimai bak nonti nimunggwom mighumbou.”


Tirigi Musa nya yuug ei mpia ttou nsi gom ei puig sinon tu lene tuhan um noni bipi biyai nimai bak.


Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.


Lene Musa kin Harun yuug ngat Firaun bipai binoni “tuhan di nok mben Israel ide Allah sok nihyet bak na di Andigpoi bipia suar asindui sut Nide limwa nya bimbut ug ei iggum ndigsi leu binhyepo ikuk yok biNoni ei sirima.”


Lene Musa kin Harun ipai binoni “Mben Ibrani ide Allah ndo Nonti binye tu. Gima rino ma asindui sut nye binimbut ug ei iggum ndigsi mem mmun-njap ningai leu binhyepo nibon midut nindig mindhe kep hum ba, nibikuk nye ei tuhan Noho bei. Gino niyai igbit tuhan nicuk nyeti bi lene nahagom minitug ndei nimai tug hon ninggwen di buhun kin pran cem.”


Lene apai binoni bipia tuhan di nok mben Ibrani ide Allah cuk na kwei. Lene apai bak Firaun bipia suar noni kes Ditde limwa nya bimbut ug ei iggum ndigsi leu binhyepo ibon midut nindig mindhe kep hum bak Dani ei mpia dima. Noro Firaun ce tut bibit dihyet bi kikau kwei bipek ammani kep.


Leu api tuhan pai bak Musa bu “Ma aug pai bak Firaun bipia dikes dihyet bak noni leu binhyepo noni sindui sut Ditde limwa nya bimbut ug leu binhyepo ikuk yok biDa.


Lene tuhan pai bu bak Musa “Ma aug um Firaun njap di hyep bu mem ha yausi tirigi noni juk ug ei Nil nyai leu api apai binoni bipia Da dicuk noni bipia suar noni sindui sut Ditde limwa nya bimbut ug leu binhyepo ikuk yok biDa.


Midibindei ba, Ditde limwa nya kin Firaun de limwa nya ter leu yam. Mindur dini micut igkep yok mem njap di hyep.”


Lene tuhan pai bu bak Musa “Aug ngat Firaun ba, apai binoni bipia tuhan di mben Ibrani ide Allah cuk noni leu binhyepo noni misindui sut Ditde limwa nya bimbut ug leu binhyepo ikuk yok biDa.


Lene tuhan pai bu bak Musa “Aug ya ei Firaun noho bei ei njap di hyep mem ha yausi leu api apai binoni bipia tuhan di nok mben Ibrani ide Allah cuk noni bipia suar noni kes Ditde limwa nya leu binhyepo yuug kuk yok biDa.


Aya um yo di ingon sren kin yo di igyaijo bit leu angon kanti nya. Mbro nok gino angon sibui sut nye lo, nibon kep sisar ba, niyai mun tunggwei habiei kwei bipek ammani kep.


leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.


Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.


Lene ma jiyok ngon kep Ditde awak di nabi nya di dipinak ndam je kikau tu ighyet. Nipou kwei bipek ammani kep jikou sut gi jimiap kep ighyet.


Ma attei tom dima yok ug ei Ditde Prak Meng nsi leu api ayok hagom ei bei Brua Gi Preu noho hammi mpia di duum kep na ngan-ngan eisi.


Minibit ahyet dem kep nok gi po nibit Musa nihyet pima. Handei kon ba, tuhan di nok ide Allah miningat rin bit na bit leu nok ningat rin bit Musa nipou su!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ