NEHEI LEUSI 3:16 - ALLAH NIHYET MEM TUNGWATU NYA

¹⁶ Aug ba, anduk nibou mben Israel yahagom ei gom ba, atri tut biyok bipia Da di tuhan di nok idigup bat-idigai bat di Abraham kin Ishak kin Yakub yoni ide Allah ba, dindo Danti bina tu. Atri tut biyok bipia dikwei yok diyai kep yok bidikan tut notou mben Mesir ibimangkrei yok tu.

NEHEI LEUSI 3:16 ပူးပေါင်းရင်းမြစ်များ

NITRITI 1:7

Gima rino Noni pai tes niban di bikwas minyei ei mpia ttou nsi can ba, bihi jo bijehei lene bihi jo anai. Lene dem igbit nipaisi.

NITRITI 21:1

Lene tuhan njei mun di kei bak Sara bit leu nok noni preu sut ei mem noni nipou su.

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 48:15

Lene noni ngat nadi tindei Yusuf bipai, “Nna ba Na di Allah di dicig kin dignyon ikuk yok bak e, Na di anyohou da habiei kwei bipek ammani kep tu e,

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

MAZMUR 102:21

Noni miap kep yo di isima nya ide ninso-nso nyenti bikwek yo di itug ndei hukum nimai nya.

MAZMUR 33:18

tuhan nyohou yo di ikuk yok biNoni kin yo di iba ingon com ningon ngakei yokti di jo ninno bijo kikau.

MAZMUR 8:4

Tirigi diyok diyai kep mpia-bbed him di apai tes ei su kin bed kin ham mpia-bbed him nya di akes bijo ei nijoti,

NEHEI LEUSI 1:8

Mpe dima lene Firaun di nijep bu ya luei Firaun nitimiei nohoti ei minu Mesir noro noni kan tut Yusuf niyai munti nya bi.

NEHEI LEUSI 13:19

Lene Musa cuk nide limwa nya bikon brua tut Yusuf ningut bittei bit leu nok Yusuf ba neheng bicuk yok nipou su. Mpe di pima ne noni pai “Tirigi Allah teu je bijingwes ngun leu lene jiket dingut ba, juug sut leu minu dini.”

NEHEI LEUSI 15:14

Mben nindigsi nya imiap anghapti tut apino inghuisi mpig sut. Mben Filistin kin nibou mben Edom nya ingon tai-tai bou.

NEHEI LEUSI 17:5

Lene tuhan buhup “Ma abuwak nibou mben Israel ibou poi bibit na lene jimbut ba, jibie tut jide limwa nya. Lene attei ade tom po abibui Minyei Nil ngwa dip pima bit na.

NEHEI LEUSI 18:12

Lene Yitro jem mindhe-ndhe nya kwei bindig bihi kep hum titut yam lene srat bihi hacan ei nimbar hum dokti bak Allah. Lene Harun kin nibou mben Israel nindigsi nya yahagom induk yam kwei bigyem njita bit Yitro bou Allah niyai him.

NEHEI LEUSI 2:25

Noni ngat bou niyai him bipia mben Mesir iba imbuk co kep mben Israel. Gima rino kos tut bipia mimpu yok.

NEHEI LEUSI 24:11

Mbro nok gino nibou mben Israel pima yok yahagom ingat Allah tu lo, Noni kes nimai ei yok dip bi. Gima ngwig lene yahagom igyem njita bit yam.

NEHEI LEUSI 3:2

Ei sirima lene tuhan de malaikati ndo nonti bak Musa tug hon hum njeng di sror ei warti. Musa tou kep hum di ninjeng sror lene nggap leu tut lewo hum yem war dima bi.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NEHEI LEUSI 4:1

Lene Musa buhup tuhan nihyet bipai “Notou mem da tut gima mben Israel iba ingon com da bibit dihyet bi i? Gino isrep tut da bipai bipia ando Nanti bida bi lene midibuhup hanyen biyok notou i?”

NEHEI LEUSI 4:29

Gima rino Musa kin Harun ingkwei hanyen ug ei minu Mesir binduk nibou mben Israel yahagom kwei.

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

NEHEI LEUSI 4:5

Lene tuhan cuk noni bu bipai “Ma ando mindur dima bak mben Israel nok mun di bindo bipia tuhan di nok idigup-idigai bat Abraham kin Ishak kin Yakub yoni ide Allah ndo Nonti bina tu.”

MATIUS 26:3

Mpe dima ne imam nindig nya kin nibou mben Yahudi nya induk yam kwei ei Kayafas di Imam Nibou Ndig de ig.

LUKAS 1:68

“Jikwei ba, inggei sut mben Israel ide Tuhan. Lewo Noni kwei mpu Nide limwa nya ba, kwek yok leu mun di kat yok.

LUKAS 19:44

Yoni minggek jide ig hagom bitut timiei nya yahagom bingwig. Yoni mibindei timek je bitut timiei nya yahagom. Tig di jo-jo yam dip mijo bu bi lewo jingon hukti tut nituti di Allah kwei mem gima teu je bijingwes ngun bi!”

KISAH 11:30

Igyai hagom bit leu nok ice tut yamti dima lene ikes mitiei di ikwas tu dima bak Barnabas kin Saulus ba, yo cin dima ipwoi biyuug sut bigyai bak nibou mbusyamei nya.

KISAH 15:14

Nogindi pa Simon pai brei bije tut Allah di singat tut ngkiai nya ei nimbie him tirigi Noni dimig keret gom leu ngkiai nya ikieti leu binhyepo inok Nide limwa nya pima.

KISAH 20:17

Nikwei krau minu ndig Miletus lene Paulus sok nihyet bak nibou mbusyamei nya ei minu ndig Efesus leu binhyepo ikwei ngat noni.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

SRAT RUT 1:6

Mpe hi bu tirigi Naomi bong ningkiaisi ei minu Moab lene noni miap tut mben Israel inghapti bipia tuhan ngondut yok bibindei ba, ide njita ei beisi yai ningat nindig bibor hanyen bu. Gima rino noni kin nignyot bat cin itin ei mem ingkwei hanyen leu minu Moab.