NEHEI LEUSI 3:13 - ALLAH NIHYET MEM TUNGWATU NYA

¹³ Noro Musa buhup “Gino duug ngat mben Israel biditri tut biyok bipia idigup bat-idigai bat nya ide Allah pinak da kwei ndam yok lene mbigom yoni mihig ser da tut Na di Allah anyenga. Gi nok lene notou midibuhup ighyet hanyen i?”

NEHEI LEUSI 3:13 ပူးပေါင်းရင်းမြစ်များ

NITRITI 32:29

Lene Yakub hig ser noni “Anyeng tou i?” Leu api no dima buhup “Ahig ser dinyeng tut nggon i?” Leu api noni njei mun di kei bak Yakub.

NEHEI LEUSI 15:3

tuhan ne tentara ngat rin ba, ninyeng rino tuhan.

NEHEI LEUSI 3:12

Lene Allah buhup “Midingat rin bit na leu api tirigi ateu yok bingwes ngun leu minu Mesir lene mijikuk je biDa ei nungug dini. Mun dima rinok mun di bindo tut bipia dipinak na.”

NEHEI LEUSI 3:14

Lene Allah pai “DANI NE NO DI NINGAT RI. Apai biyok bipia No di ninyeng DANI NE NO DI NINGAT RIN pinak na ug ndam yok.

NEHEI LEUSI 3:15

Ma apai bak mben Israel bipia Dani ne tuhan di idigup bat-idigai bat di Abraham kin Ishak kin Yakub yoni ide Allah pima rin ba, dipinak na ug ndam yok tu. Dani ne tuhan ba, gima ne dinyeng di bijo ninno bijo kikau ri. Suar mben Israel ide nintun him yamti di bram yam nya igyok ngon kep dinyeng dima kikau buug hon nohonti bi.

NEHEI LEUSI 7:16

Lene apai binoni bipia tuhan di nok mben Ibrani ide Allah cuk na kwei. Lene apai bak Firaun bipia suar noni kes Ditde limwa nya bimbut ug ei iggum ndigsi leu binhyepo ibon midut nindig mindhe kep hum bak Dani ei mpia dima. Noro Firaun ce tut bibit dihyet bi kikau kwei bipek ammani kep.

NIPINGOK NINGONTI 30:4

Tou rikui ug ei gwamti bijuk hanyen kwei su i? No dima kat hou nimig ei ninda bia bei tu e, he tau minyei binggai hagom ei nide sinsun nindati tu e, he kos tut dihyeisi dini nohon keti nya e? Gino akan tut no dima ninyeng kin nimunggwom bat nya inyeng ne tou yo i?

YESAYA 52:6

Gima rino mijipai jit bipia Dani ne Allah ri. Mpe dima lene mijo nibreisi mem je bipia dimbrap bit je.”

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

NIJAM NIKEI NYA 13:17

Gima rino Manoah hig pus noni “Ma andat kep anyeng brei binye leu binhyepo tirigi mun dini yok dem igbit apaisi lene mininggei sut na.”

NIJAM NIKEI NYA 13:6

Lene sop dima ug pai bak nijjep “Allah pinak tungwagom bikwei ngat da bidingat lo, niimaisi dem kep nok malaikati leu gwamti apino dittin nindig bibor. Dihig ser noni tut nikwei leusi bi lene noni ndat kep ninyeng bida cem bi.