NEHEI LEUSI 3:10 - ALLAH NIHYET MEM TUNGWATU NYA

¹⁰ Nogindini midipinak nani ba, aug ya ei Firaun noho bei leu binhyepo ateu Ditde limwa nya bingwes ngun leu minu Mesir hak ug.”

NEHEI LEUSI 3:10 ပူးပေါင်းရင်းမြစ်များ

NITRITI 15:13

Leu api tuhan pai binoni “Ei nidipti bu lene ade nintun him yamti di bram yam nya mporo minok awak ei ingkiaisi ba, ngkiai ico kep yok nindig bibor kikau mem nijam ari bingwam sratus bitai.

NITRITI 15:14

Noro midikes hukum ei ngkiai dima yok dip drek dip gi ico kep yo di intun nani him binok awak nya. Mpe dino yo di intun nani him imbut leu ingkiaisi lene yoni mittei ndigban nindig bibor bikwei sut.

MAZMUR 105:26

Noni pinak Nide awak di Musa kin Harun di Noni dimig yok ei su nya.

MAZMUR 77:20

Ambut ei muk di tti bibor ningwa dip. Asigon muk di jut bibor lo, hi gingat amig ceti nya bi.

NEHEI LEUSI 12:40

Nibohon rinok gini. Mben Israel ibong ei minu Mesir mem ari bingwam sratus bitai ningot ningai su.

NEHEI LEUSI 12:41

Hammi tirigi ari bingwam sratus bitai ningot ningai dima ngwig leu su rino tuhan de limwa nya bikwop ide mben yahagom imbut bihigom leu minu Mesir.

NEHEI LEUSI 33:12

Lene Musa pai bak tuhan “tuhan e, acuk da bipia suar dibuwak yo dini ug ei minu di apreu ei mem yok. Noro apai brei bida tut no dima apinak kwei mem gima mpu da bigyo. tuhan e, apai bipia akan mungkun tut da ba, ajoi sut da nipou su.

NEHEI LEUSI 33:13

Gi nok lene handei kon ba, Na di tuhan ando angon kanti bida leu binhyepo diyai kep Ade midyai nya bidibindei ba, ajoi sut da kikau. Ma ayok ngon kep bipia adimig yo dini ei ba, inok Ade limwa nya ba, anyeng tak kep yok tu.”

NEHEI LEUSI 6:26

Yo cin dini igya ei nibou ndig mben Mesir noho bei bibicuk noni leu binhyepo kes mben Israel leu awaga.

HOSEA 12:13

Yakub dino ide pung di intun him nang ug ei minu Mesopotamia leu api bon nonti nok awak mem tungwagom binyohou no dima nide domba nya ei minu dima leu binhyepo bitug ndei nitnem.

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

KISAH 7:34

Dingat Ditde limwa nya di igyai ninghuisi wei nindig bibor ei minu Mesir bidiyok ngon kep yok. Dimiap ighyet tut gi yuun-icot nindig bibor tu. Gima rino dijuk kwei mem diteu yok bingwes ngun. Nogindini akwei! Dipinak nani hanyen ug ei minu Mesir.’

KISAH 7:36

Musa dini ripo bie tut yok leu minu Mesir leu api bibon mindur kin bindo ei Mesir kin Muk Ngwoi kin iggum ndigsi kikau mem ari bingwam ningot bitai pima.

KISAH 7:6

Noro Allah pai binoni ‘Ei nidipti bu ne yo di intun nani him mibong ser ingkiaisi binok awak. Ngkiai nya mihwen bit yok kikau mem ari bingwam sratus bitai.

KISAH 7:7

Noro midikes hukum ei ngkiai nya dima yok dip drek dip gi ico kep yo di intun nani him binok awak nya. Yo di intun nani him minang leu minu dima leu api mikwei kuk yok biDa ei minu dini.’

NIJAM NIKEI NYA 6:14

Lene tuhan cuk noni bipai “Ma aug ba, aba ade nisindemti titut yam biteu mben Israel bingwes ngun leu mben Midian inda nsi a. Dani ne No di cuk na ri.”

SAMUEL GI NIGOM 12:6

Lene Samuel binut nihyet bu bipai “tuhan Nonti dimig Musa kin Harun ei leu api buwak jidigup bat-jidigai bat nya kwei leu minu Mesir.

SAMUEL GI NIGOM 12:8

Tirigi po Yakub kin nide bat nya yuug ei minu Mesir leu api mben Mesir ico kep yok pima lene jidigup bat-jidigai bat nya yahara tuhan leu binhyepo mpu yok. Apino Noni pinak Musa kin Harun ug ndam yok. Lo bi lene yo cin dima ibuwak ide limwa nya kwei leu minu Mesir leu binhyepo ikwei bong kei igwam kei ei minu dini.