NEHEI LEUSI 28:41 - ALLAH NIHYET MEM TUNGWATU NYA

⁴¹ Ajuk sinsun dini yok hagom ei akindig Harun kin nipmot bat nyati. Lene ata yok ba, adimig yok ei cem tug hon gima anden ampou tut mini zaitun ei yok dip leu binhyepo igyai midyai mem Da nok imam nya.

NEHEI LEUSI 28:41 ပူးပေါင်းရင်းမြစ်များ

NEHEI LEUSI 29:7

Lene ayai mini nibon midut ba, asiber ei Harun nibou nggram him.

IMAM NYA IDE MIDYAI 10:7

Ma jikes Prak Meng ba, jimbut leu au. Leu gi nok lene mijimai lewo tuhan ta je tug hon Nide mini nibon midut tu.” Lene ibit leu nok Musa nicuk yokti.

NEHEI LEUSI 40:15

Lene akiber mini nibon midut ei ibou nggram him bit leu nok akiber ei icig nibou nggram him pima leu binhyepo igyai kep midyai nok imam mem Da. Tug hon nibon midut dima lene yoni migyai inyeng imam bijo ninno bijo kikau.”

NEHEI LEUSI 29:9

Lene ikri kep intig bou leu api ittin ide topi. Ma ata Harun kin nipmot bat nya tug hon nisinati dima. Suar yoni kin ide nintun him yamti di bram yam nya igyai midyai nok imam bijo ninno bijo kikau.

IBRANI 7:28

Puig Yahudi niggai serti kon tungwatu nya ba, inok imam nibou ndig. Noro niabiati Allah yai niggai serti bak Musa lene Noni ba neheng bipreu ei lene nipreu eisi dima kon Nipmot nok Imam Nibou Ndig di kei-kau-kei kikau buug hon nohonti bi.

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.

YOHANES GI NIGOM 2:20

Noro jiyai Allah Ninnei di Yesus Kristus kes nyahan ei jingonti tu gima rino jahagom jingon dorti tut nihyet di nijit.

IBRANI 5:4

Tungwa hi ta nonti nok imam nibou ndig bi. Noro Allah Nonti dimig no dima bita noni nok imam nibou ndig bit leu nok Noni ta Harun nipou su.

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

YEHEZKIEL 43:26

Suar imam nya ibon midut nipiga nimbar hum dokti dima mem njap muhwindacan leu binhyepo ibitin ei nimbar hum dok mem ibibon kep midut nya eisi.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YESAYA 10:27

Mpe dima lene miditeu je leu mben Asyur ide nico kep jeti leu api inyeng tak kep je bu bi.”

MBEN ISRAEL IMBUT-MBUT NYEN 3:3

Musa ta yoni nok imam nya nipou su tug hon nibon midut niba mini biprok ibou nggram him.

NEHEI LEUSI 29:35

Nibon midut nita Harun kin nipmot bat nyati dima mimbut mem mmun-njap muhwindacan bit leu nok dicuk nati tu.

NEHEI LEUSI 29:24

Lene akes mun dini yok hagom bijo ei Harun kin nipmot bat nya indati leu binhyepo ikon bijo nai ei Doho bei nok mun di bon ninyeng mem Da.

NEHEI LEUSI 28:4

Ma acuk yok bipia inap sinsun minai kin sinsun efod kin sinsun ndok di jei kin sinsun ninda kin topi kin mun di bikri kep nintig bou hagom mem akindig Harun kin nipmot bat nya leu binhyepo igyai midyai nok imam mem Da.

NEHEI LEUSI 28:1

Lene Allah pai bak Musa “Ma ahig akindig Harun kin nipmot bat Nadab kin Abihu kin Eleazar kin Itamar nya kwei. Lene adimig yok bijo ter leu binhyepo igyai kep midyai nok imam mem Da.

NEHEI LEUSI 40:13

Lene ajuk sinsun imam pima hagom ei Harunti leu api akiber mini nibon midut ei nibou nggram him leu binhyepo abidimig noni ei mem gima yai kep midyai nok imam mem Da.

IMAM NYA IDE MIDYAI 16:24

Lene ma noni kek minyeiti ei mpia di kwes leu api juk nide sinsun hanyen. Gima ngwig lene ma noni hei ug ei nisai bibui mindhe hi mem nibon midut nibikos ser nide sisar ba, bibui mindhe hi mem nibon midut nibikos ser mben Israel ide sisar cem.

NEHEI LEUSI 30:35

Lene aba biei nggrai di ui-gwang kei dini bibon mun di ui-gwang kei di ninghap noyam kin mini ibou. Lene aba nsim srigsi leu binhyepo pimbai kei ba, kwes-kwau cem.

MBEN ISRAEL IMBUT-MBUT NYEN 16:5

Leu api pai bak Korah kin yo di igya kui noni “Njap di hyep bu mem mpia tekti api tuhan mindo igbit Nide imam di ninyeng tak kep pijum. tuhan misindui sut imam di Noni ndo ei su dima nongkom ya dideu Noni ei bei nimbar hum dok.