NEHEI LEUSI 28:2 - ALLAH NIHYET MEM TUNGWATU NYA

² Ma anap sinsun imam mem Harun bijuk leu binhyepo bindei ba, ninyeng jei bou tungwatu igyai him.

NEHEI LEUSI 28:2 ပူးပေါင်းရင်းမြစ်များ

IMAM NYA IDE MIDYAI 8:30

Lene noni yai mini nibon midut poi kin mindhe nggrom dijo ei nimbar hum dokti poi leu api ug biprok Harun kin nipmot bat nya ingat kin ide sinsun nibon midut di ijuk cem. Tug hon nisinati dima lene noni dimig yoni ingat kin ide sinsun cem ei mem tuhan.

NEHEI LEUSI 31:10

kin sinsun nibon midut mem Harun kin nipmot bat nya di ijuk ei yokti tirigi igyai kep midyai nok imam,

NINGAT-HI-NGAT NYA 19:8

Noni juk sinsun linen di jimjit.” (Sinsun dima ne Allah de limwa nya igyai munti di kei bibor nya ri.)

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

AYUB 40:10

Gi nok lene ma aba anyeng di jei kin angon di jei bimau nanti. Ma ajuk sinsun nibou ndig bitut nikei-kau-keisi.

NEHEI LEUSI 28:40

Lene anap sinsun nda kin ninghas linen di ibikri kep intig bou kin topi mem Harun nipmot bat nya leu binhyepo bindei ba, inyeng jei ei tungwatu igyai him.

NINGAT-HI-NGAT NYA 5:10

Abindei yo dini binok imam nimpung nindig bibor di igyai kep Allah de midyai nya ba, inyeng tak kep tungwatu dihyeisi dini hagom.”

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

PETRUS GI NICAN 1:17

Nyeni ningat rin bit Noni ei mpe di Nicig Allah kon Noni ninyeng biyai nikei-kau-keisi bak. Mpe dima lene nihyet gom tibim kwei leu Allah Di Sieng-Siau nuhui him di pai biNoni “No dini ne Dipmot di dingon ngakei rin ba, dingon kei sut Noni.”

IBRANI 2:9

Noro ikan tut Yesus kin Nide nisindemti tu! Allah om Yesus wer ei bijehei leu malaikati nya mem nijam di jei bi leu binhyepo Noni mai mem tungwatu dihyeisi dini hagom tug hon Allah de nisingat tut nyeti. Nogindini ikan tut bipia Noni yai Nide nikei-kau-keisi kin ninyeng di jei lewo tug ndei ninghuisi wei kin nimai tu.

GALATIA 3:27

Ba, jahagom jiyai dimigyam tug hon Kristus ninyeng leu api jiba jekep Yesus ningon mien paisi ei jingonti.

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YESAYA 64:6

Nahagom nirom ndok ba, nyende niyai munti di kei nya noyam kin minyahas di map kui ba, mpiei bibor. Nyende sisar mibindei ba, nisar biningwig noyam kin mahai-meng di mui bibit hou.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YESAYA 4:2

Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

MAZMUR 149:4

tuhan joi sut Nide limwa nya. Noni bindei ba, yo di iba ibou coi mem Noni ibindei timek ide siceu nya.

MAZMUR 132:16

Imam nya ei Sion mindo Ditde puig di bindei ba, igyai niteu leu ide sisarti biyok. Timiei minu dima miba ingon di llei bimbos-hi mbos.

MAZMUR 132:9

Abindei ba, Ade imam nya igyai munti nya bit leu nok angon kanti mem yok ba, Ade limwa nya iba ingon di llei bimbos-hi mbos.

MAZMUR 96:6

Nikei-kau-keisi kin ninyeng di jei biborti bikrop ttai Noni. Nide Ig mpung tut Nide nisindemti kin nidia-diau keisi.

NEHEI LEUSI 40:13

Lene ajuk sinsun imam pima hagom ei Harunti leu api akiber mini nibon midut ei nibou nggram him leu binhyepo abidimig noni ei mem gima yai kep midyai nok imam mem Da.

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

NEHEI LEUSI 29:28

Gini ne mun di dikos tut rin ba, bit bon hi srep tut kan bi. Tirigi Ditde limwa nya ikwei kwas mindhe tut Da mem nibon midut nibiyai ningon kwes kin Allahti lene imam nya ibet ningget kin nindimuhum ei mem yonti igyem kep.