NEHEI LEUSI 28:1 - ALLAH NIHYET MEM TUNGWATU NYA

¹ Lene Allah pai bak Musa “Ma ahig akindig Harun kin nipmot bat Nadab kin Abihu kin Eleazar kin Itamar nya kwei. Lene adimig yok bijo ter leu binhyepo igyai kep midyai nok imam mem Da.

NEHEI LEUSI 28:1 ပူးပေါင်းရင်းမြစ်များ

MBEN ISRAEL IMBUT-MBUT NYEN 18:7

Noro nani kin apmot bat nya he rima jiyai jibou tut imam de midyai ba, gima ne midyai nyeng hagom di bitut nimbar hum dok kin ndigban ei Ninsi Di Kwes-Kwau cem ri. Gima ne ade midyai di ayai abou tut nya rin lewo dita nani leu binhyepo ayai anyeng imam. Ma asindui sut ba, yo di idem mem igyai midyai dima bi nya idideu ndigban di kwes-kwau dima yok au. Leu gi nok lene midikes hukum nimai ei yok dip.”

NINDAT KEP TUHAN NICUKTI NYA 10:6

Mpe dima ne mben Israel ijo leu timiei Yaakan ide minyei bousi nya ba, yuug bong ei Mosera. Lene Harun niyaijo ngwig hon ei sirima ba, itig lene nipmot Eleazar ya luei nohoti nok imam bu.

MBEN ISRAEL IMBUT-MBUT NYEN 26:61

Nadab kin Abihu itug ndei nimai tirigi po ittei hum di kwes-kwau bi bigya tut ei tuhan Noho bei pima.

MBEN ISRAEL IMBUT-MBUT NYEN 2:4

Nahason di Aminadab nipmot ne nibou mem keret Yehuda ri. Imangti ibou sribu ningot muhwindacan bitai ba, sratus muhwindagom.

IMAM NYA IDE MIDYAI 10:12

Lene Musa pai bak Harun kin nipmot bat cin di Eleazar Itamar nya “Juug ket njita nibipai sigyo bak Allahti niken lene ma jiba tepun dima bikang roti dwoi bi leu api jiyem roti dima tirigi jiya kui nimbar hum dok lewo njita nitin ei dima kwes-kwau bibor.

IMAM NYA IDE MIDYAI 10:1

Mpe di gom bu lene Harun nipmot bat cin Nadab Abihu nya igyai ide srier hum bikes hum mbom eisi. Lene ibigimahap biei nggrai di ui-gwang kei eisi bimbut tut ug ei tuhan Noho bei. Noro hum dima ne hum di map kuisi rin ba, igyai mun njiriek tuhan nicuk yokti.

IMAM NYA IDE MIDYAI 8:2

“Ma ahig Harun kin nipmot bat nya kwei. Lene ma ikon ide sinsun nibon midut kin bansi di roti dwoi bi joti cem kwei. Lene ma ijem sapi nikre di nehen pap ningut gom kwei mem nibon midut nibiyai nikos ser sisarti. Lene ma ijem domba nikre ningut can kwei bu ba, ijem hagom biyuug sut bigya kui dimbou ei Ditde Prak Meng nuhuigya.

NEHEI LEUSI 35:19

kin sinsun nibon midut mem Harun kin nipmot bat nya di ijuk ei yokti tirigi igyai kep midyai nok imam ei Ninsi Di Kwes hagom.”

NEHEI LEUSI 31:10

kin sinsun nibon midut mem Harun kin nipmot bat nya di ijuk ei yokti tirigi igyai kep midyai nok imam,

NEHEI LEUSI 30:30

Lene attin ampou tut mini ba, akiber ei Harun kin nipmot bat nya ibou nggram him ba, ata yok nok imam di igyai kep midyai mem Da.

NEHEI LEUSI 29:44

Midibindei ba, Prak Meng kin nimbar hum dok kwes-kwau kei leu api mididimig Harun kin nipmot bat nya bijo ter leu nindigsi nya leu binhyepo igyai kep midyai nok imam mem Da.

NEHEI LEUSI 29:9

Lene ikri kep intig bou leu api ittin ide topi. Ma ata Harun kin nipmot bat nya tug hon nisinati dima. Suar yoni kin ide nintun him yamti di bram yam nya igyai midyai nok imam bijo ninno bijo kikau.

NEHEI LEUSI 29:1

Lene Allah pai bak Musa “Gini ne nisinati mem gima ata Harun kin nipmot bat nya nok imam di igya hacan mem Da ri. Aug jem sapi nikre di nehen pap ningut gom kin domba nikre di bon bok-ba bi ningut can kwei.

NEHEI LEUSI 28:41

Ajuk sinsun dini yok hagom ei akindig Harun kin nipmot bat nyati. Lene ata yok ba, adimig yok ei cem tug hon gima anden ampou tut mini zaitun ei yok dip leu binhyepo igyai midyai mem Da nok imam nya.

NEHEI LEUSI 24:9

Lene noni kin Harun kin Nadab kin Abihu kin nibou nya ibou ningot muhwindacan yahagom ikui ug ei nungug dip dima.

NEHEI LEUSI 24:1

Lene tuhan pai bak Musa “Ma akui nungug dini kwei ba, angat Da lo, abuwak Harun kin Nadab kin Abihu kin nibou mben Israel ibou ningot muhwindacan cem kwei. Noro nipou tirigi jikwei dideu Da bigyo lene jahagom jikuk je bijinggei sut Da.

NEHEI LEUSI 6:23

Lene Korah yai nipmot bat nya ibou ningai di inyeng rino Asir kin Elkana kin Abiasaf. Yo dini ne pung di Korah de keret nya intun him ri.

LUKAS 1:8

Mpe di gom tirigi imam nimpung Abia igyai midyai sindam lene Zakharia bindei mbut nide midyai nok imam ei Allah Noho bei.

NIBOHON MBEN ISRAEL GI NICAN 11:14

Lewi nya ikiju bimbut hak bikes ngoi dumti di ide nya kin dihyei di ide nya bijo ei. Lene ipri hak leu ba, yuug bong ei Yehuda kin timiei Yerusalem ide ninyeng tak kepti. Igyai nok gima lewo Yerobeam kin nibou ndig di igya luei nohoti sindam nya iggai ser Lewi nya leu nhyema igyai midyai nok tuhan de imam nya bu au.

SAMUEL GI NIGOM 2:28

Didimig nide keret leu keret mben Israel nindigsi nya hagom ei leu binhyepo igyai kep midyai nok imam mem Da ba, igya kui nimbar hum dok ba, indig kep biei nggrai di ui-gwang kei ba, ijuk sinsun efod gi bindo tut dingon kanti cem. Lene disindui sut yok bigyai mikwau ninghui ninggriet gom leu bikwop mindhe di tungwatu nya ijem kwei mem nibon midut nindig kep hum ei nimbar hum dokti hagom.

NIBOHON MBEN ISRAEL GI NIGOM 23:13

Amram gi nipou pima ne Harun Musa nya icig ri. (Musa dimig Harun kin yo di intun him nya pijum ei mem gima inyeng tak kep nimbumbati kin ndigban di ibibon midut nya cem iba biei nggrai di ui-gwang kei di indig pima binggei sut tuhan cem bahati tut tuhan de midyai nya cem iba nadi di ingat tug hon tuhan ninyeng bipai ighyet di biyai gi kei bak limwa nya bijo ninno bijo kikau.

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

IMAM NYA IDE MIDYAI 7:35

Ninghui dini kwei leu mindhe di ibui bindig kep hum mem tuhan ei njap dino ata Harun kin nipmot bat nya nok imam.

IMAM NYA IDE MIDYAI 8:1

Lene Tuhan pai bak Musa,

NINDAT KEP TUHAN NICUKTI NYA 18:5

Jide tuhan Allah dimig keret Lewi leu keret mben Israel nindigsi ikieti ba, inok imam bijo ninno bijo kikau.

NIBOHON MBEN ISRAEL GI NIGOM 6:34

kin Elkana kin Yeroham kin Eliel kin Toah kin Zuf kin Elkana kin Mahat kin Amasai kin Elkana kin Yoel kin Azarya kin Zefanya kin Tahat kin Asir kin Ebyasaf kin Korah kin Yizhar kin Kehat kin Lewi kin Yakub.

MAZMUR 115:10

Je di tuhan de imam nya e, ma jiba jingon com Noni lewo Noni mpu je biya srak ko hagau je.