NEHEI LEUSI 27:1 - ALLAH NIHYET MEM TUNGWATU NYA

¹ “Ma aba biei meng dia nisra bibon nimbar hum dok di nijeisi kin ninyanti meter can biniken ba, hacem noyam. Lene abon nanaisi meter gom biniken.

NEHEI LEUSI 27:1 ပူးပေါင်းရင်းမြစ်များ

SAMUEL GI NICAN 24:18

Lene Nabi Gad kwei ngat Daud mem njap dima bipai bak “Na di Anyeng Jei e, suar akui ug ei Arauna de ig gudan di illet gandum ninjep leu nisina bai kikep eisi ba, awin nimbar hum dok mem tuhan ei sirima.”

NIBOU NDIG NYA GI NICAN 16:14

Lene Ahas ngat lo, nimbar hum dok di iba ngkimom-tembaga bibon di ikes pijum mem tuhan no jo ei Tuhan De Ig kin nimbar hum dok nijep dima ikieti. Gima rino noni bindei ba, nimbar hum dok di iba ngkimom-tembaga bibon dima birok kik Tuhan De Ig nuhui him bu bi lo, isindik bijo ei nonti nide nimbar hum dok nijep dima nijjai.

NIBOHON MBEN ISRAEL GI NIGOM 6:49

Harun ya tut nide nintun him di bram yam nya ide midyai nya rino indig biei nggrai di ui-gwang kei ba, ibon midut nindig mindhe-ndhe titut ei nimbar hum dokti lene ibon midut nyeng hagom ei Ninsi Di Kwes-Kwau ba, ibon midut nibiyai nikos ser mben Israel ide sisarti bindig mindhe-ndhe di ibui mem mben Israel leu binhyepo ibiyai nikos ser ide sisarti cem. Igyai midyai dima yok hagom bit leu nok nisinati di Allah de awak Musa ndo biyok tu.

NIBOHON MBEN ISRAEL GI NICAN 4:1

Nibou Ndig Salomo cuk yok ba, iba ngkimom-tembaga bibon nimbar hum dok ningat gom. Nimbar hum dok dima nijeisi dem meter muhwindatai. Lene ninyanti dem meter muhwindatai. Lene nanaisi dem meter bitai biniken.

EZRA 3:2

Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.

NEHEI LEUSI 17:15

Lene Musa dingug tig binok nimbar hum dok bijem ninyeng “tuhan Rinok Ditde Kendera.”

NEHEI LEUSI 24:4

Lene Musa pas kep Tuhan De nicuk noti nya hagom. Njap di hyep bu mem ha yausi lene noni dingug tig nibiyok ngon kep nindak simnaibrimigcan ei nok nimbar hum dok ei nungug dima nikiou. Bikwop tig dima hagom ndo tut mben Israel ide keret gom gom.

NEHEI LEUSI 31:9

kin nimbar hum dok di indig mindhe kep hum eisi bitut nimbumbati nya kin bokor minyei tut nidihim,

NEHEI LEUSI 35:16

kin nimbar hum dok di indig mindhe kep hum eisi bitut nide kawanggai kin ug nya kin nimbumbati nindigsi nya kin bokor minyei bitut nidihim,

NEHEI LEUSI 39:39

kin nimbar hum dok di iba ngkimom-tembaga bibon bitut nide kawanggai kin nide ug nya kin nimbumbati nindigsi nya kin bokor minyei bitut nidihim,

NEHEI LEUSI 40:10

Lene aba mini nibon midut dima bipiga nimbar hum dok lene gima bindei ba, kwes-kwau ei mem Dani.

NEHEI LEUSI 40:29

Lene ikon nimbar hum dok pima kwei bikes ei minghas dini nuhui bu. Lene noni bon midut nindig mindhe titut kep hum kin nibon midut njita nibipai sigyo bak Allah cem bit leu nok tuhan nicukti.

NEHEI LEUSI 40:6

Lene akon nimbar hum dok kwei ba, akes bijo ei Prak Meng nuhui.

MBEN ISRAEL IMBUT-MBUT NYEN 3:31

Kehat nya inyohou dimig Brua Gi Preu kin meja kin mini njeng nidihim kin nimbar nya kin mun di imam nya ibiyai midyai ei Ninsi Di Kwes nya kin minyahas di bikkin Ninsi Di Kwes nya. Yoni yahati tut midyai di bitut ndigban dima yok hagom.

MBEN ISRAEL IMBUT-MBUT NYEN 4:13

Lene icok atriem leu nimbar hum dok leu api ingig minyahas nghei nta gom kep nidip.

MBEN ISRAEL IMBUT-MBUT NYEN 4:14

Lene ikes nimbumbati di ibibon midut nibikuk yok bak tuhanti ei nimbar hum dokti dima nok atriemti kin hot nggram nya kin skop nya kin bokor nya hagom ei dip. Leu api iba mindhe ngkek di nggriu-nggrop kei gom bijuk kep mun dima hagom lene ma isu ug di ibikon nya hacem eisi leu api ikes bijo ei lat gom dip.

IBRANI 13:10

Nyeni ibon nimbar hum dok mem ide midut nibikos ser sisarti ei Allah Noho bei. Noro dem mem gima imam nya di igyai midyai ei Tuhan De Ig igyem kep mun di jo ei nimbar hum dokti dima bi.