NEHEI LEUSI 26:36 - ALLAH NIHYET MEM TUNGWATU NYA

³⁶ Lene abon ninghas meng gom kin bu mem gima ndun ser dimbou huigya. Aba minyahas linen di dia-diau kei bibon ninghas meng dini ba, abien mong wol nimmun kin nghei nta kin gi ningwoi eisi. Lene abien ninghas him nya cem bu.

NEHEI LEUSI 26:36 ပူးပေါင်းရင်းမြစ်များ

NEHEI LEUSI 36:37

Lene ibon ninghas gom kin bu mem gima ipindur ser dimbou huigya. Iba minyahas linen di dia-diau kei bibon ninghas dini ba, ibien mong wol di nimmun kin nghei nta kin gi ningwoi eisi. Lene ibien ninghas him nya cem bu.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

MAZMUR 78:60

Lene bikes Nide Prak Meng di yohok ei Silo di nok mpia di Noni Ningat rin eisi ei Nide limwa nya ikieti bijo ei.

SAMUEL GI NICAN 7:6

Ei nijam po diteu Ditde limwa di mben Israel ba, ingwes ngun leu Mesir kikau kwei bipek ammani kep lene dibong ig hiti bi. Lewo dibong-bong nyen bidem minu ei prak meng behei he.

MBEN ISRAEL IMBUT-MBUT NYEN 9:15

Lene hammi tirigi imam nya yohok tuhan De Prak Meng biput tu rino bumbuhui ttou juk kwei bijo nai Prak Meng dima dip.

MBEN ISRAEL IMBUT-MBUT NYEN 3:25

Gerson nya inyohou dimig minyahas mem tuhan De Prak Meng di jo bei ninsi kin minyahas di ibinggai kep kin minyahas di ipindur ser dimbou tausi ei Ninsi Di Kwes,

NEHEI LEUSI 39:33

Lene ikon Prak Meng dima ningat tut nimbumbati nya hagom kwei bak Musa. Nimbumbati nya rinok gini. Nikoisi nya kin nide biei kibi nya kin nide biei njiti nya kin nikiou nya,

NEHEI LEUSI 35:11

Nok Prak Meng kin minyahas nititut yam kin prak meng di iba kambir ningkek bibon kin nikoisi nya kin biei kibi nya kin biei njiti nya kin cou nya kin nikiou nya,

NEHEI LEUSI 26:31

Lene ayai minyahas linen di dia-diau kei bu mem ban mbrawin hi kin bu ba, abien mong wol nimmun kin nghei nta kin gi ningwoi eisi. Lene abien kerub nya ingwes eisi bidis yam kikau ei nahacanti.

NEHEI LEUSI 27:16

Lene anap ninghas gom di nijeisi meter muhwindatai mem gima ndun ser dimbou huigya. Ma aba minyahas linen di dia-diau kei binap ninghas dini ba, abien mong wol nimmun kin nghei nta kin gi ningwoi eisi. Lene akes ninghas dini bindun cou bitai di ata ei nikiou bitai him.

NEHEI LEUSI 28:39

Aba linen di dia-diau kei binap sinsun nda bak Harun. Lene aba linen di dia-diau kei bu binap topi mem noni. Lene abien ninghas linen gom di noni bikri kep nintig boua.

NEHEI LEUSI 38:18

Lene noni ba minyahas linen di dia-diau kei binap ninghas mem gima ndun ser dimbou hui ba, noni bien mong wol di nimmun kin nghei nta kin gi ningwoi eisi. Ninghas dini nijeisi meter muhwindatai lene nanaisi meter can ba, noyam kin sar nanaisi.

NEHEI LEUSI 39:29

Lene iba linen di dia-diau kei kin wol di nimmun kin nghei nta kin gi ningwoi binap mun di imam bikri kep nintig bou bit leu nok tuhan nicuk Musati.

YEHEZKIEL 16:10

Leu api dijuk sinsun sop di ibien he kin srop di iba mindhe ngkek di nggriu-nggrop kei bibon kin mun nibingot nibou di iba minghas linen binap kin sinsun ndok sutra di jei di cut di gwam amig ggom di leu sutra ei nati.

NEHEI LEUSI 28:15

“Lene anap sinsun minai mem Imam Nibou Ndig ningget leu binhyepo noni ba sinsun minai dima bikan tut Da di Allah dingon kanti. Aba minyahas kin mun di ibien ei sinsun efod pimati binap kin sinsun minai dini cem.

NEHEI LEUSI 35:15

kin nimbar hum dok mem biei nggrai bitut ug nya kin mini nibon midut kin biei nggrai di ui-gwang kei kin ninghas di isreu ser dimbou hui ei Prak Meng nsi,

NEHEI LEUSI 40:5

Lene akon nimbar hum dok mem biei nggrai kwei ba, akes bijo ei Brua Gi Preu nibiho leu lene apindur ninghas gom kin bu bijo ser dimbou hui ei Prak Meng nsi.