NEHEI LEUSI 26:31 - ALLAH NIHYET MEM TUNGWATU NYA

³¹ Lene ayai minyahas linen di dia-diau kei bu mem ban mbrawin hi kin bu ba, abien mong wol nimmun kin nghei nta kin gi ningwoi eisi. Lene abien kerub nya ingwes eisi bidis yam kikau ei nahacanti.

NEHEI LEUSI 26:31 ပူးပေါင်းရင်းမြစ်များ

NIBOHON MBEN ISRAEL GI NICAN 3:14

Lene iba minghas linen kin minghas hiter di bon nisieng nidri kin nisieng nghei nta kin nisieng ningwoi bibon ban mbrawin di ndok nimeng gom lene iba kerub ningwes bimau.

MAZMUR 137:5

Gino dibbwe ser minu ndig Yerusalem ne nnaba abindei bidikek nggong mbrei bou dinda him bu bi sren!

NEHEI LEUSI 25:18

Ma aba mas di itug bidile bibon kerub.

NEHEI LEUSI 25:4

kin minyahas linen di dia-diau kei kin minyahas nimmun kin gi nok nghei nta kin wol gi ningwoi kin minyahas di iba kambir ninta binap,

NEHEI LEUSI 26:1

Lene Allah pai bak Musa “Ma ahok Prak Meng gom mem Da ba, abibon nimbumbati nya nok gini. Ma ayai minyahas linen di dia-diau kei ninghas di nok prak meng nimeng simnai ba, abien mong wol nimmun kin nghei nta kin gi ningwoi eisi. Lene abien kerub nya ingwes eisi bidis yam kikau ei nahacanti.

NEHEI LEUSI 26:32

Ma asreu ban mbrawin dini ei paku mas ningat bitaisi di apek kin cou nidihim bitai di aba biei meng dia nisra bibon. Ma aba mas binggai kep cou dini yok leu api ata hagom ei nikiou nya di aba perak bibon.

NEHEI LEUSI 27:16

Lene anap ninghas gom di nijeisi meter muhwindatai mem gima ndun ser dimbou huigya. Ma aba minyahas linen di dia-diau kei binap ninghas dini ba, abien mong wol nimmun kin nghei nta kin gi ningwoi eisi. Lene akes ninghas dini bindun cou bitai di ata ei nikiou bitai him.

NEHEI LEUSI 27:21

Ma Harun kin nipmot bat nya itin mini njeng dima mem mmunti binjeng kikau ug bipek njap bigyoti ei Prak Meng di dittau kep je eisi. Ma ikes mini njeng nidihim dima bijo bei ban mbrawin nisai ba, Brua Gi Preu cem jo ei sirima ei ban mbrawin nite dima kwei. Suar mben Israel kin ide nintun him yamti di bram yam nya yahagom igyai bit leu nok dicuk nati dini bijo ninno bijo kikau.”

NEHEI LEUSI 28:15

“Lene anap sinsun minai mem Imam Nibou Ndig ningget leu binhyepo noni ba sinsun minai dima bikan tut Da di Allah dingon kanti. Aba minyahas kin mun di ibien ei sinsun efod pimati binap kin sinsun minai dini cem.

NEHEI LEUSI 35:12

kin Brua Gi Preu bitut ug nya kin nibeng kin ban mbrawin di jo ser,

NEHEI LEUSI 35:25

Bikwop sop di idip mong kan yahagom ipwoi mong linen di dia-diau kei kin mong wol di nimmun kin nghei nta kin gi ningwoi di idip ei su kwei.

NEHEI LEUSI 35:35

Noni sindem tut yok leu binhyepo ba nikan bidemti bikilis ndiyok bipas gambar cem bibien minyahas linen di dia-diau kei cem minyahas wol di nimmun kin nghei nta kin gi ningwoi cem minyahas nindigsi nya cem. Yoni ne tukan di ingon ki nya di ibon mun nyeng hagom bou inda him kan ri.

NEHEI LEUSI 35:6

kin minyahas linen di dia-diau kei kin minyahas wol di nimmun kin nghei nta kin gi ningwoi kin minyahas di iba kambir nta binap,

NEHEI LEUSI 36:35

Lene igyai minyahas linen di dia-diau kei bu mem ban mbrawin ba, ibien mong wol nimmun kin nghei nta kin gi ningwoi eisi. Lene ibien kerub nya ingwes eisi bidis yam kikau ei nahacanti.

NEHEI LEUSI 36:36

Lene ipindur ban mbrawin dini ei paku mas ningat bitaisi di ipek kin cou ninjem bitai di iba biei meng dia bibon. Iba mas binggai kep cou dini yok leu api ita hagom ei nikiou nya di iba perak bibon.

NEHEI LEUSI 36:8

Lene yo di ingon ki dor njiriek nindigsi pima yohok tuhan De Prak Meng. Igyai minyahas linen di dia-diau kei ninghas simnai di iba mong wol di nimmun kin nghei nta kin gi ningwoi ba, ibibien kerub nya ingwes bidis yam kikau ei nahacanti.

NEHEI LEUSI 38:23

Lene Oholiab di Ahisamakh nipmot di nimbier kim keret Dan mpu noni ba, noni kilis mun ba, pas gambar kin bien minyahas linen di dia-diau kei kin minyahas wol di nimmun kin nghei nta kin gi ningwoi cem.

NEHEI LEUSI 40:21

Lene ikon Brua Gi Preu titut yam bikes ei Prak Meng behei lene ipindur sinsun mbrawin pima bijo ser bit leu nok tuhan nicukti.

NEHEI LEUSI 40:3

Lene akon Brua Gi Preu bitut Nicukti Simnai di joti ba, akes eisi. Lene apindur ban mbrawin bijo ser Brua dima.

DIUN MIMUN 7:1

“Sop gwam nitta pilei ningat di brim dingon ug o, acom amig tut sandalti kei bibor kei. Andimuhum kruisi dem kep mimau di nikilis kep mun cig bon bou ninda him.

IMAM NYA IDE MIDYAI 16:15

Gima ngwig lene ma Harun bui kambir mem nibon midut nibikos ser mben Israel ide sisar leu api hek ninggrom poi kwei ei Ninsi Di Kwes-Kwau bigimahap Brua Gi Preu nibeng kin nuhui cem bit leu nok niyaisi tug hon sapi nikre ninggrom pima.

IMAM NYA IDE MIDYAI 16:2

“Ma acuk akindig di Harun bipia coi ug ei Ninsi Di Kwes-Kwau di jo sinsun mbrawin nite dima kwei dem igbit tto bou di dipreu ei mem noni tu he. Lewo dindo Danti tug hon bumbuhui di nggai kep ser Da ei nai Brua Gi Preu nibeng dip ei sirima. Leu gino noni bit gi dicuk nati dini bi lene noni mimai drek dip.

MBEN ISRAEL IMBUT-MBUT NYEN 4:5

tuhan yai nicukti dini bak Musa. Gino njap dem mem gima jilet jide prak meng di johok nya lene suar Harun kin nipmot bat nya icoi ug ei tuhan De Prak Meng nsi ba, icug minyahas di ndok di ipindur ser Brua Gi Preu ningat leu api iba minyahas dima binggai kep Brua dima.

MATIUS 27:51

Ban mbrawin di ipindur ei Tuhan De Ig rik hacan bipek guhu bipek gimu. Dihyei mun brim ba, hak cem ki hacan.

MARKUS 15:38

Ban mbrawin di ipindur ei Tuhan De Ig rik hacan bipek guhu bipek gimu.

LUKAS 23:45

ban mbrawin di ipindur ei Tuhan De Ig rik hacan cem.

EFESUS 2:14

Lewo Kristus Nonti bakei nyeti tirigi Noni bindei ba, mben Yahudi kin ngkiai nya inok gom. Kristus ba nimai ei biei salibti binggek tut ngug tig di bikwas yok leu yam di bindei di iba nitok biyam.