NEHEI LEUSI 24:6 - ALLAH NIHYET MEM TUNGWATU NYA

⁶ Tirigi ibui mindhe-ndhe dima yok tu lene Musa hek mindhe-ndhe dima inggrom ba, kwas hacan buhuug inggrom nite hi ei bokorti leu api ba nite hi biprok nimbar hum dok nidip.

NEHEI LEUSI 24:6 ပူးပေါင်းရင်းမြစ်များ

NIBOU NDIG NYA GI NICAN 17:15

Mben Israel kin timiei Yehuda nya ikou sut gima ibit tuhan nicuk yokti nya lene iba ingon di gom biyok ngon kep gi preu po tuhan bon mem idigup bat-idigai bat nya pima bi. Isem tut tuhan nipingok kep yokti nya cem leu api ikuk yok bak kwar nya di bon ninyeng bi. Apino yonti cem ibon inyeng ei tuhan niyai him bi. Mbro nok gino tuhan ggai ser yok lo, iba ingkek di ndok biyai bram mben di ibong ttai yok igyaisi nya hagom.

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

NEHEI LEUSI 12:22

Lene juug yai minta hisop ningot gom kwei bijitur ei domba ninggrom di jo ei bokorti. Lene jibijos ig hyei cin ei jide dimbou hui kin biei njiti di jo nai dimbou hui dima cem. Lene ma jibihi hei ug ei nisai mem mmun dima bipek njap bigyokti au.

NEHEI LEUSI 12:7

Suar yahagom igyai mindhe-ndhe dima yok inggrom poi bibijos ig hyei cin ei dimbou hui kin biei njiti di jo nai dimbou hui ei ig bei di igyem mikwau dima eisi.

NEHEI LEUSI 24:8

Lene Musa ug yai bokor pima tut mindhe ninggrom nite hi di joti bibiprok mben Israel yahagom bipai biyok “Mindhe ninggrom dini tak buk kep gi preu di tuhan kin jeni jipreu ei biyam tug hon Nide nicuk jeti pima yok ri.”

NEHEI LEUSI 29:16

Lene abui domba dima ba, ahek ninggrom leu api abiprok nimbar hum dok nitta bitaisi.

NEHEI LEUSI 29:20

Lene abui domba dima ba, ahek ninggrom poi mien lene abingget Harun kin nipmot bat nya itingou meng kin indapmem kin imig ndapmem hagom ndam inda com. Lene ayai ninggrom niken leu api asiber ei nimbar hum dok nitta bitaisi.

YEREMIA 31:32

Gi preu nijep dima noyam kin gi preu nitimiei di dipreu ei mem idigup bat-idigai bat nya tirigi dinyohou cen yok kwei leu minu Mesir bi. Mbro nok gino dibon Danti bidinok ijjep lo, ikou sut mun di dipreu ei mem yok.

IMAM NYA IDE MIDYAI 1:11

Lene ma no dima bui mindhe dima ei nimbar hum dok nite bei mpia nijjai. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 1:5

Lene ma noni bui sapi dima ei dimbou hui ei Prak Meng niyati leu api imam nya di intun Harun him migyai ninggrom bak tuhan leu api ibiprok nimbar hum dok di jo hammi dimbou hui ei Prak Meng niyati dima nitta bitaisi.

IMAM NYA IDE MIDYAI 3:2

Lene ma no dima kes ninda ei sapi nibou dip leu api bui sapi dima ei bei dimbou hui ei tuhan De Prak Meng nuhuigya. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 3:8

Lene ma noni kes ninda ei domba dima nibou dip bibui hammi Prak Meng nuhui. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 4:6

Lene ma noni tur ninda pijum ei ninggrom pimati bibiprok bei ban mbrawin di jo ser Ninsi Di Kwes-Kwau nuhui mbimuhwindacan.

KORINTUS GI NIGOM 11:25

Nok gima cem tirigi igyem njita bidem leu su lene Yesus yai gi mokti bipai biyok “Gi mokti dini ne Allah de gi preu nijep rin ba, dinggrom tak buk ser gi preu dima. Tirigi jidut ei gi mokti dini lene ma jibiyok ngon kep Da.”

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

IBRANI 8:9

Gi preu nijep dima noyam kin gi preu nitimiei di dibibon mem idigup-idigai bat nya tirigi dibrim yok kwei leu minu Mesir bi. Yoni ingon gom tut gi preu di dibibon mem yok dima bi. Gima rino dikes yok ei leu api dinyohou yok bu bi.

IBRANI 9:18

Gima rino gi preu nitimiei mbut bi gino ibui mindhe tut ninggrom bi.

IBRANI 9:19

Nimbigom ne Musa tri tut niggai serti nya hagom bak mben Israel. Leu api noni yai sapi nehen pap kin kambir nikre inggrom di srig minyeiti lene ba bika hisop kin domba ninta ngwoi bigimahap srat di niggai serti joti ningat kin mben Israel yahagom.

IBRANI 9:21

Leu api Musa ba ninggrom midut dima bigimahap Tuhan De Prak Meng bitut mun di joti nya hagom.

PETRUS GI NIGOM 1:19

Noro Noni ba Kristus ninggrom di tereu nok midut nibikos ser sisarti bipek je hanyen lewo Kristus ne domba di bon nimuhweisi ba, nirom kuisi rin bi.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.