NEHEI LEUSI 24:3 - ALLAH NIHYET MEM TUNGWATU NYA

³ Lene Musa ug tri tut tuhan nicukti kin nikos tutti nya hagom bak nide limwa nya apino yahagom ibuhup nihyet nok gi gom bipai “Minibit leu nok tuhan nicuk nyeti hagom hak ug.”

NEHEI LEUSI 24:3 ပူးပေါင်းရင်းမြစ်များ

NIBOHON MBEN ISRAEL GI NICAN 15:14

Iba ighyet nindig beheng ser tug hon tuhan ninyeng bipia yoni mikrau kep mun di ipreu ei dima. Leu api imbos-hi-mbos ba, ibimiep pun mbrei nya cem.

NIBOHON MBEN ISRAEL GI NICAN 15:15

Limwa nya yahagom igyai nillei noyam. Lewo iba ingon titut yam bicom ighyet tug hon neheng dima tu. Iba ingon di llei bikuk yok bak tuhan bitig dino tuhan cem joi sut yok. tuhan bindei ba, nibong kei nigwam kei kieng kep ide minu di inyeng tak kepti nya hagom.

MAZMUR 50:5

Noni pai “Jinduk Ditde limwa nya di ikrau kep ide gi preu bit Da bingkiem tug hon midut di ibon ei nimbar hum dokti nya yahagom bidem yam.”

NEHEI LEUSI 19:8

Lene mben Israel ikon ighyet nok gi gom bibuhup “Nahagom nice tut binibit tuhan nihyet hagom.” Lene Musa ndat kep ibuhupti hanyen bak tuhan.

NEHEI LEUSI 24:2

Lene nangkom ambut kikau kwei dideu Da noro ma nindigsi nya yahagom ibit na kikau kwei au. Lene ade limwa di mben Israel ikwei bidideu nungug dini au.”

NEHEI LEUSI 24:7

Noni ug yai srat gi preu po noni pas kep tuhan De nicuk noti nya hagom eisi pima lene ba nihyet nindig bitri tut bak mben Israel. Lene yahagom ibuhup “Minibit biniyai hagom bit leu nok tuhan nicuk nyeti.”

YEREMIA 11:4

Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

HAGAI 2:5

Tirigi jehei leu minu Mesir lene dipreu ei mem je bipia dinyohou je kikau. Dingat rin bit je kikau kwei bipek ammani kep. Gima rino ma jinda jo kep midyai dima kikau!

MALEAKHI 2:10

Nyeni yahagom intun Abraham di nok icig gom him noyam bi e? Allah gom ngat pai tes nyeni yahagom bi e? Nggon rino ingon gom tut yam bi i? Tug hon nisinati dima ne ingwes pri gau gi preu di Allah preu ei mem idigup bat idigai bat nya.

NINDAT KEP TUHAN NICUKTI NYA 11:1

“Ma jingon ngakei jide tuhan Allah ba, jice tut jibit nicuk jeti nya hagom.

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

NINDAT KEP TUHAN NICUKTI NYA 4:45

Noni tri tut Allah ningon kanti dini tirigi yehei leu minu Mesir ba, ingat rin ei mbang briep di jo Minyei Yordan nite bei mpia nipriti di birok kik minu ndig Bet-Peor. Nipou ne Nibou Ndig Sihon di ninyeng tak kep mben Amori nyeng tut mpia dini bibon minu ndig Hesybon nok nibousi bibong ei sirima. Musa kin mben Israel ibindei timek noni mpe di po yehei leu minu Mesir pima.

NINDAT KEP TUHAN NICUKTI NYA 4:5

Dingginau je tut nicukti pima hagom bit leu nok tuhan di nok ditde Allah nicuk dati tu. Ma jibit nicukti dima hagom tirigi jibong kei jigwam kei ei minu di jitin ei mem jicoi eisi.

NINDAT KEP TUHAN NICUKTI NYA 5:1

Lene Musa nduk mben Israel yahagom kwei ba, idem yam ei su leu api noni pai biyok “Disut bat jen, ma jingig jitingou mem niggai serti nya di diyai bije njap di ammani hagom. Ma jingginau yam tut nicukti dima yok ba, jiba jingon di gom bibit hak.

NINDAT KEP TUHAN NICUKTI NYA 5:31

Noro Musa e, angkwei hanyen bit yok au. Ma agwam bit Da ei mpia dini leu api midiyai Ditde nicukti nya kin dikos tutti nya hagom bina. Angginau yoni tut mun dima hagom leu binhyepo ipwoi dingon ei minu di midiyai biyok.’

NINDAT KEP TUHAN NICUKTI NYA 6:1

“tuhan di nok jide Allah cuk da bipia suar dingginau je tut Nide nicukti nya. Lene hagom ndia ri. Ma jibit nihyet hagom tirigi jibong kei jigwam kei ei minu di jitin ei mem jiya bidem eisi.

YOSUA 24:21

Lene nide limwa nya ibuhup “E bi! Nikou sut nung di yo dima ikuk yok bak nya. Minikuk nye bak tuhan Nongkom.”

YOSUA 24:22

Gima rino Yosua pai biyok “Mun di jisimbot dat dima tibim ei jitingou nsi tu. Jikos tut bipia mijikuk je bak tuhan Nongkom tu e?” Lene ibuhup “Igbit ri. Nyende nikos tutti tibim ei nyeni nitingou nsi tu.”

YOSUA 24:24

Lene nide limwa nya ibuhup “Minikuk nye bak tuhan di nok nyeni ide Allah ba, minibit Nide nicuk nyeti.”