NEHEI LEUSI 24:14 - ALLAH NIHYET MEM TUNGWATU NYA

¹⁴ Nipou tirigi noni kui nungug dima bigyo lene noni sok kep nibou mben Israel bipai “Ma jahagom jibong ser jide prak meng yati bijimem kep ser dikwei hanyenti. Harun kin Hur ingat rin bit je. Gino jide mun di srou je nonaha lene yoni igwam nok nikei mem je.”

NEHEI LEUSI 24:14 ပူးပေါင်းရင်းမြစ်များ

NEHEI LEUSI 17:12

Noro Musa ninghuisi jet. Gima rino Harun Hur nya yuug rim tig nindak gom kwei leu binhyepo Musa gwam dip. Lene igya kui noni ba, hi ei ninda prak hi ei ninda com biyahati ninda hacem bijo nai kikau bibou mpia njap kimbas leu ug e.

NEHEI LEUSI 17:10

Lene Yosua yai hagom bit leu nok Musa nicuk noti. Noni ug kon pran bit mben Amalek lo, Musa kin Harun kin Hur ikui nungug ttou pima bigya dip.

NITRITI 22:5

Lene noni kuk awak cin pima bipai biyok “Jigwam ser keledai ei mpia dini. Dipmot nyeni nuug kikau ug ei handi duhu binikuk nye bak tuhan leu api minikwei ngat je hanyen bu.”

SAMUEL GI NIGOM 10:8

Ma ambut bibie leu da ug ei Gilgal leu api miduum na ei sirima leu binhyepo dibon midut nindig mindhe titut kep humti kin midut nibiyai ningon kwes kin Allahti cem. Suar amem kep ser ditau kep nati ei sirima kikau mem njap muhwindacan bibou dihwou pingok angonti tut ade midyai nya ug e.”

NEHEI LEUSI 32:1

Tirigi mben Israel ingat lo, Musa ug binyen ninno ei mbigdip dima bijuk haninyai kwei bi lene yahagom induk yam bingwig ttai Harun bipai binoni “Ikan tut mun di pek kep mem no po ninyeng Musa di buwak nye kwei leu minu Mesir pima bi. Gima rino ma abon kwar di nikuk nye bak di mibie tut nye bou anda him bak nyeni hak ug.”

NEHEI LEUSI 18:16

Tirigi ibou can ingon kwes kin yam bi lene ikwei ngat da ba, dibingon nok nikei di kos tut no di bon mun tunggwei leu api ditri tut Allah nicuk yokti kin niggai sertti nya biyok.”