NEHEI LEUSI 24:12 - ALLAH NIHYET MEM TUNGWATU NYA

¹² Lene tuhan pai bak Musa “Ma akui kwei ei mbigdip dini lene midiyai tig mma can po dipas kep Ditde nicukti nya eisi pima bina. Diyai nicukti dini yok hagom bak mben Israel nok mun di bipingok ingonti.”

NEHEI LEUSI 24:12 ပူးပေါင်းရင်းမြစ်များ

NIBOU NDIG NYA GI NIGOM 19:11

Lene tuhan buhup “Ma ahei ug ei nisai ba, aya ei Doho bei ei mbigdip dini.” Lene tuhan mbut njiriek mpia dima leu api pinak hou di nimig ten bibor di bindei ba, nungug nya sra hacan ba, bor ngug nya ki binnir-wap bibie. Noro tuhan ndo Nonti tug hon hou dima bi. Tirigi hou kes hon bintus hak lene dihyei ugwa-kwei noro tuhan ndo Nonti tug hon dihyei di ugwa-kwei dima cem bi.

EZRA 7:10

Ezra dimig nide njap ei mem gima kwop-kwop nyen tuhan de nicukti nya bibindei mbut nicukti dima cem ngginau yok tut cem leu nipou kwei bipek ammani kep tu.

NEHEMIA 9:13

Asrek kwei leu mpia-bbed him ei Nungug Sinai leu api ambrap bit Ade limwa nya ba, ayai Ade nicukti kin Ade nikos tutti kin Ade nipingok yokti di nijit-jau nya bak yoni ei sirima.

NEHEMIA 9:14

Apingok ingonti tut Njap Nigwam Kep Ninghuisi leu binhyepo ipigig sut ei mem Na di tuhan. Ba, ayai Ade nikos tutti nya bak yoni tug hon Ade awak di Musa.

MAZMUR 19:12

Ade nikos tutti bindei Ade awak di dani dingon ki. Atin ei imuhup mem yo di ibit Ade nikos tutti.

NEHEI LEUSI 19:3

Lo bi lene Musa kui nungug dima buug um Allah. Lewo mpe dima lene tuhan pai kwei binoni leu nungug dip bisok nihyet ei noni dip bak mben Israel di intun Yakub him,

NEHEI LEUSI 24:15

Lene Musa kui kikau ug ei Nungug Sinai leu api bumbuhui ttou gom nggai kep mbigdip dima.

NEHEI LEUSI 24:18

Lene Musa kui kikau ug ei mbigdip bicoi ug ei bumbuhuiti bibong ei sirima mem mmun-njap ningot bitai.

NEHEI LEUSI 24:2

Lene nangkom ambut kikau kwei dideu Da noro ma nindigsi nya yahagom ibit na kikau kwei au. Lene ade limwa di mben Israel ikwei bidideu nungug dini au.”

NEHEI LEUSI 31:18

Tirigi Allah kes nihyet hon bimbrap bit Musa ei Nungug Sinai bu bi lene noni kes tig mma can po pas kep Nide nicukti nya eisi pima ei Musa nindati.

NEHEI LEUSI 32:1

Tirigi mben Israel ingat lo, Musa ug binyen ninno ei mbigdip dima bijuk haninyai kwei bi lene yahagom induk yam bingwig ttai Harun bipai binoni “Ikan tut mun di pek kep mem no po ninyeng Musa di buwak nye kwei leu minu Mesir pima bi. Gima rino ma abon kwar di nikuk nye bak di mibie tut nye bou anda him bak nyeni hak ug.”

NEHEI LEUSI 34:1

Lene tuhan pai bak Musa “Ma abon tig mma di noyam kin tig mma timiei can pima ba, attei kwei. Lene midipas kep nicukti pima eisi noyam kin nicukti po jo ei tig mma timiei po abindei ki kukiau pima.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

MATIUS 5:19

Gima rino no di pigau niggai serti dima poi mien leu api ngginau hiter cem tut nok migwam ei nohon keti ei Allah Ninyeng Tak Kepti. Noro no di bit niggai serti dima bingginau hiter cem tut nok miyai ninyeng di jei bibor ei Allah Ninyeng Tak Kepti.

KORINTUS GI NICAN 3:3

Jo nibreisi mem yo dima bipia jinoyam kin srat nibuwakti di Kristus pas bipinak kwei tug hon nyeni. Noni ba buk ngei bipas kep srat bokti dima bi noro ba Allah Ninnei bipas kep. Noni pas kep srat bokti dima ei tig pasti bi noro pas kep ei tungwatu nya ingonti.

KORINTUS GI NICAN 3:7

Allah yai gi preu di bie ug ei hukum nimai bipas kep ei tig pas dip biyai bak tungwatu nya lene Nide nikei-kau-keisi piga digai Musa niimaisi. Mbro nok gino Musa niimaisi di sieng-siau bitiei kei wer pimber hanyen nyahan lo, ninjeng dima piga sindem bibor bibindei ba, bit bon mben Israel itou kep Noni nggilun kan bi. Gino Allah nikei-kau-keisi piga gi preu di bie ug ei hukum nimai sieng-siau ne,

NINDAT KEP TUHAN NICUKTI NYA 4:14

tuhan cuk da “suar dingginau je tut Nide nicukti nya hagom. Ma jibit hagom tirigi jibong kei jigwam kei ei minu di jitin ei mem jicoi eisi.”

NINDAT KEP TUHAN NICUKTI NYA 5:22

Gini ne tuhan nicukti nya di diyai bije ei mpe di po jidem yam ei nungug pima ri. Tirigi po Noni ba nihyet di dem kep kru di cut leu hum njengti kin bumbuhui di ndok pima bitri tut nicukti dima bak jeni he lene bak hiter bi. Leu api Noni pas kep nicukti nya dima ei tig pas canti biyai sut bak dani.”

NINDAT KEP TUHAN NICUKTI NYA 5:31

Noro Musa e, angkwei hanyen bit yok au. Ma agwam bit Da ei mpia dini leu api midiyai Ditde nicukti nya kin dikos tutti nya hagom bina. Angginau yoni tut mun dima hagom leu binhyepo ipwoi dingon ei minu di midiyai biyok.’

IBRANI 9:4

Ikon nimbar hum ndok di iba mas bibon mem indig biei nggrai di ui-gwang kei eisi kin Brua Gi Preu di iba mas binggai kep ei ninsi dima. Leu api igyok yeng di iba mas bibon dino njita manna joti kin Harun de tom di biop kin tig mma can di Allah niggai serti simnai joti ei brua nsi dima.