NEHEI LEUSI 23:9 - ALLAH NIHYET MEM TUNGWATU NYA

⁹ Ma jiba jingon di can bibon ngkiai nya au. Lewo jikan kep notou mben Mesir yuubon je tirigi po jinok awak ei jingkiaisi pima.”

NEHEI LEUSI 23:9 ပူးပေါင်းရင်းမြစ်များ

MAZMUR 94:6

Igyai nimai bak kibom nya kin moibihi nya kin ngkiai nya di ikwei bong timiei ei minu dini cem.

NEHEI LEUSI 21:21

Gino awak dima mai ei njap gom can bi lene jikes hukum ei niceu dip au. Lewo nijam di awak dima bok-ba ne yai midyai mem niceu kan bi ba, ba gima biluei hukum di jikes ei niceu dip.

NEHEI LEUSI 22:20

Suar jikes hukum nimai ei no di bui mindhe bindig kep hum ei nimbar hum dokti bak nung di ngkiai ikuk yok bak njiriek Dani dip lewo Dangkom ne tuhan ri.

NEHEI LEUSI 22:21

Ma jimbuk tut ngkiai nya di ibong srig jikieti ba, jingon koi kep yok au. Ma jiyok ngon kep bipia jeni cem jinok ngkiai nya ei minu Mesir nipou su.

YEHEZKIEL 22:29

Yo di inyeng tut ndigban nya iris mun ba, ipos mun cem. Iba ide nisibutti biyai yo di yuhui mbum nya bipos mun di kei leu ngkiai nya mem yonti.

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

IMAM NYA IDE MIDYAI 19:33

Ma jibon mun di kinei tut ngkiai di ibong srig jikieti nya au.

MATIUS 18:33

Nggon rino angondut asut bit leu nok gi dingondut na pima bi i?’

NINDAT KEP TUHAN NICUKTI NYA 10:19

Gima rino ma jingon ngakei ngkiai dima yok lewo jeni cem jibong jingkiaisi ei minu Mesir nipou su.

NINDAT KEP TUHAN NICUKTI NYA 23:7

Ma jingwes om kep mben Edom au lewo yo dima ne jimbier kimti ri. Ma jingwes om kep mben Mesir cem au lewo nipou yo lene jibong ei ide minu tu.

NINDAT KEP TUHAN NICUKTI NYA 27:19

‘Ma tuhan sigion no di pos ngkiai kin moibihi kin kibom ide mun di inyeng tak kep nya.’ Lene ma limwa nya yahagom ibuhup ‘Igbit ri!’