NEHEI LEUSI 23:8 - ALLAH NIHYET MEM TUNGWATU NYA

⁸ Ma jisindui sut tungwatu ba, ingot kep je au. Lewo nibingot kep yamti dima bindei ba, tungwatu igyai tu ba, gi mbun ingon hukti tut mun di igbit kan bi ba, nibingot kep yamti kiek no di ningon ngun nihyet bisar noni cem.

NEHEI LEUSI 23:8 ပူးပေါင်းရင်းမြစ်များ

NINDAT KEP TUHAN NICUKTI NYA 16:19

Tirigi ikos tut mun nyeng hi lene ma iba ide ningon canti bikos tut ba, imbus nggok yo di inyeng jei nya cem au. Ma itindei hiter nindati tut mun nibingot kep yok au. Lewo mun nibingot kep dima tak kep tungwatu igyai bitut yo di ingon ki kin yo di ingon sren nya igyai ser apino gimbun ingon hukti tut mun di igbit kan bi.

YESAYA 5:23

Noro jiba gima biyai mitiei nibingot kep jeti leu binhyepo jibikes yo di ibon mun tunggwei bingwes ngun lo, jibikkin ser yo di ibon mun di igbit nya leu binhyepo itug ndei nikei nikos tutti di sren kei bi.

NIPINGOK NINGONTI 17:23

Nikei di ingon dwei nya isindui sut ba, tungwatu nya ingot kep yok leu api ide nikos tutti mbut ei nisren-srausi bi.

NIPINGOK NINGONTI 15:27

Gino aris mun ei tungwatu nyati leu binhyepo abipek mitiei ne gima mibindei ba, mun di buhun micut igkep ade ig bei nsi nya yahagom. Ma asindui sut ba, hi ngot kep na au. Leu api ade njap jei ei dihyeisi dini.

SAMUEL GI NIGOM 8:3

Noro igyai bram icig niyai kepti nya bi lewo ita ibou ei gi inggok tut mitiei nindig biborti. Gima rino tungwatu iba mitiei bingot kep yok leu apino yoni iba ingon di sren bi bimbus tungwatu nya ingonti cem.

NIBA NINGON SRIP HUKTI 7:7

Gino no di ningon ki ris mun lene niyai munti dima biyai ningon di mbum bak. Nibingot kepti kipon nikos tutti di sren kei.

NIPINGOK NINGONTI 17:8

Bihi ikan bipia mitiei nibingot kep hiterti bindei ba, mindur pek kep ba, ikan bipia mitiei nibingot kep tungwatu nyati dima sindem mem biyai mun nyeng hagom.

MAZMUR 26:10

Yo dima ibon mun di kinei bibor bijo kikau ba, itindei ser nituti tirigi ibrim mun nibingot kep yokti cem bikwop ug.

SAMUEL GI NIGOM 12:3

Nogindini diya hak ei joho bei. Gino dipigau hanjop hi tu lene ma jipai kep da bou tuhan kin nibou ndig di Noni ndo ei su igyai him. Gino dimbrai hiter de sapi kin keledai lene ma jipai igbit. Gino diris hi bidimbuk tut hi ba, hi ba mitiei bingot kep da cem lene ma jipai igbit leu binhyepo dingkwei mun dima yok hanyen bak niceu.”

NINDAT KEP TUHAN NICUKTI NYA 10:17

tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.

MIKHA 7:3

Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.

AMOS 5:12

Dikan tut jiyai munti di mbuk bibor kin jide sisar di kinei bibor nya. Jihwen bit yo di ingon kwes kei ba, jisindui sut tungwatu nya iba mitiei bingot kep je bijibibon yo di yuhui mbum nya kinei-kinau cem ei nikei noho bei.

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

NIPINGOK NINGONTI 19:4

No di nyeng bon nisut bat nya hi kin bu bikwop njap noro no di nuhui mbum nisut bat nya ikes noni ei bimbut leu.

HOSEA 4:18

Niabiati idut ba anggur ngei nindig di pu yok lene ibou buwei kep nicut tut yamti. Ingon llei sut gi tungwatu nya ighyet wer mpiahi tut yok leu gima inggei sut yok.

YESAYA 1:13

Jittei mun di jibikuk je biDa dima mikui-kausi. Ninghap bindei ba, dingon him wei bibor. Diyai ngkek ttin ser jide njap ndig Bed Jep kin Njap Nigwam Kep Ninghuisi bitut jide njap ndig di jibon midut nindigsi nya cem. Jide sisar bindei ba, map kui njap dima hagomti tu.

MAZMUR 15:5

di tri mitiei ngwam noro kum ei gi bitugti bi di kou sut gima hi ngot kep noni tirigi noni mbrap gau no di ningon ngun ei nikei noho bei ri. No di niyai munti nya nok gima mibong kei migwam kei bijo ninno bijo kikau.

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 5:22

Buhun bibor mem je di jinok nidut kep anggur ngei cig nya! Jibrim jingkek tut jiba ndia ngei di ten bisrig yamti mem gima pu je!

YESAYA 33:15

Noro bon jingwes ngun gino jitri tut mun di nijit ba, jiyai munti nya hagom igbit. Ma jiris mitiei leu yo di yuhui mbum nya au. Ma jice tut hiter ngot kep je au. Ma jiyok jingon gom bit nihwen kep mun cig nya kin yo di ibon mun di sibut nya au.