NEHEI LEUSI 23:6 - ALLAH NIHYET MEM TUNGWATU NYA

⁶ Ma jiba jingon di sren bibon no di nuhui mbum di ya ei nikei noho bei bimbot kep tut yo di iba mbrap bit noni.

NEHEI LEUSI 23:6 ပူးပေါင်းရင်းမြစ်များ

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

YEREMIA 5:28

immau jo yokti cem ba, mun di isuar nya hagom dem mem yok. Ibon munti di kinei bibor dima ug hon nohonti bi. Igiba ingon di gom bimbus munhyet di munggwom awak nya ide bi ba, igimbrap gau yo dino hiter ico kep yok nya tut ide munhyet cem bi.

NIBA NINGON SRIP HUKTI 5:8

Limwa nya ikwas ningat di ikos kui ig gudan tut yam bibon nibou ndig di ya srak ko hagau ide miai nya.

NINDAT KEP TUHAN NICUKTI NYA 27:19

‘Ma tuhan sigion no di pos ngkiai kin moibihi kin kibom ide mun di inyeng tak kep nya.’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 16:19

Tirigi ikos tut mun nyeng hi lene ma iba ide ningon canti bikos tut ba, imbus nggok yo di inyeng jei nya cem au. Ma itindei hiter nindati tut mun nibingot kep yok au. Lewo mun nibingot kep dima tak kep tungwatu igyai bitut yo di ingon ki kin yo di ingon sren nya igyai ser apino gimbun ingon hukti tut mun di igbit kan bi.

IMAM NYA IDE MIDYAI 19:15

Tirigi jigwam nok nikei mem yo di ipigau hanjop nya lene ma jingon sren. Harin dima jibibon no di nuhui mbum ba, bon ninyeng njiriek nindigsi nya a. Nok gima cem harin dima jingon digit tut no di nyeng bibor a.

YEREMIA 7:6

Ma jico kep ngkiai nya kin moibihi nya kin sop kibom nya yahagom bu au. Ma jiyai nimai bak no di ningon ngun ei jide minu dini au. Ma jikes hon ba, jikuk je bak nung nya bu au lewo jiyai munti dima mibindei ba, jisar bijingwig.

YEREMIA 6:28

Yahagom yaham imbuk kep Da ba, ingkek ndok noyam kin ngkimom-tembaga kin ngkimom nitu. Yahagom igyai munti nya mpiei bibor ba, ittei mumpui ei yamti.

AYUB 31:13

Mpe di po ditde awak gom kwei lua tut gi diyai tunggwei sut mun di suar yai leu da pima lene doom dingon bidiba dingon sren bibon bak noni.

NIBOHON MBEN ISRAEL GI NICAN 19:7

Suar jittin tut tuhan ba, jiba jingon di sok kep jenti bikos tut munhyet hi nok mungkun kei. Lewo ide tuhan Allah ningon mpo tut yo di iris mun kin yo di imbus nggok tungwatu kin yo di isu inda mem mun nibingot kep yokti nya.”

SAMUEL GI NIGOM 8:3

Noro igyai bram icig niyai kepti nya bi lewo ita ibou ei gi inggok tut mitiei nindig biborti. Gima rino tungwatu iba mitiei bingot kep yok leu apino yoni iba ingon di sren bi bimbus tungwatu nya ingonti cem.

NIPINGOK NINGONTI 18:5

Dem tut gima atti kin no di ningon mui ba, akes hukum ei no di ningon ngun dip bi.

NIPINGOK NINGONTI 22:22

Ma ayem nuhui mbum nya imuhup tut gi iwer yok nikinei-kinau ba, asrep huk nuhwap mbum di imbrap gau yonti nya ighyet nghwak him tirigi igya ei nikei noho bei au.

NIPINGOK NINGONTI 31:5

Leu gino nibou ndig nya idut pes ngei di pu yok ne ibbwe ser nikos tutti nya apino igiyok igyai kep yo di isindem bi bitut ide mun di isuar nya bi.

YESAYA 5:23

Noro jiba gima biyai mitiei nibingot kep jeti leu binhyepo jibikes yo di ibon mun tunggwei bingwes ngun lo, jibikkin ser yo di ibon mun di igbit nya leu binhyepo itug ndei nikei nikos tutti di sren kei bi.