NEHEI LEUSI 23:11 - ALLAH NIHYET MEM TUNGWATU NYA

¹¹ Noro ma jisindui sut dihyei ttou nsi gom dima ei ari bingwam gi nimuhwindacan. Ma jug yai njita niken di ngat eisi au. Hagom jo mem yo di yuhui mbum nya bigyem lene niken jo mem mindhe-ndhe di yehek nya. Nok gima tut jide biei anggur nghousi kin jide biei zaitun nghousi cem.

NEHEI LEUSI 23:11 ပူးပေါင်းရင်းမြစ်များ

IMAM NYA IDE MIDYAI 25:22

Mpe di jindim njita bou ei jide miaisi mem ari bingwam gi nimuhwindaningai lene njita ngat po jike kwei keyam mem ari bingwam gi nimuhwindagom pima niken no jo mem gima jiyem kep yo. Nok gima cem jide njita ngat di jike keyam ei pima midem mem jeni kikau ug bipek bed di jike njita ngat kwei keyam mem ari bingwam gi nimuhwindaningai dima kep.

IMAM NYA IDE MIDYAI 25:20

Noro mpaba bihi ihig ingon eisi tut gino indim njita bou cem imbus ningat keyam cem bi mem ari bingwam gi nimuhwindacan pima lene igyem njita mindei ngan i?

NEHEI LEUSI 23:10

“Nna ba jiyai miai ei dihyei ttou nsi gom kikau mem ari bingwam nitindur muhwindagom lene jiyem kep njita dima.

NEHEI LEUSI 23:12

Ma jiyai kep jide midyai mem njap nitindur muhwindagom lene jikes jinda tut midyai dima mem njap gi nimuhwindacan ba, jigwam kep jinghuisi. Leu binhyepo mibon nituti mem jide mindhe-ndhe nya kin jide awak nya kin ngkiai nya di igyai midyai bit je ba, yahagom igwam kep inghuisi bit je.

MBEN ISRAEL IMBUT-MBUT NYEN 16:14

Ningat ne agibuwak nye kwei ei minu di nnum ba, apek hanjop mem niyai miai kin biei anggur ninghousi binijem bou nye nok mun ninda rom hi bigyo! Jo nibreisi bipia aris nye! Gima rino minihwou ngat na bi!”

NEHEMIA 10:31

Gino ngkiai nya ijoi sut itri gandum kin ndigban hiter nya binye ei Njap Nigwam Kep Ninghuisi cem njap di kwes nindigsi nya cem lene minipek mun nyeng hi leu yok bi sren. Bikwop ari bingwam gi nimuhwindacan lene miniyai miai njita ba, minibrim nyende ningwam di jo bak yo di hiter ei ari bingwam dima cem bi sren.

NINDAT KEP TUHAN NICUKTI NYA 15:11

Jisut mben Israel di yuhui mbum ibou poi mingat rin ei jikieti bijo kikau. Gima rino dicuk jeni leu binhyepo jingon mba tut yoni.”

NEHEMIA 10:32

Bikwop ari bingwam hagom minikwas nyende perak nibuhunti gram muhwi ba, nibahati tut tuhan De Ig.