NEHEI LEUSI 23:1 - ALLAH NIHYET MEM TUNGWATU NYA

¹ “Ma jitri tut nihyet hou ba, jahati tut no di ningon mui tug hon gi joom ser mem noni au.

NEHEI LEUSI 23:1 ပူးပေါင်းရင်းမြစ်များ

NITRITI 39:17

Lene om binoni cem bipai “Awak di mben Ibrani di akon nok nibou ig bei nsi dini pi bicut tut da.

SAMUEL GI NICAN 16:3

Lene nibou ndig hig ser noni “Mefiboset di aceu Saul nignyon pima bong tirigi tou i?” Lene Ziba buhup “Andigpoi e, no bong ei minu ndig Yerusalem lewo ba ningon com bipia mben Israel mita noni nok nibou ndig leu binhyepo ninyeng mitak kep yok biya luei nignyon Saul nohoti.”

SAMUEL GI NICAN 19:27

Gima he bi lewo noni ris bak na di Andigpoi tut da. Noro na di Andigpoi noyam kin Allah de malaikat. Gima rino ma na di Andigpoi abibon da bit leu angon kanti.

MAZMUR 101:5

Midibindei sar yo di yahamui nyahan bikin kep hiter ninghapti ba, midiba diyai ngat yo di ikon yonti inyeng kin yo di ingon llei-lau bi.

MAZMUR 120:3

Niris mun cig e, notou Allah mibibon na i? Noni miba mindei bikes hukum ei na dip i?

MAZMUR 15:3

di kkin kep hiter ninghapti bi di bon mun tunggwei sut nide bat kin nisut bat nya bi di nihyet tigut yo di ninttig-tta nya bi,

MAZMUR 27:12

Ditde siceu nya iris mun ei da dip ba, ikiju bisinsam da bipai kep da cem. Noro ma akes da ei indati au.

MAZMUR 35:11

Yo di isibut nya ikiju ei nikei noho bei bipai kep da mikuisi biris mun ei da dip. Ipai bipia dibon mun di mbuk di dikan tut bi nya.

NEHEI LEUSI 20:16

Harin dima jiris mun ei yo di hiter nya dip a.

NEHEI LEUSI 23:7

Ma jimbres jenti leu yo di ipai kep tungwatu nya ugwai-gwai. Lene jibindei hukum nimai cut igkep no di ningon ngun au. Lewo dikou sut yo di ibon mun di kinei bibor di nok gima.

NIPINGOK NINGONTI 10:18

No di ku nigga biborti ne no di ris kep mun igkei ri. No di ttei mumpui ei tungwatu nyati di bibon inyeng kinei ne ningon mbum.

NIPINGOK NINGONTI 12:17

No di ningon kwes kei ba ningon gom pai sut mun di ngat bou niyai him noro niris kep mun cig ris ei tungwatu nyati.

NIPINGOK NINGONTI 14:5

No di ningon gom di ngat mun bou niyai him mipai mingat tut noro no di iba ingon com bi ne ngat mun dima bou niyai him bi lo, pai-pai wai he.

NIPINGOK NINGONTI 17:4

Yo di isibut nya ingig itingou mem yo di isibut nya ingon kanti. Niris kep mun cig nitingou dile mem yo di iris mun igkei ighyet.

NIPINGOK NINGONTI 19:28

Gino no di ngat mun bou niyai him ris mun bak nikei lene no dima co kep hukum. Nibon kep mun di mbuk cig rai sut mun di kinei noyam kin yo di irai sut njita.

NIPINGOK NINGONTI 19:5

Bit bon no di ris mun ei nikei noho bei ningwes ngun leu hukum kan bi.

NIPINGOK NINGONTI 19:9

Bit bon no di ris mun ei nikei noho bei ningwes ngun leu hukum di bindei nimai kan bi.

NIPINGOK NINGONTI 21:28

Tungwatu nya ingon jo kep niris kep mun cig nihyet bi. Noro ingon jo kep no di nintin kimbo di kan bidem tut munhyet di noni ngat bou niyai him nihyet.

NIPINGOK NINGONTI 24:28

Ma ambrap gau hiter tug hon nide munhyet di angon kiowi eisi ba, aris mun ei noti cem au.

NIPINGOK NINGONTI 25:18

Niris mun ei hiterti noyam kin simeda kin apak kin singau tibor di abiyai nimai bak hiter.

NIPINGOK NINGONTI 25:23

Yo di ittei mumpui ei yamti ibindei ba, tungwatu nya ingon sibui sut yam. Lene gima noyam kin hou di cut kwei leu mpia nijjai di biang biget kwei.

NIPINGOK NINGONTI 6:19

kin no di ris-ris nyen nihyet tut mun di noni ngat bou niyai him kin no di bindei ba, niba nitok biyamti kieng kep yo di ingon kwes kin yam.

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

IMAM NYA IDE MIDYAI 19:11

Harin dima jinggimang mun ba, jiris yam ba, jipai-pai wai cem a.

IMAM NYA IDE MIDYAI 19:16

Harin dima jiba jimbuk bikkin kep nindigsi nya inghapti a. Leu binhyepo gino bon nituti lene ma jimbrap gau no di ya nikei noho bei ser nhyepo noni tug ndei hukum nimai bi. Dani ne tuhan ri.

MATIUS 19:18

No dima hig ser Yesus “Apai sut nicukti di notou i?” Yesus buhup “Ahwen mun au acut tut hi nitnem au anggimang mun au ambres kep hiter au.

LUKAS 19:8

Yuug krau ig tu lene Zakheus kiju biya lene pai bak Yesus “Tuhan e, dikos tut bipia dikwas ditde ndigban nite hi tut yo di yuhui mbum nya. Gino diris mitiei leu tungwa hi tu lene midingkwei hanyen bak mbitai bram yam!”

LUKAS 3:14

Tentara nya cem ibou poi ikwei hig ser noni “Notou mem nyeni i? Nibon notou i?” Yohanes buhup “Ma jiba nimbuk kin niris bipos mun nyeng hi leu tungwatu nya au. Noro ma jingon cut hon jimuhup nimangti!”

YOHANES 7:51

“Bit leu nok gi ipas ei Puig Yahudi nicukti ne harin dima ikes hukum ei tungwagom dip nipou tirigi imbus ningonti ba, ihig yam tut niyai munti nya bigyo a.”

ROMA 3:8

Nok rino ma ipai hak “Jikwei ba, ibon sisar bibindei mun di kei pek kep.” Nok e? Tungwatu nya ibou poi ipai kep da bipia ditri tut nihyet dima! Noro yo dima mitug ndei hukum leu Allah drek dip.

EFESUS 4:25

Gima rino ma jibicum bu au! Noro ma yo di ingon jo kep nya yahagom iba ingon gom bimbrap bit yam. Lewo yahagom inggre kin Kristus ninguda.

NINDAT KEP TUHAN NICUKTI NYA 5:20

Harin dima jiris mun ei hiter dip a.

2 TIMOTIUS GI NICAN 3:3

ingondut yam cem bi ikos ser mun di igyai tunggwei sut yam biyam cem bi ikkin kep yam nghapti cem yoom kep ingonti kan bi cem iten-pos cem ingon mpo tut mun di kei hagom cem,

PETRUS GI NIGOM 3:16

Ma jiba jingon di jo nyahan kin jibou di cut biyok cem bibuhup ighyet. Ma jinyohou jingon mien di kwes leu binhyepo gino hi pai je di jibit Kristus kinei drek dip jiyai munti di kei nya lene ighyet dima mibindei ba, immai sut yonti hak ug.

NINGAT-HI-NGAT NYA 12:10

Leu api dimiap nihyet di nindig bibor ei gwamti di pai “Nogindini ne tto bou dem mem Allah teu Nide limwa nya ri! Nogindini ne Allah ndo Nide nisindemti rin lewo Noni ne Nibou Ndig ri! Nogindini Nide Nibou Ndig di teu tungwatu nya biyai niyaijo nijep biyok ninyeng tak kep dihyei nisurti-nipekti. Lewo Noni njei no di ya ei Allah Noho bei di pai isut bat yo di ingon jo kep nya kinei bikwop mmun-njap leu gwamti tu.