NEHEI LEUSI 22:9 - ALLAH NIHYET MEM TUNGWATU NYA

⁹ Nok gima tut ndigban di bindei dino tungwatu nya ibikki yam di nok sapi e, he keledai e, he domba e, he sinsun e, he mun nyeng hagom di pror leu api ingat hanyen bu e, lene ma jibuwak yo cin di ibikki yam dima ug ei jide ig mbusyameisi. Suar no di Allah ndo bipia ningon mui rima tug ndigban dima hagom hanyen bak niceu mbican bram yama.

NEHEI LEUSI 22:9 ပူးပေါင်းရင်းမြစ်များ

NINDAT KEP TUHAN NICUKTI NYA 25:1

Lene gino mpe di gom mben Israel ibou can igya ei nikei noho bei drek dip mun di kinei leu api nikei ndo igbit gi hi di ningon ngun kin gi hi di ningon mui,

NEHEI LEUSI 22:4

Ne gino mindhe nok sapi kin keledai kin domba di noni mbrai dima nonaha lene noni ba ningut can biluei gi hi di noni mbrai pima.

MATIUS 18:35

Lene Yesus pai nihyet ningwigsi bitak kep nihyet nibiti nindati “Nok gima cem Dicig ei gwamti mibibon je bibikwop tungwagom-gom nok gima drek dip gi jiba jingon gom bikos ser sisar di jisut bon tut je bi nya.”

NIBOU NDIG NYA GI NIGOM 8:31

Gino tungwatu nya ipai kep hiter bibuwak noni kwei biya kui Ade nimbar ei Ade Ig leu binhyepo no dima pai tug hon neheng bipia ningon ngun,

MATIUS 18:15

“Gino asut hi bon sisar tut na lene ma aug ngat noni ba, ando nide sisar brei bak nyahan binding leu nindigsi nya igyai him. Gino noni ce tut ade nipingokti lene bindo bipia jingon kwes kin yam hanyen tu.

NIBOHON MBEN ISRAEL GI NICAN 19:10

Mpe dino jisut bat nya leu minu ndig hi ipai sut munhyet nihwen mun kin nitunggwei Allah nicuk nyeti nya kin nikos tutti di jo tu nya bije lene ma jipingok ingonti tut gi igyai munti nya ndo bindo di kei tirigi igya ei nikei noho bei. Gi nok lene yoni migyai mun tunggwei sut tuhan bi. Gi bi lene tuhan migga jeni kin jide limwa nya. Gino jibit Nide nicuk jeti dini lene mijiyai mun tunggwei hi bi.

NEHEI LEUSI 22:28

Ma jihyet wer mpiahi tut Allah ba, jirom jihyet kui jide nibou ndig cem au.

NEHEI LEUSI 22:10

Gino tungwagom ce tut ba, nyohou nisut nide keledai kin sapi kin domba kin mindhe hiter lo, mindhe dima mai ba, yai nibok cem ngkiai di imbuk nya ikwei pos mindhe dima lo, hiter ngat bou niyai him bi lene,

NITRITI 31:39

Tirigi po mindhe-ndhe di niten-pos nya yaham ade domba nya kin kambir nya lene dittei mindhe mai bidindo bina bi. Noro dikes ditde mindhe di niyaijo biya luei nohoti hanyen. Tirigi po hi mbrai mindhe leu na di Andigpoi mem njap kin mmun cem lene akak tut da bidikes ditde mindhe biya luei nohoti hanyen bu.

IMAM NYA IDE MIDYAI 6:5

lene suar noni tug ndigban po noni ba nimbuk biyai pima hagom hanyen bak niceu tirigi nikei kes hukum ei noni dip lene suar noni kum ei ningat canti leu ningot gom lene nok bak niceu.