NEHEI LEUSI 22:4 - ALLAH NIHYET MEM TUNGWATU NYA

⁴ Ne gino mindhe nok sapi kin keledai kin domba di noni mbrai dima nonaha lene noni ba ningut can biluei gi hi di noni mbrai pima.

NEHEI LEUSI 22:4 ပူးပေါင်းရင်းမြစ်များ

NEHEI LEUSI 22:9

Nok gima tut ndigban di bindei dino tungwatu nya ibikki yam di nok sapi e, he keledai e, he domba e, he sinsun e, he mun nyeng hagom di pror leu api ingat hanyen bu e, lene ma jibuwak yo cin di ibikki yam dima ug ei jide ig mbusyameisi. Suar no di Allah ndo bipia ningon mui rima tug ndigban dima hagom hanyen bak niceu mbican bram yama.

NEHEI LEUSI 22:7

Gino tungwagom ce tut nisut gom di kes mitiei kin ndigban di nibok kak bibor bit noni leu binhyepo nyohou lo, no di nggimang igkei kwei nggimang hagom bingwig lene jiyai nok gini. Gino jikat no di nggimang dima lene noni tug hagom hanyen bak niceu mbican bram yam.

NEHEI LEUSI 22:1

“Gino tungwagom mbrai sapi ningut gom e, he domba ningut gom e, bibui bibam ba, tri bak hiter cem lene noni ba sapi ningut muhwi biluei ningut gom dima lene ba domba ningut bitai biluei ningut gom dima lene nok.

NINGAT-HI-NGAT NYA 18:6

Ma jibibon noni bit leu nok noni bibon je ba, jibirop binoni hanyen mbican bram yam tut niyai munti nya hagom. Ma juhug ningei di mpo-mpam ei nide mokti ba, nimpo-mpamti dor tunggwei ningei di noni hug ei jide mokti.

NEHEI LEUSI 21:16

Tungwa tou rino kat hiter bitri no dima hanyen nok awak ba, ubon noni nok awak cem lene je di nindigsi jikes hukum nimai ei noni dip.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

NIPINGOK NINGONTI 6:31

Lene gino ikat noni ne suar noni birop hanyen tut njita di nggimang dima mbimuhwindacan bram yam. Apino niyai munti dima mipinde ndigban di nyeng tut nya hagom leu noni.

YESAYA 40:2

Ma jibindei ba, timiei minu ndig Yerusalem ingon jo nyahan. Ma jipai biyok bipia hi muubon yok nok awak bu bi. Dikos ser ide mun di igyai tunggwei nya ba, dikes hukum ei yok dip mbican bram yam tut ide sisar di ibon tu.”

NEHEI LEUSI 22:5

Gino tungwagom kes nide mindhe-ndhe bigyem kep mintu-minta ei nide sidumti kin nide miai biei anggur nghousi cem leu api mindhe-ndhe dima inggek ngug bigyem kep hiter de njita ei miaisi lene noni ba nide njita kin ba anggur ngat biluei hiter dima nide njita di mindhe-ndhe dima igyem bingwig pima.

SAMUEL GI NIGOM 12:5

Gima rino Samuel pai biyok “Njap di ammani ne tuhan kin nibou ndig di Noni ndo ei su yahacem imiap jibuhupti ba, jo nibreisi bipia dingon ngun.” Lene yo dima ibuhup “I, tuhan miap nyeni nihyet tu.”

IMAM NYA IDE MIDYAI 6:5

lene suar noni tug ndigban po noni ba nimbuk biyai pima hagom hanyen bak niceu tirigi nikei kes hukum ei noni dip lene suar noni kum ei ningat canti leu ningot gom lene nok bak niceu.