NEHEI LEUSI 22:27 - ALLAH NIHYET MEM TUNGWATU NYA

²⁷ Lewo noni suar sinsun ndok di jei dima bijuk ser nidigokti. Gi bi lene noni mittin mindei kep noni ei nibongti mem mmun i? Gino noni hara Da mem gima dimpu noni lene midibuhup nihyet lewo dingondut noni.

NEHEI LEUSI 22:27 ပူးပေါင်းရင်းမြစ်များ

NEHEI LEUSI 34:6

Lene Noni mbut sin Musati bipai “Dani ne Tuhan rin ba, dinok Allah di ngondut tungwatu nya bisingat tut yok cem. Ditde ningon ngakeisi nindig bibor bikum eisi bu ba, dingon gom cem. Dingon sibui sut tungwatu nya haninyai kan bi.

NIBOHON MBEN ISRAEL GI NICAN 30:9

Gino jingkwei hanyen bijinok awak mem Noni lene Noni mibindei ba, mben ngkiai po ikat jide adig-ajoi nya bikri yok ug ei isimati tu pima mingondut yok ba, mikes yok bingkwei hanyen kwei ei itimieisi yo. Jide tuhan Allah ne Allah di ningon nggriu rin ba, ngondut tungwatu nya cem. Gino jingkwei ndam Noni lene Noni micigit jeni ndam Nonti hanyen.”

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 72:12

Lewo noni teu nikinei-kinau di isindem bi nya kin yo di yuhui mbum di yahara noni apino ingwes ngun.

MAZMUR 34:6

Mbro nok gino hi co kep yok lo, yo di iba ingon com Noni yahagom ingon nggan-triot kei ba, bit bon ingon pus tut Noni bi sren cem.

NEHEI LEUSI 22:23

Leu gino jibibon yok nok gima lene Da di tuhan midibuhup ighyet tirigi yahara Da drek dip je.

YESAYA 19:20

Nimbar hum dok kin tiang dima nok bindo tut tuhan Di Ninyeng Jei Bibor di ningat rin ei minu Mesir ri. Gino siceu ico kep mben dima ba, yahara bak tuhan bimpu yok lene Noni mipinak tungwagom mem gi miteu yok bingwes ngun.

NINDAT KEP TUHAN NICUKTI NYA 24:10

Tirigi jippiet mun nyeng hi bak tungwagom lene ma jicoi ug ei nide ig bei bijipos nide sinsun dut nok mun di jibiti bipia noni mirop ningwam bije hanyen au.

SAMUEL GI NICAN 16:5

Tirigi Nibou Ndig Daud kwei krau Bahurim lene Simei di tig mbier tut Saul ba, nicig ninyeng Gera hei leu nide ig lene nihyet wer mpiahi tut Daud beheng ser noni kak simpak.

NIBOU NDIG NYA GI NIGOM 2:8

Dipai dingon kanti bu tut Simei leu Bahurim di nicig ninyeng Gera pima. Njap di dinang ug ei Mahanaim pima lene noni mbriom da nindig bibor kak puig sinon. Noro tirigi dingkwei hanyen bidisigon Minyei Yordan lene diba neheng bipreu ei binoni tug hon tuhan ninyeng bipia midikes hukum nimai ei noni dip bi.

NIBOU NDIG NYA GI NIGOM 2:9

Noro dicuk na bipia ma no dima ningwes ngun leu hukum au. Dikan tut bipia angon ki. Mbro nok gino noni wer andig-ndau su lo, suar abindei ba, noni cem tug ndei hukum nimai.”

NIBA NINGON SRIP HUKTI 10:20

Ma jiba jihyet kin jingonti biyai nibou ndig au. Mbro nok gino jingat rin ei nghim nsi di jibong eisi rin lo, ma jikucang yo di inyeng au. Leu hi rima ha ningut gom miap jipaisi dima leu api ug tri tut hanyen bak no dima bu o.