NEHEI LEUSI 22:25 - ALLAH NIHYET MEM TUNGWATU NYA

²⁵ Gino jiyai mitiei ngwam bak Ditde limwa nya di yuhui mbum lene jibon jenti nok yo di igya tindei mitiei ngwam ba, jikak tut bikum ei gi ibitugti au.

NEHEI LEUSI 22:25 ပူးပေါင်းရင်းမြစ်များ

MAZMUR 15:5

di tri mitiei ngwam noro kum ei gi bitugti bi di kou sut gima hi ngot kep noni tirigi noni mbrap gau no di ningon ngun ei nikei noho bei ri. No di niyai munti nya nok gima mibong kei migwam kei bijo ninno bijo kikau.

YEHEZKIEL 18:8

Noni com mitiei bak tungwatu nya nok ningwam kin gi brim nibittemti leu yok bi. Noni mbres nonti leu sisar nyeng hagom. Gino tungwatu nya ighyet sror kui yam lene noni gwam nok nikei di ningon sren bikos tut mun di srou yok.

NIPINGOK NINGONTI 28:8

No di nyeng tut mitiei nindig bibor tug hon gino kak tut tungwatu nya ba, suar ikum ei mitiei nibitug nindig biborti lene no di ngondut nuhui mbum nya miba nokep no dima nide mitiei hagom.

NEHEMIA 5:7

bidiyai gi kos tut ei mem gima diyai dibou tut. Leu api dipai kep yo di inyeng jei nya kin nibou limwa nya bidisok kep yok “Jico kep jide bat limwa mben Israel!” Leu api ditri tut bipia suar yahagom idem yam mem gima imbus tut munhyet dini.

YEHEZKIEL 18:17

bimbres nonti leu sisar hagom lene com mitiei bak tungwatu nya nok ningwam kin gi brim nibittemti leu yok bi. Ningat ne no dima bit diggai serti nya biyok ngon kep dicukti nya. No dima mitug ndei nimai drek dip nicig nide sisar nya bi lewo noni hek tut niyaisi.

YEHEZKIEL 18:13

lene com mitiei bak tungwatu nya leu binhyepo iba hi bitem hanyen binoni e? No dima hek tut niyaisi e? E bi! Mun di mbuk bibor di noni bibon pima hagom bindei ba, noni mitug ndei nimai drek dip. Noni mibiang nide sisar nibuhunti bitug ndei nimai.

YEREMIA 15:10

Dingon kinei bibor! Nggon rino dipmem srek tut da i? Suar disrep tut bikwop timiei minu dini bidipai kep yahagom. Mbro nok gino ditde ningwam jo bak yo di hiter bi ba, yo di hiter cem ide ningwam jo bida bi lo, yahagom imbriom da.

NIBOU NDIG NYA GI NICAN 4:7

Leu api noni ug ngat Nabi Elisa hanyen lene Elisa pai bak “Ma atri mini dima yok ba, abipek mitiei leu binhyepo abigo ningwam pima. Lene niken di jo nya midem mem nani kin apmot bat cin jibibong kei jibigwam kei.”

NIBOU NDIG NYA GI NICAN 4:1

Mpe di gom ne sop gom di nijjep ne nabi rin noro mai leu su ug ngat Elisa bipai bak “Andigpoi e, dijjep mai su! Akan kep bipia noni ne no di bit Allah nihyet ri. Noni dahat ningwam leu tungwagom ba, nogindini no dima kwei lene mikat dipmot bat cin leu da ba, ubon yok nok awak drek dip ningwam po dijjep di mai su dahat ei pimati.”

LUKAS 19:23

Gi nok lene nggon rino acom mitiei dima ei bankti leu binhyepo timiei nya ei bankti dima mikum ei nibitemti mem dikwei hanyenti bi i.’

MATIUS 25:27

Gino akan tut da nok lene nggon rino acom ditde mitiei ei bankti leu binhyepo nibou bank mitug ditde mitiei hanyen bikum ei nibitugsi mem dikwei hanyenti bi i?’

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

NINDAT KEP TUHAN NICUKTI NYA 15:7

Tirigi juug bong ei dihyei di jide tuhan Allah miyai bije leu api jingat lo, jisut mben Israel di bong ei jide minu ndig gom nuhui mbum lene ma jingkek ndok tut noni ba, jikou sut gi jingondut noni au.

NINDAT KEP TUHAN NICUKTI NYA 24:13

Noro ma jingkwei nide sinsun dima hanyen binoni bikwop mmunti nipou tirigi mpia kimbas bigyo leu binhyepo juk ser nidigokti ei nibongti. Apino noni mipai sigyo hanyen bije leu api tuhan di nok jide Allah mijoi sut je.

YEHEZKIEL 18:7

ris ei tungwatu nyati binggimang ndiyok leu yok cem bi. Noro noni tug mun di bindo hanyen bak no di dahat mun nyeng hi leu noni bingondut yo di yuhui mbum biyai njita biyok cem yai sinsun bak no di nyeng tut sinsun hi bi cem.

AMOS 2:8

Tungwatu nya ibong tut sinsun di ipos leu yo di yuhui mbum nya bidem ig mbusyameisi nya nok mun di bindo bipia yo dima mirop ide ningwam biyok bidem ig. Lene idut ba anggur ngei di ipos leu yo di ikum ide ningwam biyok bigyo nya ei Allah De Ig cem.