NEHEI LEUSI 22:22 - ALLAH NIHYET MEM TUNGWATU NYA

²² Ma jiba jingon can bibon kibom nya kin moibihi nya au.

NEHEI LEUSI 22:22 ပူးပေါင်းရင်းမြစ်များ

AYUB 31:16

Dingkek ndok tut nuhui mbum nya bidisindui sut kibom nya biba ingon di ngguk bigwam nyen ei bi sren.

AYUB 34:28

Yo dima ibindei ba, yo di yuhui mbum nya yahara Allah leu api Noni miap ide nahara Noti.

MAZMUR 10:14

Noro ningat ne Nani angat gima tu ba, angig ayai kep niduhug-duhug nyenti kin niweisi. Ba, atin ei kikau mem gima ampu yok. Yo di isindem bi nya ikes yonti ei anda nsi. Ampu kep yo di yuhui mbum nya kikau kwei bipek ammani kep tu.

MAZMUR 34:7

Yo di isindem bi nya ingat nadi bak tuhan leu api Noni buhup ighyet biteu yok leu mun di buhun tak yok hagom.

NIPINGOK NINGONTI 22:23

Lewo tuhan mimbrap gau yok tut ide munhyet bikus yo di isrep huk yok innei leu.

NIPINGOK NINGONTI 23:10

Harin dima ason-son nyen hanjop niya kwas yamti di adigup bat-adigai bat nya ipek tu jit-jau a. Ma apos mpia ttou nsi di moibihi nya inyeng tut leu yok au.

NIPINGOK NINGONTI 23:11

Lewo tuhan di sindem bibor mimbrap gau yok ba, tte tut na ei nikei noho bei.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 10:2

Tug hon nisinati dima lene jibigen ser yo di yuhui mbum nya leu ba, igitug ndei mun di idem mem gima itug ndei nya kin nikei nikos tutti di sren kei nya mem yonti cem bi. Jibipos kibom nya kin moibihi nya ide mun di inyeng tut leu yok cem.

YEREMIA 7:6

Ma jico kep ngkiai nya kin moibihi nya kin sop kibom nya yahagom bu au. Ma jiyai nimai bak no di ningon ngun ei jide minu dini au. Ma jikes hon ba, jikuk je bak nung nya bu au lewo jiyai munti dima mibindei ba, jisar bijingwig.

YEREMIA 7:7

Gino jinggek tut jiyaijoti di kinei bibor leu lene midisindui sut ba, jibong ei jide minu di diyai bak jidigup bat-jidigai bat nya dini bijo ninno bijo kikau.

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

ZAKHARIA 7:10

Ma jico kep kibom nya kin moibihi nya kin ngkiai nya di ibong timiei ei jikieti nya di mun di buhun cut igkep yok nya au. Lene ma juhum yam nsi mem yo di jinttig-tta nya au.’

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 23:14

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jiris sop kibom nya ba, jipos ide ig tut mun di joti nya hagom. Leu api jibiti ninda tut jingon srenti tug hon nadi di juhuk kikau. Gini yok hagom bindei dino mijitug ndei hukum nindig bibor!]

NINDAT KEP TUHAN NICUKTI NYA 10:18

Noni hati tut moibihi nya kin sop kibom nya bibindei ba, tungwatu nya ibibon yok nok igbit. Ningon ngakei ngkiai nya di ibong srig jikieti bikwas njita kin sinsun tut yok.

NINDAT KEP TUHAN NICUKTI NYA 15:9

Ma jikou sut jiyai mitiei nok ningwam bak noni drek dip ari bingwam nidip tut ningwamti di dideu su au. Ma jisindui sut jikan-kan nyenti di kinei dima ba, pijuk jingonti au. Gino jikou sut jiyai mitiei nok ningwam bak no dima lene noni mahara bak tuhan drek dip jingkek ndokti dima apino jingon mui.

NINDAT KEP TUHAN NICUKTI NYA 24:17

Ma jibon mun di kinei tut ngkiai nya kin moibihi nya bijico kep yok au. Lene ma jipos kibom nya ide sinsun dut nok mun di bindo bipia mirop jide ningwam hanyen au.

NINDAT KEP TUHAN NICUKTI NYA 24:18

Ma jiyok ngon kep bipia jeni cem jinok awak ei minu Mesir nipou su ba, tuhan di nok jide Allah kwek je tu. Leu gima rino diyai nicukti dini bije.

NINDAT KEP TUHAN NICUKTI NYA 27:19

‘Ma tuhan sigion no di pos ngkiai kin moibihi kin kibom ide mun di inyeng tak kep nya.’ Lene ma limwa nya yahagom ibuhup ‘Igbit ri!’

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.