NEHEI LEUSI 22:14 - ALLAH NIHYET MEM TUNGWATU NYA

¹⁴ Gino tungwagom ppiet nisut nide mindhe leu api mindhe dima bok-ba biyai nimai cem lo, niceu mbut leu bingat gima bou niyai him bi lene no di ppiet dima go nibuhup.

NEHEI LEUSI 22:14 ပူးပေါင်းရင်းမြစ်များ

NINDAT KEP TUHAN NICUKTI NYA 15:2

Jiyai nok gini. Bikwop mben Israel di yai mitiei nok ningwam bak nisut mben Israel gom lene suar dip tut ningwam dima bit leu tuhan Nonti nikos tutti lewo Noni ciu ser ningwam dima tu. Ma hi brim ningwam dima bu au.

IMAM NYA IDE MIDYAI 24:18

Tungwa tou rino bisinggre bibui hiter nide mindhe lene suar tug mindhe hanyen bak niceu. Nicukti di bigo mem gima ne ninnei luei ninnei ri.

NEHEI LEUSI 21:34

ma noni go nibuhup bak mindhe dima niceu biluei lo, noni ma mindhe di mai su dima ningut nok mikwau.

LUKAS 6:35

Harin dima jiyai nok gima a! Noro suar jingon ngakei jide siceu nya cem jibibon yok nok gi kei cem jikwas mitiei ngwam tut yok cem lene ma jingon tindei ser gima itug hanyen bije au. Tug hon nisinati dima lene mijitug ndei jibuhupti nindig bibor ba, jinok Allah Di Ninyeng Jei Bibor nipmot bat nya. Lewo Allah singat tut yo di ijem sigyo bi sren kin yo di isibut nya cem.

NEHEI LEUSI 22:11

ma no dima ug ei jide ig mbusyameisi lene ba tuhan ninyeng bipai jit tug hon neheng bipia noni mbrai nisut nide mindhe dima bi. Gino ningat ne noni mbrai mindhe dima bi lene nisut ningon jo nyahan drek dip mun di cut igkep nide mindhe dima. Lene no di nyohou mindhe dima migo nibuhup bi.

MATIUS 5:42

Gino tungwagom hara je tut mun nyeng hi lene ma jiyai binoni hak ug. Gino hi joi sut ppiet jide mun nyeng hi lene ma jirok noni tut au.”

MAZMUR 37:21

No di sibut dahat ndiyok leu tungwatu nya lene rop ningwam hanyen bi. Noro no di ningon sren ba ningondut yokti bikwas mun tut tungwatu nya.

NEHEMIA 5:4

Ba, bihi bu ipai “Nidahat mitiei mem gima nibigo belasten gau nyende miai njita kin miai ba anggur ngat nghousi bit leu nibou ndig nikos tut ei su.

NEHEI LEUSI 22:13

Gino ningat ne mindhe di niten-pos ttem mindhe pima biyem ninghui leu su lene no di nyohou mindhe dima ket ninjum bindo bak nisut nok bindo. Lene noni migo nibuhup tut mindhe dima bi.

NEHEI LEUSI 22:15

Ne gino mindhe dima niceu ningat rin bingat mun dima bou niyai him tu lene no di ppiet mindhe migo nibuhup bi. Ne gino hi go nippiet mindheti dima leu api mindhe dima bok-ba biyai nimai cem lene noni migo tut bi. Lewo mitiei nigo nippietti pima dem mem nibirop bakti tu.”