NEHEI LEUSI 21:6 - ALLAH NIHYET MEM TUNGWATU NYA

⁶ ma niceu buwak noni ug ei ide ig mbusyamei bikes noni biya kui dihim gom ei dimbou heisi. Lene niceu tu nitingou meng. Tug hon nibon midut dima lene awak dima miyai midyai mem niceu kikau ug bipek niyaijo ningwig honti kep.

NEHEI LEUSI 21:6 ပူးပေါင်းရင်းမြစ်များ

NIBOU NDIG NYA GI NIGOM 12:7

Lene ibuhup “Gino na di Andigpoi ajoi sut anyeng tak kep yok kin angon di gom lene ma ace tut ingon kanti dima. Gi nok lene ingon gom tut na di Andigpoi kikau.”

MAZMUR 82:1

Doia Asaf. Allah bie tut Nide awak di pai tes nya di induk yam ei gomti ei gwamti. Noni kos tut biyok bipai,

NEHEI LEUSI 12:12

Lewo midiya bidem minu Mesir nisurti-nipekti mem mmun dima bidiyai nimai bak munggwom pinai mighumbou nya bidem ide ig bei hagom kin mindhe-ndhe nipmot bou nya hagom. Ba, midikes hukum ei mben Mesir ide kwar nya hagom dip tug hon nisinati dima. Lewo Dani ne tuhan ri.

NEHEI LEUSI 21:22

Gino tungwatu ibou poi ibui yam lo, tungwagom leu ikieti bui sop di nghop apino bindei ba, sop dima srek kinei drek dip lo, nggwen ba, yai nibok bi lene no di bui noni go nibuhup nimangti bit leu nok sop dima nijjep nicuk noti lene nikei nya cem ice tut nimangti dima.

NEHEI LEUSI 21:5

Ne gino awak dima simbot dat bipia ningon ngakei nitnem kin nimunggwom bat nya kin niceu dima lene kou sut gima kes hon midyai bimbut lene,

NEHEI LEUSI 21:7

Gino tungwagom tri nipmisop sop Ibrani nok awak lene misop dima niceu kes noni bimbut leu midyai mem ari bingwam gi nimuhwindagom nohon keti au. Nicukti mem awak sop kin awak pinai ter leu yam.

NEHEI LEUSI 22:28

Ma jihyet wer mpiahi tut Allah ba, jirom jihyet kui jide nibou ndig cem au.

YESAYA 1:26

Midita nikei nya kin yo di ingon ki nya leu binhyepo inyeng tak kep je dem kep nok gi nipou po inyeng tak je habiei pima. Lene tungwatu nya mipai sut minu ndig Yerusalem bipia minu di ningon sren-srau ba, ningon gom cem ri.”

IMAM NYA IDE MIDYAI 25:23

Harin dima jitri jide dihyei hanjop nsi nya bijibipek mitiei bihigom a. Lewo dihyei dima ne jide rin bi. Noro Allah nyeng tut dihyei dima. Jeni tereu nok ngkiai nya di timiei hi sindui sut ba, jiyai miai eisi he.

IMAM NYA IDE MIDYAI 25:40

Suar jibibon noni nok no di bong bit jeni di tug ndei nimuhup tug hon midyai di yai mem jeni kikau ug bipek Ari Bingwam Ningkwei Hanyenti.

ZEFANYA 3:3

Nibou di inyeng jei ei minu ndig dima idem kep singa di yau-yau nyen. Nikei nya idem kep serigala di nggum. Iduhwen bibor apino igibet ndia njum gom bijo ei mem njap di hyep cem bi.

NINDAT KEP TUHAN NICUKTI NYA 1:16

Mpe dima ne dindo ide midyai biyok bidipai ‘Ma jingig jiyai kep nisrep tut yamti di srou jide mben nya. Ma jiba jingon di gom bikos tut nisrep tut yamti di ngot kep jide mben nya bingot kep ngkiai nya di ibong timiei ei jikieti cem.

NINDAT KEP TUHAN NICUKTI NYA 15:16

Noro gino awak dima kou sut gima ug bihigom leu nani drek dip ningon di ngakei na kin ade ig bei nsi nya ba, joi sut bong bit na kikau,

NINDAT KEP TUHAN NICUKTI NYA 15:17

lene ma abuwak noni ug ei jide dimbou hui ba, ahum nitingou meng a. Tug hon nisinati dima noni minok ade awak kikau bimai kep. Ma ayai nok gima tut ade awak sop cem.

NINDAT KEP TUHAN NICUKTI NYA 16:18

“Suar jita nikei nya kin nibou di igyai midyai hiter nya bikwop minu ndig di jide tuhan Allah yai bije nya leu binhyepo iba ingon di gom bitri tut nikos tutti ei limwa ikieti.

SAMUEL GI NIGOM 1:22

Noro Hana gi bit yok bi lewo pai bak nijjep “Niabiati tirigi dipmot kes do bidut bu bi lene midibuwak noni ug ei tuhan De Prak Meng nsi. Noni mibong ei sirima kikau bipek niyaijo ningwig honti.”

SAMUEL GI NIGOM 27:12

Noro Akhis ba ningon com Daud lene kan “Daud de mben migga noni bibor apino bitig dino noni minok awak mem da kikau ug bipek niyaijo ningwig honti.”

SAMUEL GI NIGOM 28:2

Lene Daud buhup “Igbit ri! Dibon danti nok na di Andigpoi ade awak. Mbigom na di Andigpoi angat mimbri di kui dingkek brei bou ayai him.” Gima rino Akhis pai “Kei bibor! Dita nani ba, anok no di ya kui da ba, acuon ser diyaisi kikau.”