NEHEI LEUSI 21:1 - ALLAH NIHYET MEM TUNGWATU NYA

¹ Lene tuhan pai bak Musa “Ayai nicukti dini yok bak mben Israel.

NEHEI LEUSI 21:1 ပူးပေါင်းရင်းမြစ်များ

NIBOU NDIG NYA GI NIGOM 6:12

“Gino abit Ditde nikos tutti nya kin dicuk nati nya hagom lene midibibon na bit leu nok dipreu ei mem acig Daudti.

NIBOHON MBEN ISRAEL GI NICAN 19:10

Mpe dino jisut bat nya leu minu ndig hi ipai sut munhyet nihwen mun kin nitunggwei Allah nicuk nyeti nya kin nikos tutti di jo tu nya bije lene ma jipingok ingonti tut gi igyai munti nya ndo bindo di kei tirigi igya ei nikei noho bei. Gi nok lene yoni migyai mun tunggwei sut tuhan bi. Gi bi lene tuhan migga jeni kin jide limwa nya. Gino jibit Nide nicuk jeti dini lene mijiyai mun tunggwei hi bi.

NEHEMIA 10:29

nahagom nibicom yam bit nyende nibou nya ba, nahagom niba neheng bipreu ei mem gima niba nyeni niyai munti nya bibit Allah Nicukti di niyai tug hon Nide awak di Musa. Gino niyai bipek kep mun di nipreu sut ei Allah Noho bei dini bi lene ma Noni sigion nye hak ug. Nyeni niba neheng bice tut mem gima nibit nyende tuhan Allah nicuk nyeti nya kin Nide nikos tutti nya kin ningginau nyeti nya hagom.

MAZMUR 147:19

Noni tri tut Nide nisok kep yokti bak Nide limwa nya bisok tut nimbrap tutti kin niggai serti nya bak Nide limwa di dimig yok ei su nya.

NEHEI LEUSI 19:7

Lene Musa juk kwei leu nungug dip binduk nibou nya yahagom kwei leu api tri tut nihyet hagom biyok bit leu nok tuhan nicuk noti tu.

YEHEZKIEL 20:11

Lene diyai Ditde nicukti nya biyok ba, dingginau yok tut Ditde niggai serti nya di suar ice tut bibit lewo yo di ice tut bibit nya migyaijo ba, ide njap jei.

YEHEZKIEL 20:25

Niabiati bu lene diyai niggai serti di kei bi kin nicukti di bit bon yai niyaijo biyok kan bi nya biyok.

IMAM NYA IDE MIDYAI 18:26

Noro suar jibit tuhan de nicuk jeti nya kin nikos tutti nya. Harin dima ngkiai di ibong timiei ei jikieti ibon kep nibon munti di kinei bibor dima a.

IMAM NYA IDE MIDYAI 18:5

Ma jibit dimbrap tutti nya kin diggai serti nya di diyai bak jeni. Gino jiyai nok gima lene jingwes ngun. Dani ne tuhan ri.”

IMAM NYA IDE MIDYAI 19:37

Suar jibit Ditde nicukti nya kin dikos tutti nya lewo Dani ne tuhan ri.”

IMAM NYA IDE MIDYAI 20:22

Lene tuhan binut bu bipai “Ma jibit dicuk jeti nya hagom leu binhyepo timiei minu Kanaan nya mijji jeni leu ide minu di dibuwak je ug eisi dima bi.

MALEAKHI 4:4

Ma jiyok ngon kep Ditde awak di Musa ningginau jeti nya. Ma jikan kep dicuk noti nya kin niggai serti nya di diyai binoni ei Nungug Sinai leu binhyepo mben Israel yahagom ibit.

MBEN ISRAEL IMBUT-MBUT NYEN 35:24

lene suar limwa mben Israel idem yam bimbrap tut munhyet di nok gima. Lene imbrap gau no di ninda yem nimbiam kin gi bisinggre bi dima cem ba, imbrap gau nimbiam nide bat di itin ei mem ibuhup kin nimai bak no dima cem.

MBEN ISRAEL IMBUT-MBUT NYEN 36:13

Gima ne nicukti nya kin nikos tutti nya di tuhan yai bak mben Israel tug hon Musa ei mpe di mben Israel ingat rin ei briep bou him Moab di birok kik Yerikho ei Minyei Yordan nite dima ug ri.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

NINDAT KEP TUHAN NICUKTI NYA 15:12

“Tirigino tungwagom tri nisut mben Israel pinai-sop gom nok awak bak nani lene suar awak dima yai midyai bit na ei nijam ari bingwam muhwindagom. Ba, ug ei ari bingwam nimuhwindacan nitausi lene suar akes noni hanyen leu midyai nok awak bimbut hak ug.

NINDAT KEP TUHAN NICUKTI NYA 4:14

tuhan cuk da “suar dingginau je tut Nide nicukti nya hagom. Ma jibit hagom tirigi jibong kei jigwam kei ei minu di jitin ei mem jicoi eisi.”

NINDAT KEP TUHAN NICUKTI NYA 4:45

Noni tri tut Allah ningon kanti dini tirigi yehei leu minu Mesir ba, ingat rin ei mbang briep di jo Minyei Yordan nite bei mpia nipriti di birok kik minu ndig Bet-Peor. Nipou ne Nibou Ndig Sihon di ninyeng tak kep mben Amori nyeng tut mpia dini bibon minu ndig Hesybon nok nibousi bibong ei sirima. Musa kin mben Israel ibindei timek noni mpe di po yehei leu minu Mesir pima.

NINDAT KEP TUHAN NICUKTI NYA 4:5

Dingginau je tut nicukti pima hagom bit leu nok tuhan di nok ditde Allah nicuk dati tu. Ma jibit nicukti dima hagom tirigi jibong kei jigwam kei ei minu di jitin ei mem jicoi eisi.

NINDAT KEP TUHAN NICUKTI NYA 4:8

Ngkiai nya di isindem bibor nindigsi hi bon niggai serti di sren kei dem kep nok nicukti di dingginau je tut njap di ammani bi.

NINDAT KEP TUHAN NICUKTI NYA 5:1

Lene Musa nduk mben Israel yahagom kwei ba, idem yam ei su leu api noni pai biyok “Disut bat jen, ma jingig jitingou mem niggai serti nya di diyai bije njap di ammani hagom. Ma jingginau yam tut nicukti dima yok ba, jiba jingon di gom bibit hak.

NINDAT KEP TUHAN NICUKTI NYA 5:31

Noro Musa e, angkwei hanyen bit yok au. Ma agwam bit Da ei mpia dini leu api midiyai Ditde nicukti nya kin dikos tutti nya hagom bina. Angginau yoni tut mun dima hagom leu binhyepo ipwoi dingon ei minu di midiyai biyok.’

NINDAT KEP TUHAN NICUKTI NYA 6:1

“tuhan di nok jide Allah cuk da bipia suar dingginau je tut Nide nicukti nya. Lene hagom ndia ri. Ma jibit nihyet hagom tirigi jibong kei jigwam kei ei minu di jitin ei mem jiya bidem eisi.

NINDAT KEP TUHAN NICUKTI NYA 6:20

Lene ei nidipti bu tirigi jimunggwom bat nya mihig ser je ‘Nggon rino tuhan di nok nyeni ide Allah cuk nye bipia ibit nicukti dini yok hagom i?’

TESALONIKA GI NIGOM 4:1

Disut bat jen, ningat ne nindo bindo di kei bije tut notou jide niyaijoti bindei ba, Allah joi sut je. Jo nibreisi bipia jiyaijo nok gima tu. Nogindini nitigtai je binipingok jingonti tug hon nisindemti di kwei leu Tuhan Yesus leu binhyepo jibikum nut bu.