NEHEI LEUSI 20:5 - ALLAH NIHYET MEM TUNGWATU NYA

⁵ Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 20:5 ပူးပေါင်းရင်းမြစ်များ

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

SAMUEL GI NICAN 21:6

Gima rino ma akes Saul de nintun him di bram yamti nipinai ibou muhwindacan binye leu binhyepo nahak ingut ei dihim ninggwenti ei tuhan Noho bei ei minu ndig Gibea di nibou ndig Saul nitimieisi.” Lene nibou ndig Daud ce ighyet “Igbit ri. Midikes yok ei jindati.”

NIBOU NDIG NYA GI NIGOM 19:10

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 21:29

“Ayok ayai kep Ahab di ba ningon di huk niti bikuk no ei Doho bei tu e? Leu gima rino midibindei ba, mun di buhun bibor micut igkep noni bi kikau bibou niyaijo ngwig hon ug e. Midibindei ba, mun di buhun bibor dima micut igkep nide mbier nikimti nya mem nijam di nipmot ya luei nohoti.”

NIBOU NDIG NYA GI NICAN 17:35

Tirigi po tuhan bon gi preu bit limwa Israel pima lene Noni cuk yok “Ma jinggei sut nung nya bijikuk je bak au. Ma jiyai midyai mem yok bijiyai midut nindig mindhe-ndhe ei nung dima ide nimbar hum dokti nya cem au.

NIBOU NDIG NYA GI NICAN 17:41

Ikuk yok bak tuhan ba, ikuk yok bak ide kwar nya cem. Lene yo di intun yok him nya cem igyai bram niyai kepti dima kikau kwei bipek ammani kep.

NIBOU NDIG NYA GI NICAN 23:26

Noro tuhan no ningon sibui sut mben Israel drek dip nibou ndig Manasye niyai munti nya pima lene bit bon Noni luei ningonti tut kan bi.

NIBOU NDIG NYA GI NICAN 5:18

Dingon ya mem gima tuhan mikos ser ditde sisar gino nibou ndig mben Siria suar da bidiya kui noni tirigi ngat nadi ei mben Siria ide kwar Rimon de mpia nibon midut nibousi.”

NIBOU NDIG NYA GI NICAN 5:27

Nogindini bras di yem Naaman ningkek dip pima miyem nani kin yo di intun nani him jahagom jingkek dip bijo ninno bijo kikau ug ri!” Hammi tirigi Gehazi hei leu ig bei rino bras dima yem ningkek dip bibindei ba, ningkek tiei kei.

NIBOHON MBEN ISRAEL GI NICAN 25:14

Tirigi Amazia bindei timek mben Edom leu lene ttei kwar ngot di mben Edom ide nya bingkwei hanyen tut. Noni tas kwar ngot dima yok ei minu Yehuda. Leu api ndig biei nggrai di ui-gwang kei bak bibikuk no bak.

NIBOHON MBEN ISRAEL GI NICAN 7:19

Noro gino aya tut ade limwa nya ba, jico tunggwei Ditde niggai serti kin nicukti nya ba, jikuk je bak nung nya,

AYUB 21:19

Jipai bipia “Allah kes hukum ei munggwom nya dip drek dip icig bat nya ide sisar.” Noro danti dipai bipia e bi! Suar Allah kes hukum ei yo di ibon sisar nya yonti dip. Leu binhyepo ingon huk niti bipia yonti ide sisar rino bindei di Allah kes Nide hukum ei yok dip a.

AYUB 5:4

Hi dima nyohou imunggwom bat nya bimbrap gau yok ei nikei noho bei bi.

MAZMUR 109:14

Nnaba tuhan yok ngon kep nidigup bat-nidigai bat di nipou nya ide sisar lene bikos ser nipmem de sisar bi.

MAZMUR 78:58

Isrep huk Allah tug hon ide mpia di iwin mem ibikuk yok bak kwar nya. Ibindei ba, ningwak mbriu sut yok tug hon ide kwar di ikuk yok bak nya.

MAZMUR 79:8

Ma akes hukum ei nye dip drek dip nidigup bat-nidigai bat nya ide sisar au. Abipbur ba, angondut nye lewo nyeni ningon dahat leu su.

MAZMUR 81:15

Gi nok lene midibindei ba, siceu di ide nya indun bou ba, dibindei timek ide siceu nya yahagom cem.

NEHEI LEUSI 23:24

Ma jikuk je bak yo dima ide kwar nya di inyohou yo dima ba, jinggei sut yok au. Tirigi yo dima ibon midut lene jiyai bram igyai kepti nya au. Ma jinggek ide kwar di ikuk yok bak nya ba, jitam hagom binnir-wap lene jinggek ide cou tig nya di ipigig ser bikuk yok bak cem.

NEHEI LEUSI 34:14

Harin dima jikuk je bijinggei sut kwar nya a. Lewo Dani ne tuhan rin ba, di nok Allah di kou sut kwar nya.

NIPINGOK NINGONTI 8:36

Tungwa tou rino tau kep da bi mibimangkrei nonti niyaijoti. No di ningon mpo tut da ningon ngakei nimai.”

YESAYA 44:15

Lene noni wim biei dima ninjem gom birop bihi nok biei nindig lene bed bihi ei beheu nok kwar. Noni ba biei nite hi bindig hum di wam noni lene bikang roti ba, heu nite hi bu binok kwar bikuk no bak.

YESAYA 44:19

Neheu kep kwar cig dima kan-kan nyen tut niyai munti dima bi. Noni kan “Sirop biei njem bisindig bihi kep hum lene siba bihi bikang roti ba, sibibam mikwau cem bisiyem. Lene siba biei nindigsi bibon kwar bou sinda him. Ningat ne sikuk sa bak biei ttou dima he!”

YEREMIA 2:9

tuhan pai “Nogindini midiba mbrap bit Ditde limwa nya ba, dibuwak yo di intun yok him nya cem ug ei nikei noho bei.

YEREMIA 32:18

Ando tut Ade ningon ngakeisi di jo kikau bak tungwatu nya ibou sribu-ribu noro akes hukum ei tungwatu nya dip drek dip ndigpoi di ide nya ide sisar. Nani ne Allah di nindig bibor ba, mimbri kui Na. Anyeng rino tuhan Di Sindem Bibor.

YEHEZKIEL 18:19

Mpaba tungwagom hig simber Da ‘Nggon rino no dima tug midut drek dip nicig nide sisar nya bi i?’ Lene midibuhup bipia nipmot singat ba, ningon sren cem. Noni ba ningon di gom bibit diggai serti nya. Gima rino noni hek tut niyaisi.

YEHEZKIEL 18:2

“Nggon rino tungwatu nya ei minu Israel indat-ndat nyen nihyet nibiti ninda dini i? ‘Andigpoi nya igyem ba anggur ngat di hyenha di bindei ba, imunggwom bat nya ikwai hyenha.’

YEHEZKIEL 20:7

Dicuk yok ba, suar icom kwar di suwok bibor di ijoi sut kei di icem kep di ikuk yok bak dima. Diggai ser yok leu binhyepo ibindei ba, map kui yokti tug hon gi ikuk yok bak mben Mesir ide kwar nya bu au. Lewo Dani ne ide tuhan Allah ri.

YEHEZKIEL 39:25

tuhan Di Ninyeng Jei Bibor pai “Noro tini bu ne midingondut Ditde limwa Israel di intun Yakub him. Midibindei ba, mun di isuar nya hagom midem mem yok. Dinyohou dinyeng tug hon nisinati dima leu binhyepo ikon dinyeng kikau.

YEHEZKIEL 8:3

Mun di nok tungwatu dima su ninda bikrau dibou nta leu api diba ningat-hi-ngat pima bingat lo, Allah Ninnei kon da anai ug ei hou him bibuwak da ug ei tuhan De Ig ei minu ndig Yerusalem. Noni kes da kui dimbou di ibicoi ug ei mpia di jo bas hak ei ninsi gom di jo ei nite bei mpia nijjai. Ba, kwar di tungwatu nya ikuk yok bak di bibon tuhan nigga biborti jo ei sirima.

DANIEL 1:2

tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

DANIEL 3:18

Ne gino Noni teu nye leu hum dima bi cem ma na di Andigpoi ayok ngon kep bipia mininggei sut ade kwar nya binikuk nye bak kwar mas di atas ei bi sren.”

IMAM NYA IDE MIDYAI 20:5

lene Danti midikes hukum nimai ei noni dip bitut nide ig bei nsi nya kin yo di itti kin noni yahagom di iba inghim bak Dani leu ba, ikuk yok bak kwar Molokh. Midibibon yoni nok yo di inggre kin Ditde limwa nya bu bi.

IMAM NYA IDE MIDYAI 26:1

Lene tuhan pai “Harin dima jibon kwar bou jinda him ba, jiwin kwar kin nidihim tig di jikilis mem gima jikuk je bak a. Dani ne tuhan ba, jide Allah ri.

IMAM NYA IDE MIDYAI 26:29

Ninggum di buhun mihwen jeni leu api mijibui jimunggwom bat nya bijiyem kep jinggumti.

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

MBEN ISRAEL IMBUT-MBUT NYEN 14:18

‘Dani ne tuhan rin ba, dingon sibui sut tungwatu nya haninyai kan bi. Noro Ditde ningon ngakeisi nindig bibor bikum eisi bu ba, dingon gom cem. Lewo dikos ser tungwatu nya ide sisar kin ide naham nimbuk kep Dati. Mbro nok gima lo, midikes hukum ei imunggwom bat nya kin ignyon bat-idrot bat nya dip kikau ug bipek yo di intun yok him gi niningai kin gi nibitai drek dip ide pung di intun him nya ide sisar.’

MBEN ISRAEL IMBUT-MBUT NYEN 14:33

Lene jimunggwom bat nya mimbut-mbut nyen ei iggum ndigsi dini ba, igyai inghuisi di wei kikau mem ari bingwam ningot bitai drek dip je di andigpoi di jiba jingon com Da bi pima. Nok gima kikau bibou je di andigpoi jahagom jimai bijingwig leu ug e.

MBEN ISRAEL IMBUT-MBUT NYEN 25:11

“Imam Harun nignyon Pinehas di Eleazar nipmot brim ningkek ba, nyohou dinyeng di jei bibor ei mben Israel ikieti. Apino Ditde nigga yo dima biborti kes hon tu ba, dibindei sar yok bi.

MATIUS 4:9

Lene pai bak “Gino akuk Na ei dimig him ba, anggei sut da lene midinjei mun dima yok hagom bak Nani.”

YOHANES 15:18

“Mpe dino tungwatu dihyeisi dini ingon mpo tut je lene ma jiyok ngon kep bipia ingon mpo tut Da bibie tu.

YOHANES 7:7

Bit bon tungwatu dihyeisi ingon mpo tut je kan bi. Noro ingon mpo tut Da drek dip gi dipai biyok bipia igyai munti nya kinei bibor.

YOHANES 9:2

Yo di igya kui Yesus ihig simber Noni “Guru e, tou ribon sisar di bindei dino no dini srek kin niyai di tu i? Nonti e, he nicig-nipmem nya e?”

ROMA 1:30

ipai yam nghapti cem ingon mpo tut Allah cem ighyet sem tut yam cem inggei-nggwang cem ingon jei cem igyok ighyet mem gima ibon sisar tug hon nisinati hagom cem ibit icig bat-ipmem bat nya ighyet bi cem,

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

KORINTUS GI NIGOM 10:22

He ma ijoi sut Tuhan ningon kinei sut nye e, he isindem njiriek Noni e?

NINDAT KEP TUHAN NICUKTI NYA 32:21

Yoni ribindei dino dingon sibui sut ide kwar di ikuk yok bak nya lewo mun di ikuk yok bak dima yok hagom nok mun di igbit bi. Gima rino midiba mben hiter di nok mben di mungkun bi bidibindei ba, Ditde limwa nya igga bibor. Midiba mben hiter di ingon mbum bidibindei ba, Ditde limwa nya ibou dut bibor.

NINDAT KEP TUHAN NICUKTI NYA 32:41

midisien Ditde simeda di ninjeng srei leu binhyepo dikos tutti nya hagom sren-srau. Midibirop hanyen bak Ditde siceu nya leu api midikes hukum ei yo di ingon mpo tut Da dip.

NINDAT KEP TUHAN NICUKTI NYA 4:24

Lewo tuhan di nok jide Allah dem kep nok hum di cig-cai ba, Noni kou sut mun di jikuk je bak nya.

NINDAT KEP TUHAN NICUKTI NYA 5:10

Noro midingon ngakei yo di ingon ngakei Da bibit dihyet kikau ug bipek ibou sribu-ribu di intun yok him bram yam.

NINDAT KEP TUHAN NICUKTI NYA 5:9

Harin dima jikuk je bak kwar di nok gima bijinggei sut a. Lewo Dani ne jide tuhan Allah rin ba, dem tut gima jiba Da bingon mun nyeng hi cem bi. Lewo midikes hukum ei yo di ikinei sut Dani dip kin ide nintun him yamti di bram yam nya dip bitut ignyon bat-idrot bat nya kin yo di intun yok him bram yam cem dip.

NINDAT KEP TUHAN NICUKTI NYA 6:15

Gino jikuk je bak nung nya lene tuhan di nok jide Allah ningon misibui sut je apino mijimai bijingwig. Lewo tuhan di nok jide Allah di ningat rin ei jikieti kou sut gima jikuk je bak nung nya.

NINDAT KEP TUHAN NICUKTI NYA 7:10

Noro Noni miba nihig ningon tut bisi bikes hukum ei yo di ingon mpo tut Noni dip.

YAKOBUS 4:4

Mei! Jingon gom tut Allah bi. Jikan tut bipia yo di inggre kin mun di pror yon ei dihyeisi dini iba nitok bak Allah bi e? Tungwa tou rino nggre kin mun di pror yon ei dihyeisi dini lene noni ba nitok bak Allah.

YOSUA 23:16

gino jitunggwei gi preu di jide tuhan Allah yai bije. Gino jibit bi lo, jikuk je bijinggei sut nung di ngkiai nya ikuk yok bak lene tuhan migga jeni bikes hukum ei jeni dip leu api jigom ngat migwam ei minu di kei di Noni yai bije dini bu bi.”

YOSUA 23:7

Gino jiyai igbit ditde nipingok jeti dima lene mijiket ei mben nya di igya ngkiem ei jikieti pimati bijingat nadi tug hon ide kwar nya inyeng bijeheng bitug hon kwar dima inyeng mijikuk je bak bijinggei sut ide kwar dima yok cem bi.

YOSUA 24:19

Lene Yosua pai biyok “Krop kei mem jikuk je bak Noni bi. Suar jiba jingon titut bibit nihyet lewo Noni ningon sren-srau. Bit bon Noni kos ser jide sisar dino,

NIJAM NIKEI NYA 2:19

Noro niabiati nibou pima mai leu yok tu lene yo dima ingkwei hanyen ndam igyai kepti di kinei nya lene ikou sut gi inggek tut igyai munti nya. Lewo ikuk yok bak nung nya kindi-kindok hanyen bu ba, ingkek ndok bibor.