NEHEI LEUSI 20:3 - ALLAH NIHYET MEM TUNGWATU NYA

³ Harin dima jikuk je bak nung nya a. Noro ma jikuk je biDangkom.

NEHEI LEUSI 20:3 ပူးပေါင်းရင်းမြစ်များ

NINDAT KEP TUHAN NICUKTI NYA 5:7

Harin dima jikuk je bak nung di mipror yon a. Noro ma jikuk je biDangkom he.

MATIUS 4:10

Noro Yesus pai bu “Bilis e, aug leu Da hak ug. Lewo Allah Nihyet pai bipia ma jikuk je bak jide Allah ba, jibit Nongkom hak.”

MAZMUR 81:9

Ditde limwa jen e, ma jingig jitingou mem disok kep jeti. Israel e, jimiap kep dihyet!

YESAYA 46:9

Ma jiyok ngon kep mun di pek kep mem je nipou su nya. Ma jipai jit bipia Dani ne Allah ri. Allah hiter hi bi. Bit bon jibinai Da kin hiter kan bi.

NINDAT KEP TUHAN NICUKTI NYA 6:5

Ma jiba jingonti titut kin jinnei titut kin jide nisindemti titut bingon ngakei tuhan di nok jide Allah.

YEREMIA 25:6

Nabi dima yok icuon ser je leu binhyepo jikuk je bak ngkiai nya ide nung nya bi. Iggai ser je leu binhyepo jikuk je bak kwar di jibon bou jinda him nya cem au. Lewo jiyai munti dima bibon tuhan niggati. Gino jibit tuhan nicukti dima lene Noni kes hukum ei jeni dip bi.

NINDAT KEP TUHAN NICUKTI NYA 6:14

Ma jikuk je bak nung di ngkiai nya di ibong ttai je ikuk yok bak nya au.

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.

KOLOSE 2:18

Ma jisindui sut yo di ikon ighyet tut inyeng di jei drek dip gi ipai bipia iba ibou coi ba, ikuk yok bak malaikati nya noro ibitot hagau he. Yo dima ikan-kan nyenti di ntun dihyeisi dini him bindei ba, ingon jei sut yonti cem ingon ndig sut ningat-hi-ngat di mindur nya di ingat bou igyai him cem ba,

FILIPI 3:19

Yoni mitug ndei hukum ug ei hum njengti lewo ikuk yok bak ide ningut pri kepti nya. Suar immai sut igyai kepti nya di biyai ingon jei lewo ikan-kan nyenti sror ndam mun di ntun dihyeisi dini him he.

EFESUS 5:5

Ma jiyok ngon kep bipia nicut tut yam cig kin nikrar kep yam cig kin nidrui bou ngwam cig (di noyam kin sisar nikuk nye bak kwarti nya) micoi bit Allah kin Kristus Ninyeng Tak Kepti bi sren.

YESAYA 26:4

Ma jiba jingon com tuhan bijo kikau lewo tuhan Allah nyohou nye kikau.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

NEHEI LEUSI 20:23

Ma jiba perak kin mas bibon kwar nya mem gima jibikuk je bak njiriek Da au.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 43:10

Ditde limwa jen e, jingat diyai munti nya bou jiyai him tu. Didimig je ei nok Ditde awak nya leu binhyepo jikan tut Da bijingon jo kep Da ba, jingon hukti tut Da lewo Dani ne Allah ri. Dangkom ngat he rino Allah. Leu nipou kwei bipek ammani kep ba, njap di ammani kui ug bipek ningwig honti ne Allah hiter nya hi bi.

MAZMUR 73:25

Ditde Allah e, Nangkom ei gwamti ampu da. Ter leu Nani lene disuar tungwatu dihyeisi dini mem gima impu da bi.

MAZMUR 29:2

Ma jinggei sut tuhan di dia-diau! Ma jijuk sinsun midut di kwes-kwau leu api jibikuk je bak.

NINGAT-HI-NGAT NYA 22:9

Noro noni srep “Ayai nok au! Akuk na bida au! Ma akuk na bak Allah Nongkom! Dani ne awak rin noyam kin nani kin asut bat nabi nya kin yo di yahagom di ikrau kep nihyet di jo ei srat diniti.”

KORINTUS GI NIGOM 8:4

Tut munhyet niyem mikwau di ipigig ser ei mem ide kwar ne ikan tut bipia kwar bon ninyeng bindo tut mun di ningat rin bi. Ikan tut bipia Allah gom ngat he ba, hiter ningat rin bi sren.

NEHEI LEUSI 32:8

Yoni ikriek leu puig di dindo biyok tu ba, iba mas di jet bibon sapi nikre di nehen pap leu api ikuk yok bak ba, ibui mindhe-ndhe bindig kep hum bak cem tu. Isimbot dat bipia sapi dima ne ide kwar po buwak yok kwei leu minu Mesir pima ri.

NEHEI LEUSI 34:14

Harin dima jikuk je bijinggei sut kwar nya a. Lewo Dani ne tuhan rin ba, di nok Allah di kou sut kwar nya.

YESAYA 42:8

Dangkom he rino jide tuhan. Midikwas Ditde nikei-kau-keisi ndrim hi tut kwar di tungwatu nya ikuk yok bak bi sren. Midisindui sut ba, tungwatu nya inggei sut Dangkom he. Ma inggei sut kwar nya au.

YEREMIA 7:9

Jinggimang cem jihwen mun cem jicut tut yam cem jiba neheng om ser mun ei nikei noho bei cem jindig mindhe ei Baal de nimbar hum dokti cem jikuk je bak ngkiai nya ide kwar nya cem.

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

NEHEI LEUSI 22:19

Suar jikes hukum nimai ei pinai di cut tut mindhe dip.

NEHEI LEUSI 23:24

Ma jikuk je bak yo dima ide kwar nya di inyohou yo dima ba, jinggei sut yok au. Tirigi yo dima ibon midut lene jiyai bram igyai kepti nya au. Ma jinggek ide kwar di ikuk yok bak nya ba, jitam hagom binnir-wap lene jinggek ide cou tig nya di ipigig ser bikuk yok bak cem.

NIJAM NIKEI NYA 6:10

Dani ne tuhan bidinok jide Allah rin bit leu nok dipai bije tu. Mpe dima lene disok kep je ser nhyema jikuk je bak mben Amori po ibong ser minu dini ide kwar nya au. Noro jibit disok kep jeti dima bi.”

NIBOU NDIG NYA GI NIGOM 11:4

kikau bipek mpe di noni wer andig-ndau leu su lene nitnem bat nya ihwen ningon bibindei ba, Salomo kuk no bak mben ngkiai dima yok ide nung nya. Salomo nicig Daud ningon gom tut nide tuhan Allah kikau noro Salomo yai bram nicig Daud niyai kepti nya bi.

MAZMUR 81:10

Ma ngkiai nya ide kwar hi jo ei jikieti ba, jikuk je bak au.

DANIEL 3:18

Ne gino Noni teu nye leu hum dima bi cem ma na di Andigpoi ayok ngon kep bipia mininggei sut ade kwar nya binikuk nye bak kwar mas di atas ei bi sren.”