NEHEI LEUSI 20:20 - ALLAH NIHYET MEM TUNGWATU NYA

²⁰ Lene Musa buhup “Dwai! Mijittin tut au! Allah juk kwei bingon je bipingok jingonti leu binhyepo jibit nihyet kikau lene mijibon sisar tut Noni bi.”

NEHEI LEUSI 20:20 ပူးပေါင်းရင်းမြစ်များ

NINDAT KEP TUHAN NICUKTI NYA 13:3

ma jingig jitingou mem nihyet au. Lewo tuhan di nok jide Allah ba no dima bibingon je leu binhyepo Noni mikan tut bipia jiba jingon titut bingon ngakei Noni e, he bi e.

NIPINGOK NINGONTI 3:7

Ma aba angon bisrip huk bipia angon ki dor njiriek mun di igbit mem na au. Abit tuhan nihyet ba, ambres nanti leu mun di kinei hagom.

SAMUEL GI NIGOM 12:20

Lene Samuel buhup “Dwai! Mbro nok gino jibon mun di kinei bibor dima lo, ma jiba jinghim bak tuhan au. Noro ma jiba jingon titut yam bikuk je biNoni kikau.

YESAYA 8:13

Ma ayok ngon kep bipia Da di tuhan Di Sindem Bibor dingon kwes-kwau. Ma attin tut Dangkom he.

NIPINGOK NINGONTI 16:6

Allah mikos ser ade sisar gino angon gom tut Noni. Noni micuon igyaisi leu binhyepo mun di kinei bibor cut igkep yok bi.

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

NITRITI 22:1

Mpe hi bu lene Allah bingon Abraham ningon gomti bihig noni “Abraham e?” Lene Abraham miap bipai “We? Da rini!”

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

NIPINGOK NINGONTI 1:7

Gino tungwatu nya ijoi sut ningon kiti di nijit lene ma ikuk yok bak tuhan bittin tut Noni bibie ug e. Lewo yo di ingkek ndok nya irok ningon kiti ba, ikou sut gino hi ngginau yok.

NEHEMIA 5:15

Nibou hanjop di igyai midyai nipou tirigi diyai midyai bram yo bigyo dima yahagom ikes mun di buhun ei limwa nya inghat dip bibrim mitiei perak ningot bitai bikwop njap-njap mem njita kin ba anggur ngei leu yok. Lene yo di igya kui nibou pima yok cem ico kep limwa nya. Noro dittin tut Allah bidikuk da bak. Gima rino diyai bram igyaisi dima bi.

YOSUA 24:14

Lene Yosua binut nihyet bu bipai biyok “Gima rino ma jikon tuhan ninyeng nogindini. Ma jibindei ba, jingon sren ba, jingon gom cem. Ma jicom nung di jikuk je bak nya po jidigup bat-jidigai bat nya ikuk yok bak ei minu Mesopotamia kin Mesir pima hagom. Leu binhyepo jikuk je bak tuhan Nongkom.

NINDAT KEP TUHAN NICUKTI NYA 10:12

“Je di mben Israel e, nogindini ma jingig jitingou mem mun di tuhan di nok jide Allah joi sut leu je. Ma jiba jibou coi mem Noni ba, jibit nicuk jeti nya ba, jingon ngakei Noni ba, jiba jingon titut biyai kep Nide midyai nya cem.

NINDAT KEP TUHAN NICUKTI NYA 6:2

Ma jeni kin jide nintun him yamti di bram yam nya jahagom jikon tuhan di nok jide Allah ninyeng kikau ug bipek jiyaijo ningwig honti. Ma jibit Nide nicukti di ditri tut bije tu leu binhyepo jide njap jei bibor ei minu dima.

NINDAT KEP TUHAN NICUKTI NYA 4:10

Tut njap po jiya ei tuhan di nok jide Allah Noho bei ei Nungug Sinai pima. Mpe dima ne Noni cuk da bipai ‘Ma anduk ade limwa nya yahagom kwei leu binhyepo ingig itingou mem dihyet. Leu binhyepo ipwoi dingon bibit dihyet hagom kikau ug bipek igyaijo ningwig honti. Lene ma inyohou pingok imunggwom bat nya ingonti leu binhyepo yoni cem ibit dihyet.’

NITRITI 22:12

Lene tuhan nihyet tibim ei malaikati dima nuhui him bipai “Ma akes anda leu apmot lene angget noni au. Nogindini dikan tut bipia akuk na biDa ba, apwoi dingona. Lewo angon tak kep apmot gom ngat dima leu Da bi.”

NITRITI 20:11

Lene Abraham buhup “Dikan bigya ade minu dini bon timiei hi di ttin tut Allah bi ba, mpaba tungwagom mitot da leu ditnem di ningon pri kep.

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NINDAT KEP TUHAN NICUKTI NYA 6:24

Lene tuhan di nok nyeni ide Allah cuk nye bipia ma ibit nicukti dini yok hagom ba, ikon Nonti ninyeng. Gino igyai hagom igbit lene Noni minyohou nye di mben Israel bibindei ba, ibong kei igwam kei.

YESAYA 41:13

Dani ne tuhan ba, dinok jide Allah ri. Disindem tut je ba, dipai dingkiem jeti gima rino ma jittin au lewo midimpu je.”

NINDAT KEP TUHAN NICUKTI NYA 8:16

Noni yai manna di nok njita bije ei iggum ndigsi. Hon kep mpe dima nimo jug ne jidigup bat-jidigai bat nya igyem njita nok gima hi bi sren. Noni ba mun di buhun bibor bibingon je leu binhyepo bikan tut jingon kanti nya. Gima hagom nok leu binhyepo Noni miyai gi kei bije ei nidipti bu.