NEHEI LEUSI 20:2 - ALLAH NIHYET MEM TUNGWATU NYA

² “Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

NEHEI LEUSI 20:2 ပူးပေါင်းရင်းမြစ်များ

NIBOU NDIG NYA GI NIGOM 18:39

Tirigi tungwatu pima yok yahagom ingat mindur dini bou igyai him lene ikuk yok ba, iba ingwak bikik dihyei lene ikon ighyet nok gom bipai “tuhan ne Allah nijit ri! tuhan Nongkom Allah nijit ri!”

NIBOU NDIG NYA GI NICAN 17:7

Minu ndig Samaria cut drek dip gi mben Israel ibon sisar tut ide tuhan Allah di teu yok bingwes ngun leu nibou ndig mem mben Mesir ninda nsi bibuwak yok ba, yehei leu minu dima. Mben Israel ikuk yok bak nung nya cem ba,

NIBOHON MBEN ISRAEL GI NICAN 28:5

Gima rino nide tuhan Allah sindui sut ba, nibou ndig mben Siria bindei timek Ahas drek dip nide sisar. Lene bikat timiei Yehuda nya imang bibor bikri yok ug ei Damsyik ba, inok awak ei ingkiaisi. tuhan sindui sut ba, Nibou Ndig Pekah di Remalya nipmot leu mben Israel cem bindei timek Ahas de limwa nya biyai nimai bak tentara timiei Yehuda nya di mimbri kui ingkek nya ibou sribu sratus gom ningot can mem njap gom ngat he. Idigup bat-idigai bat nya ide tuhan Allah sindui sut mun di buhun dima yok hagom bicut igkep yok lewo timiei Yehuda nya igibit tuhan Nihyet bu bi.

MAZMUR 50:7

Ditde limwa jen e, midimbrap ug ri. Ma jingig jitingou mem. Mben Israel e, midipai kep je. Dani ne Allah rin bidinok jide Allah.

MAZMUR 81:10

Ma ngkiai nya ide kwar hi jo ei jikieti ba, jikuk je bak au.

MAZMUR 81:11

Dani ne jide tuhan Allah di buwak je kwei leu minu Mesir ri. Gino jahara Da lene midiyai njita di jisuar bije bijiyem.

MAZMUR 81:7

“Dikon mun di buhun tak je leu jinghat bidikwek je leu bansi di bindei ba, jahanggwap mbilen.

NEHEI LEUSI 13:14

Gino jipmot bat nya ingon kiowi tut nibon midut dini bihig ser je tut ei nidipti bu lene jibuhup biyok bipia tuhan buwak nye bingwes ngun leu minu Mesir tug hon Nide nisindemti di nindig bibor lewo mben Mesir yuubon nye nok awak ei sirima nipou su.

NEHEI LEUSI 13:3

Lene Musa pai bak mben Israel “Ma jiyok ngon kep njap di ammani nok njap dino jimbut bijingwes ngun leu mben Mesir nya di yuubon je nok awak. Lewo njap di ammani ne tuhan buwak je leu minu dima tug hon Nide nisindemti di nindig bibor. Gima rino ma jiyem roti di dwoi mem njap dini au.

NEHEI LEUSI 15:13

Abie tut Ade limwa nya di ateu yok bingwes ngun pima bit leu nok apreu ei mem yok tu. Anyohou yok tug hon Ade nisindemti leu api abie tut yok ug ei minu di kwes kei di apreu ei mem yok tu.

NEHEI LEUSI 15:16

Yahagom ittin ba, ingon nde bibor lewo ingat Na di tuhan Ade nisindemti bou igyai him tu. Yahagom inghuisi jet ba, ittin bibor bibou Ade limwa nya di akwek yok leu awak pima imbut sin yokti binjiriek yok ug e.

NEHEI LEUSI 15:26

Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”

NEHEI LEUSI 20:1

Lene Allah tri tut nihyet bipai,

NEHEI LEUSI 29:46

Mijo nibreisi mem yok bipia Dani ne tuhan Allah ba, dibuwak yok kwei leu minu Mesir leu binhyepo dibong bit yok ri. Dani ne ide tuhan Allah ri.”

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

YESAYA 43:3

Lewo Dani ne tuhan ba, mben Israel ide Allah Di Kwes-Kwau ri. Diteu je bijingwes ngun. Ditri minu Mesir ba, dibipek je hanyen. Ditri minu Sudan kin Seba nya leu binhyepo jiya luei yohoti.

YEREMIA 16:14

tuhan pai “Ei nijam gi nidipti bu lene tungwatu yeheng bitug hon Da di Allah di diyaijo di dibuwak mben Israel kwei leu minu Mesir bu bi.

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YEREMIA 31:1

tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEHEZKIEL 20:19

Jide tuhan Allah riDani. Ma jibit Ditde niggai serti nya kin dicukti nya.

YEHEZKIEL 20:5

Atri tut dihyet di dipai biyok. Tirigi didimig mben Israel ei lene dipreu ei mem yok. Dindo Danti biyok ei minu Mesir bidibipai biyok bipia ‘Dani ne ide tuhan Allah ri.’

YEHEZKIEL 20:7

Dicuk yok ba, suar icom kwar di suwok bibor di ijoi sut kei di icem kep di ikuk yok bak dima. Diggai ser yok leu binhyepo ibindei ba, map kui yokti tug hon gi ikuk yok bak mben Mesir ide kwar nya bu au. Lewo Dani ne ide tuhan Allah ri.

HOSEA 12:10

Noro Da di jide tuhan Allah di dibuwak je di jehei leu minu Mesir midibindei ba, jibong ei prak meng yati nya hanyen nok gi nipou tirigi dihwou ngat je ei iggum ndigsi.

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

IMAM NYA IDE MIDYAI 11:45

Dani ne tuhan rin ba, dibuwak je kwei leu minu Mesir leu binhyepo jikuk je biDa. Suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 19:36

Noro ma jikrau kep meter kin kilo kin brek ngwak di igbit. Dani ne tuhan bidinok jide Allah rin ba, dibuwak je kwei leu minu Mesir.

IMAM NYA IDE MIDYAI 23:43

Leu binhyepo jide nintun him yamti di bram yam nya mikan kep bipia Da di tuhan dikuk mben Israel bibong ser ig jibei nya tirigi po dibie tut yok kwei leu minu Mesir. Dani ne tuhan bidinok jide Allah ri.

IMAM NYA IDE MIDYAI 25:38

Gima ne nicukti leu tuhan ba, Noni ne jide Allah di teu je bijingwes ngun leu minu Mesir ri. Noni yai minu Kanaan bije leu binhyepo Nonti nok jide Allah.

IMAM NYA IDE MIDYAI 25:42

Yo di intun mben Israel him ne tuhan de awak nya ri. Noni rino teu yok bingwes ngun leu minu Mesir. Gima rino harin dima jitri jenti biyam nok awak a.

IMAM NYA IDE MIDYAI 25:55

Harin dima juubon mben Israel hi nok awak bihigom a. Lewo mben Israel ne tuhan de awak nya ri. tuhan rino teu yoni bingwes ngun leu minu Mesir. Noni ne tuhan ba, ide Allah ri.

IMAM NYA IDE MIDYAI 26:1

Lene tuhan pai “Harin dima jibon kwar bou jinda him ba, jiwin kwar kin nidihim tig di jikilis mem gima jikuk je bak a. Dani ne tuhan ba, jide Allah ri.

IMAM NYA IDE MIDYAI 26:13

Dani ne tuhan ba, jide Allah di teu je bijingwes ngun leu minu Mesir leu binhyepo jinok awak bu bi ri. Dibindei dahat nisindemti di co kep je pima tu leu api dibindei ba, jiyati kwes.”

AMOS 2:10

Dibuwak je kwei leu minu Mesir leu api dibie tut je ei iggum ndigsi mem ari bingwam ningot bitai. Diyai mben Amori ide dihyei bije leu binhyepo jinyeng tak kep titut yam.

ROMA 10:12

Nipaisi dima dem mem tungwatu yahagom lewo mben Yahudi kin ngkiai nya ter leu yam bi. Allah gom ngat dima ne Tuhan mem yahagom rin binjei mun di kei ninyeng mang bibor bak yo di yahara Noni.

ROMA 3:29

He ma Allah ne Allah mem mben Yahudi yongkom he rin e? Noni ne Allah mem ngkiai nya cem rin bi e? I, Noni ne Allah mem ngkiai nya cem.

NINDAT KEP TUHAN NICUKTI NYA 13:10

Jiba tig bihwen noni bimai ug. Lewo noni ris na leu tuhan di nok ade Allah di teu na ba, angwes ngun leu gi awer awak ei minu Mesir.

NINDAT KEP TUHAN NICUKTI NYA 15:15

Ma jiyok ngon kep bipia nipou yo lene jeni cem jinok awak ei minu Mesir leu api jide tuhan Allah kwek je. Gima rino diyai nicukti dini bije.

NINDAT KEP TUHAN NICUKTI NYA 20:1

“Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.

NINDAT KEP TUHAN NICUKTI NYA 5:15

Ma jiyok ngon kep bipia nipou yo lene mben Mesir yuubon je nok awak. Leu api Da di dinok jide tuhan Allah diba nisindemti di nindig bibor bikwek jeni. Gima rino dicuk je bipia ma jibon midut nibiyok ngon kep Njap Nigwam Kep Ninghuisi a.

NINDAT KEP TUHAN NICUKTI NYA 5:6

tuhan tri tut ‘Dani ne jide tuhan Allah di teu je bijingwes ngun leu minu Mesir mpia po yuubon je nok awak eisi pima ri.

NINDAT KEP TUHAN NICUKTI NYA 7:8

Noro Noni ningon ngakei je ba, joi sut yai igbit mun di Noni preu ei mem jidigup bat-jidigai bat nya. Gima rino Noni teu je bijingwes ngun tug hon Nide nisindemti di nindig bibor lene kwek je leu nibou ndig mben Mesir di yuubon je nok nide awak nya.

NIJAM NIKEI NYA 2:1

Lene tuhan de malaikati gom jo leu Gilgal buug kikau ug ei Bokhim leu api pai bak mben Israel “Diteu je bijingwes ngun leu minu Mesir lene dibuwak je kwei ei minu po dipreu ei mem jidigup bat-jidigai bat nya pima tu. Mpe dima lene disimbot dat bipia midiluei dingonti tut mun di dipreu ei mem je bi sren.

NIJAM NIKEI NYA 6:10

Dani ne tuhan bidinok jide Allah rin bit leu nok dipai bije tu. Mpe dima lene disok kep je ser nhyema jikuk je bak mben Amori po ibong ser minu dini ide kwar nya au. Noro jibit disok kep jeti dima bi.”