NEHEI LEUSI 20:13 - ALLAH NIHYET MEM TUNGWATU NYA

¹³ Harin dima jihwen mun a.

NEHEI LEUSI 20:13 ပူးပေါင်းရင်းမြစ်များ

ROMA 13:9

Puig Yahudi niggai serti pai binye bipia ma jicut tut yam au jihwen mun au jinggimang ndiyok au jingon pri kep mun di jo bak hiter au bitut niggai serti nindigsi nya. Noro nirop ninda ndigsi ndo tut niggai serti gom ngat he “Ma jingon ngakei hiter noyam kin gi jingon ngakei jenti.”

NINDAT KEP TUHAN NICUKTI NYA 5:17

Harin leu dima jibisinggre bijiyai nimai bak hiter a.

NEHEI LEUSI 21:14

Noro gino tungwagom mbuk tut hiter lene bisinggre bihwen noni leu api nang ug ei Ditde nimbar hum dok nikiou leu binhyepo ningwes ngun ei sirima lo, ma je di nindigsi jibrim noni leu nimbar hum ndok nikiou ba, jikes hukum nimai ei noni dip.

YAKOBUS 2:11

Lewo no di pai ser nye “Ma jicut tut yam au” pai ser bu “Ma jihwen mun au.” Mbro nok gino jicut tut yam bi lo, jihwen mun ne jipigau Allah niggai serti tu.

MATIUS 19:18

No dima hig ser Yesus “Apai sut nicukti di notou i?” Yesus buhup “Ahwen mun au acut tut hi nitnem au anggimang mun au ambres kep hiter au.

IMAM NYA IDE MIDYAI 24:21

Tungwa tou rino bisinggre bibui mindhe lene suar tug mindhe hanyen bak niceu. Noro tungwa tou rino kimukep hiter lene suar jikes hukum nimai ei noni dip hak ug.

NEHEI LEUSI 21:20

Gino tungwagom bui nide awak pinai hi awak sop hi bibindei awak dima mai hak ei niyati lene je di nindigsi jikes hukum ei no dima dip.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

TIMOTIUS GI NIGOM 1:9

Jo nibreisi bipia nibou ndig nya ipas kep niggai serti nya drek dip yo di ingon kwes nya bi. Noro drek dip yo di ipigau hanjop kin yo di isibut bibor kin yo di ingkek ndok kin nibon kep sisar cig kin yo di Allah ninghim kin yo di isingat bi kin yo diihwen icig bat-ipmem bat nya kin nihwen kep mun cig,

YESAYA 26:21

tuhan mijuk kwei leu Nide gumihyep di gwam niti ei gwamti bikes hukum ei timiei dihyeisi nya dip drek dip ide sisar. Noni mimbot kep ide niyai nimai bak tungwatu niku di jo nding leu tungwatu igyai him apino mijo ei nibreisi. Dihyei miyon kep tungwatu di igyai nimai biyok tu nya bu bi.

GALATIA 5:21

ingon kinei sut yam drek dip mun di imbun nya cem pes pu yok cem ibon pesta tut ide kwar di ikuk yok bak nya cem hagom. Disok kep je hanyen bu noyam kin gi disok kep je nipou su bipia tungwa tou rino bon mun di kinei dini yok micoi bit Allah Ninyeng Tak Kepti bi sren.

NIPINGOK NINGONTI 1:18

Noro nibon kep sisar cig pima yok indin jala di mikat yonti bibindei ba, itug midut.

NIPINGOK NINGONTI 1:11

Gino yuhum ansi bipai “Akwei ba, ibisinggre mem gima itindei ser tungwa hi bihwen no di bon mun tunggwei hi bigyo!

KISAH 28:4

Tirigi timiei mios dima yok ingat wou di ndun Paulus ninda him lene ipai biyam “No dima ne nihwen mun cig ri. Mbro nok gino ningwes ngun leu muk mpoti lo, Birop Hanyen Cig hatap noni lene sindui sut niyaisi jo bu bi.”

YEREMIA 26:15

Noro ma jiyok ngon kep bipia gino jiyai nimai bida lene jeni kin timiei minu ndig dini jingon mui drek dip gi jiyai nimai bak no di ningon ngun. Lewo tuhan ricuk da kwei leu binhyepo ditri tut nihyet bije.”

NIBOU NDIG NYA GI NICAN 21:16

Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

NEHEI LEUSI 21:29

Ne gino ningat ne sapi nikre dima ba nibou nggai bidat mun bit leu nok niyai kepti ba, jisok kep niceu tut nipou su noro noni u sapi dima bi leu api sapi dima ba nibou nggai bidat tungwagom biyai nimai bak lene jiba tig bihwen sapi dima bimai ba, jikes hukum nimai ei niceu dip cem.

MARKUS 10:19

Akan tut Allah nicuk nyeti nya di pai binye ‘Ahwen mun au acut tut hi nitnem au anggimang mun au ambres kep hiter au aris bak hiter cem au. Noro ma akuk na ba, anyohou acig apmem nya.’ ”

LUKAS 18:20

Akan tut Allah nicuk nyeti nya di pai binye ‘Ma acut tut hi nitnem au ahwen mun au anggimang mun au ambres kep hiter au. Noro ma akuk na ba, anyohou acig apmem nya.’ ”

NEHEI LEUSI 21:12

“Tungwa tou rino bui yo di hiter bimai lene je di nindigsi jikes hukum nimai ei noni dip.

NEHEI LEUSI 23:7

Ma jimbres jenti leu yo di ipai kep tungwatu nya ugwai-gwai. Lene jibindei hukum nimai cut igkep no di ningon ngun au. Lewo dikou sut yo di ibon mun di kinei bibor di nok gima.

IMAM NYA IDE MIDYAI 24:17

Tungwa tou rino kimukep hiter lene suar jikes hukum nimai ei noni dip hak ug.

KISAH 16:28

Noro Paulus ba nihyet nindig bimbrua ser noni bipai “Adat nanti au! Nahagom rini yo!”