NEHEI LEUSI 2:14 - ALLAH NIHYET MEM TUNGWATU NYA

¹⁴ Lene no dima buhup “Tou rindo nani nok nibou kin nikei dino abakei nyeti i? Mpaba ma ayai nimai bida nok gi po ayai nimai bak timiei minu Mesir gom pima e?” Apino Musa ningon digit tut bikan “Aye! Tungwatu nya ikan tut mun di siyai annani pima tu.”

NEHEI LEUSI 2:14 ပူးပေါင်းရင်းမြစ်များ

NITRITI 13:8

Lene Abram pai bak Lot “Sani ne adig-ajoi rin ba, dem mem ade awak nya kin ditde awak nya igbroi yam bi.

NITRITI 19:9

Noro mben Sodom dima imbrua ser nihyet bipai “Aya bileu! Nani ne ngkiai ba, anyeng tak kep nye bi. Aya bileu! Leu mbigom minimbuk tut na nindig bibor dor njiriek pinai cin dima.” Lene irok Lot ei itta bibisau ndam dimbou binggek.

NITRITI 34:27

Niabiati yo cin dima ibui yok nok ibui mindhe leu lene Yakub nipmot bat nindigsi nya ikwei kon pran bit minu ndig dima bipos mun di hagom bingwig drek dip ikwohop di yai mun di binim kep noni tu.

NIPINGOK NINGONTI 19:12

Nibou ndig di gga bibor ba nihyet di noyam kin mindhe singa niyausi bibuhup. Noro nisingat tut tungwatu nyati noyam kin ham mbon di llet kwei mem mpia ngeisi.

NIPINGOK NINGONTI 29:25

Ma akrau angon tut mpe dino hi kkin kep anghapti niku au. Leu gima nahanok mibuhun tak na. Gino aba angon com tuhan lene angwes ngun leu.

MBEN ISRAEL IMBUT-MBUT NYEN 16:13

Apo gi abuwak nye leu minu Mesir di bon ninnumti di kei bibor ba, abindei binimai ei iggum ndigsi dini dem bigyo e? Akan bipia dem mem gima acuk-cuk nyen nyeni tereu nok mindor e?

MBEN ISRAEL IMBUT-MBUT NYEN 16:3

Lene yahagom yuug ngat Musa kin Harun bipai biyok “Musa e, cobi! Ayai hon tiri! tuhan ninyeng tak kep limwa mben Israel yahagom pijum ba, Noni ningat rin ei nyeni yahagom ikieti. Noro nggon rino ayai anyeng jei dor njiriek tuhan de limwa nindigsi nya i?”

MATIUS 21:23

Tirigi Yesus kwei krau Tuhan De Ig hanyen ba, tri tut nihyet lene imam nindig nya kin nibou mben Yahudi nya ikwei hig ser Noni “Mindur di abon pima tug hon tou ninyeng i? Tou risindem tut Na i?”

LUKAS 12:14

Yesus buhup “Disut na e, tou rindo Da nok nikei kin no di dem mem gima dikwas mun di jiba jekep pima tut je i?”

LUKAS 19:14

Noro timiei di leu nitimieisi ingon mpo tut noni. Gima rino isok ighyet ei ibou poi di ibram noni dip bram bipai ‘Nikou sut gima no dini ninyeng tak kep nye a.’

LUKAS 19:27

Nogindini ma jikat ditde siceu nya di ikou sut gima dinyeng tak kep yok kwei leu api jikimukep yahagom bou diyai him hak ug!’ ”

KISAH 7:35

Musa dini ripo mben Israel irok ei itta tirigi isrep tut noni ‘Tou rino ndo nani nok nibou kin nikei mem nye dino abakei nyeti i?’ Noro noni ne no di Allah pinak kwei nok nibou kin no di teu yok bingwes ngun tug hon malaikati di ttau kep noni ei hum njeng di piga biei mon nok hum sror pima nide nisindemti ri.

IBRANI 11:27

Nide niba ningon comti bindei ba, Musa kes minu Mesir bimbut leu. Noni digit tut nibou ndig di ningon sibui sut noni bi. Gima tereu nok noni ngat Allah di bit bon tungwatu nya ingat bou igyai him kan bi. Gini bindei ba, noni kou sut gima ngkwei hanyen.