NEHEI LEUSI 19:9 - ALLAH NIHYET MEM TUNGWATU NYA

⁹ Lene tuhan pai bak Musa “Mbigom midihwou mbrap bit na nding ei bumbuhui di ndok biborti leu binhyepo tirigi dimbrap bit na lene dihyet mitibim ei ade limwa nya yahagom itingou nsi apino hon kep ammani kui lene yoni miba ingon com na.

NEHEI LEUSI 19:9 ပူးပေါင်းရင်းမြစ်များ

NIBOU NDIG NYA GI NIGOM 8:12

Gima rino Salomo ngat nadi bipai, “tuhan e, mbro nok gino akon mpia njap anai ei mpia-bbed him lo, aku na nyahan ba, aba bumbuhui di dindi-kai binggai kep Nanti.

NIBOHON MBEN ISRAEL GI NICAN 20:20

Njapti kui lene limwa timiei Yehuda nya injei mem njap tekti ba, yuug ei iggum ndigsi dideu Tekoa pima. Tirigi ikiju bimbut rin lene Yosafat sok kep yok “Timiei Yehuda kin Yerusalem jen! Ma jiba jingon com jide tuhan Allah leu api mijiya ngkiem mem gima jikon pran bit yok! Ma jice tut bijibit nabi jide nya ipingok jeti leu api mijibindei cut jide siceu nya!”

NIBOHON MBEN ISRAEL GI NICAN 6:1

Lene Nibou Ndig Salomo ngat nadi bipai, “tuhan e, Nani agwam coi bumbuhui nggop di dindi-kai bit leu ajoi sutti.

MAZMUR 97:2

Bumbuhui kin nidinditi no jo ttai Noni. Ningon sren-srausi kin nisingat tut yamti yahati tut Nide ninyeng tak kep limwa nyati.

MAZMUR 99:7

tuhan gwam ei cou bumbuhuiti bimbrap bit yok leu api ice tut bibit Nide nikos tutti kin nicukti nya hagom.

NEHEI LEUSI 14:31

Tirigi mben Israel ingat tuhan de nisindemti di nindig bibor di bindei ba, mben Mesir yahagom imai bingwig bou igyai him lene inga leu tut nindig bibor bittin tut Noni. Apino iba ingon com Noni kin Nide awak di Musa cem.

NEHEI LEUSI 19:16

Ug ei njap gi niningai mem mpia tekti lene kru nindig bibor nisu bong ba, kigyei ninjeng srei lene bumbuhui di ndok bibor gom tau kros ei nungug dip dima lene tungwatu nya yahagom imiap pun mbrei nibimbi nindig bibor ei itingou nsi. Gima rino yahagom inghuisi mpig sut nindig bibor tirigi igya ei ide prak meng yati nikieti.

NEHEI LEUSI 20:21

Noro yahagom yoom yonti ei minu ting kikau leu api Musa nongkom ya simiak bumbuhui di ndok bibor ei mpia di Allah ndo Nonti bak eisi.

NEHEI LEUSI 34:5

Lene bumbuhui ttou gom nggai kep tuhan leu api Noni juk kwei biya simiak Musa ei mpia dima bindat kep ninyeng di kwes-kwau ba, ninyeng dima rino tuhan.

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

NEHEI LEUSI 4:5

Lene tuhan cuk noni bu bipai “Ma ando mindur dima bak mben Israel nok mun di bindo bipia tuhan di nok idigup-idigai bat Abraham kin Ishak kin Yakub yoni ide Allah ndo Nonti bina tu.”

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YESAYA 7:9

Mben Israel ide nisindemti nindig dor njiriek minu ndig Samaria bi ba, minu ndig Samaria de nisindemti nindig dor njiriek Nibou Ndig Pekah bi. Gino aba angon titut bicom Da bi lene acut bak ade siceu nya.”

MBEN ISRAEL IMBUT-MBUT NYEN 12:5

Leu api tuhan ba bumbuhui ttou binggai kep Nonti lene juk kwei biya kui dimbou hui ei Prak Meng bihig yok “Harun kin Miryam e!” Leu api yahacem ison kwei bigya ei tuhan Noho bei.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MARKUS 9:7

Leu api bumbuhui ttou gom juk kwei binggai kep yok ba, nihyet gom tibim kwei leu bumbuhui ttou bipai “No dini ne Dipmot di dingon ngakei rin ba, ma jimiap kep Noni nihyet.”

LUKAS 10:16

Lene Yesus pai bak yo di ibit Noni “Bikwop no di ngig nitingou mem jihyet lene gima dem kep nok ngig nitingou mem Dani dihyet. No di kou sut je lene gima dem kep nok noni kou sut Dani cem. No di kou sut Dani ne gima dem kep nok noni kou sut No di cuk Da kwei cem.”

NINDAT KEP TUHAN NICUKTI NYA 4:10

Tut njap po jiya ei tuhan di nok jide Allah Noho bei ei Nungug Sinai pima. Mpe dima ne Noni cuk da bipai ‘Ma anduk ade limwa nya yahagom kwei leu binhyepo ingig itingou mem dihyet. Leu binhyepo ipwoi dingon bibit dihyet hagom kikau ug bipek igyaijo ningwig honti. Lene ma inyohou pingok imunggwom bat nya ingonti leu binhyepo yoni cem ibit dihyet.’

NINDAT KEP TUHAN NICUKTI NYA 4:36

Noni sindui sut je bijimiap nihyet di tibim kwei leu mpia-bbed him leu binhyepo bingginau je. Noni sindui sut je bijingat Nide hum njeng di mindur ei dihyeisi dini leu api Noni tri tut nihyet bije leu hum dima.

NINGAT-HI-NGAT NYA 1:7

Jingat i! Noni mikwei ei bumbuhuiti kwei ri! Tungwatu nya yahagom bitut yo di idat Noni cem ingat Noni ei igyai him. Ba, tungwatu dihyeisi dini hagom iba nicot bipai sut nikweisi. Gini ne mun di mungkun ri! Igbit ri!