NEHEI LEUSI 19:6 - ALLAH NIHYET MEM TUNGWATU NYA

⁶ Midipigig sut je mem Danti leu api jahagom mijiyai kep midyai noyam kin midyai di imam nya igyai kep.”

NEHEI LEUSI 19:6 ပူးပေါင်းရင်းမြစ်များ

NINGAT-HI-NGAT NYA 5:10

Abindei yo dini binok imam nimpung nindig bibor di igyai kep Allah de midyai nya ba, inyeng tak kep tungwatu dihyeisi dini hagom.”

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

NINGAT-HI-NGAT NYA 1:6

bibindei ba, inok imam nya di inggre kin ninyeng tak kepti gom bit Noni bigyai midyai mem Nide Allah kin Nicig cem. Yesus Kristus Nongkom kei-kau-kei ba, sindem bibor cem kikau buug hon nohonti bi! Igbit ri.

NINDAT KEP TUHAN NICUKTI NYA 7:6

Ma jiyai gini hagom igbit lewo tuhan di nok jide Allah ninyeng tak kep je. Noni dimig je leu mben dihyeisi dini hagom leu binhyepo jinok Nide mben di ningon kieti.

NINDAT KEP TUHAN NICUKTI NYA 28:9

Gino jibit jide tuhan Allah nihyet bijiyai igbit nicuk jeti nya hagom lene Noni mibindei ba, jinok Nongkom Nide limwa nya bit leu nok gi po preu ei mem je pima tu.

YESAYA 62:12

Tungwatu nya mijem inyeng ‘Limwa Di Ingon Kwes’ kin ‘Limwa Di tuhan Teu Yok Di Ingwes Ngun’ cem. Yoni mijem minu ndig Yerusalem ninyeng ‘Minu Ndig Di tuhan Ngondut kin Minu Ndig Di tuhan Kes Ei Bi’.

NINDAT KEP TUHAN NICUKTI NYA 26:19

Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem. Mijinok Nide limwa di ningat-ngat nya bit leu nok Noni preu ei mem je tu.”

IMAM NYA IDE MIDYAI 19:2

mben Israel “Suar jingon kwes-kwau lewo Dani ne tuhan bidinok jide Allah rin ba, dingon kwes-kwau.

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

NINGAT-HI-NGAT NYA 20:6

Yo di ikiju hanyen bit nimpung gi nigom dima ingon nggei-hi-nggei ba, ingon llei bibor cem. Nimai gi nican om kep yok bi. Inok imam mem Allah kin Kristus ba, inok nibou ndig di igwam kui Noni mem ari bingwam sribu gom.

KORINTUS GI NIGOM 3:17

Gino tungwagom bindei Allah de ig kinei ne Allah mikes hukum ei no dima dip. Lewo Allah De Ig kwes-kwau ba, jeni ne ig dima ri.

YESAYA 61:6

Tungwatu nya mindat kep jinyeng bipia jeni ne Allah de awak nya bijem jinyeng bipia imam mem ide tuhan ri. Mijiba jekep ngkiai nya ide mun di inyeng tut nya ba, jingon nggei sut ide ndigban di jiyai leu yok.

IMAM NYA IDE MIDYAI 20:26

Didimig jeni leu mben hiter nya ikieti leu binhyepo dijem je bou Da nok Ditde. Suar jingon kwes lewo Dani ne tuhan rin ba, dikwes-kwau.

NINDAT KEP TUHAN NICUKTI NYA 14:21

Tut mindhe di nonti mai lene ma jiyem ninghui au. Noro ma jisindui sut ba, ngkiai nya di ibong timiei ei jikieti igyem mindhe dima ninghui a. Jitri nok mikwau bak ngkiai nya di ikwei cem kep je. Noro jeni ne limwa di jide tuhan Allah dimig pijum ei mem Nonti ri. Gino jikwen domba pmot ninghui e, he kambir pmot ninghui e, lene ma jiba nipmem nido ngei bikwen ei yeng gomti au.”

IMAM NYA IDE MIDYAI 21:23

Noro ningut nimbumbati gom di kinei dima bindei ba, harin dima noni dideu sinsun mbrawin di bikkin Ninsi Di Kwes kin nimbar hum dok cem a. Harin dima noni bindei ba, map kui mun di dinyeng tak kep pijum a. Lewo Dani ne tuhan rin ba, dinyeng tak kep nimbumbati ei ninsi dima yok pijum.”

IMAM NYA IDE MIDYAI 20:24

Dipreu kep jeni tut minu di bon ninnumti di kei bibor dima tu. Ba, diyai dihyei dima bije ba, jima bou je nok jide. Dani ne tuhan ba, jide Allah rin ba, didimig jeni bijo ter leu ngkiai nya ikieti.

TESALONIKA GI NIGOM 5:27

Ditigtai je tug hon Tuhan di sindem bibor ninyeng bipia ma jikwop kep srat bokti dini bak yo di iba ingon com Noni yahagom.

NEHEI LEUSI 15:26

Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”

NEHEI LEUSI 22:31

Jahagom jinok Ditde limwa nya. Gima rino gino mindhe di niten-pos ttem mun di yem ningut gom bimai lene jiyem mikwau dima au. Noro ma jiyai bak nsien nya.”

NIBOU NDIG NYA GI NIGOM 3:8

Disrig yo di adimig yok ei ba, inok Ade limwa nya. Lene bit bon tungwatu nya ikwop imangti kan bi.

NIBOU NDIG NYA GI NIGOM 8:53

Adimig yok ei leu tungwatu dihyeisi dini hagom leu binhyepo inok Ade limwa nya bit leu nok apai biyokti tug hon Ade awak di Musa tirigi po abuwak nyeni nidigup bat-nidigai bat nya leu minu Mesir pima.”

NIBOHON MBEN ISRAEL GI NIGOM 17:22

Akon mben Israel binok Nanti Ade limwa nya bijo ninno bijo kikau. Lene abindei ba, Na Di tuhan anok ide Allah.

YESAYA 43:4

Dingat dingwes ei jeti. Jibon jinyeng ei diyai him ba, dingon ngakei je cem. Gima rino ditri timiei ngkiai nya leu binhyepo dibiluei je bu ba, diba keret dihyeisi dini biluei jiyaisi.

YESAYA 66:21

Midita yo dima ibou poi di igyai midyai nok imam kin ibou poi bu di igyai midyai noyam kin yo di intun Lewi him.

YEREMIA 2:3

Je di mben Israel e, dinyeng tut je mem Dangkom. Jinok dingon him ngat bidingon mbris tut je cem. Dikes hukum ei yo di ihwen bit je nya yahagom dip. Da di tuhan disimbot dat tu.”

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

YEREMIA 13:11

Dipi bibou limwa mben Israel kin Yehuda iba yonti bikri Da bingkiem noyam kin minghas cun di niceu nonti bikri nintig bou a. Tug hon nisinati dima lene inok Ditde limwa di ibindei ba, tungwatu ikon dinyeng ba, ibou cut biDa cem. Noro ikou sut gima ibit dihyet.”

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

NEHEI LEUSI 28:36

Lene aba mas bibon penen gom leu api akilis kata tuhan Dimig Imam Dini Ei Mem Nonti eisi.

MBEN ISRAEL IMBUT-MBUT NYEN 16:3

Lene yahagom yuug ngat Musa kin Harun bipai biyok “Musa e, cobi! Ayai hon tiri! tuhan ninyeng tak kep limwa mben Israel yahagom pijum ba, Noni ningat rin ei nyeni yahagom ikieti. Noro nggon rino ayai anyeng jei dor njiriek tuhan de limwa nindigsi nya i?”

MAZMUR 114:2

lene tuhan yai hanjop Yehuda nok Nide mpia di kwes lene yai Israel nok Nide dihyei hanjop nsi di ninyeng tak kep.

HAGAI 2:5

Tirigi jehei leu minu Mesir lene dipreu ei mem je bipia dinyohou je kikau. Dingat rin bit je kikau kwei bipek ammani kep. Gima rino ma jinda jo kep midyai dima kikau!