NEHEI LEUSI 19:20 - ALLAH NIHYET MEM TUNGWATU NYA

²⁰ tuhan juk kwei ei Nungug Sinai dip bihig Musa kwei ngat Noni ei mbigdip. Gima rino Musa kui ug ei mbigdip dima.

NEHEI LEUSI 19:20 ပူးပေါင်းရင်းမြစ်များ

NEHEMIA 9:13

Asrek kwei leu mpia-bbed him ei Nungug Sinai leu api ambrap bit Ade limwa nya ba, ayai Ade nicukti kin Ade nikos tutti kin Ade nipingok yokti di nijit-jau nya bak yoni ei sirima.

MAZMUR 81:7

“Dikon mun di buhun tak je leu jinghat bidikwek je leu bansi di bindei ba, jahanggwap mbilen.

NEHEI LEUSI 34:4

Lene Musa bon tig mma can bu. Njap di hyep lene noni pwoi tig dima bikui ug ei Nungug Sinai mem ha yausi bit leu nok tuhan nicuk noti.

NEHEI LEUSI 34:2

Atin ei ba, njap tekti di hyep ne akui Nungug Sinai kwei ba, aya ei Doho bei ei nimbigdip.

NEHEI LEUSI 24:18

Lene Musa kui kikau ug ei mbigdip bicoi ug ei bumbuhuiti bibong ei sirima mem mmun-njap ningot bitai.

NEHEI LEUSI 19:11

leu binhyepo hon kep can lene yahagom itin ei su. Njap dima lene midijuk hwou ei Nungug Sinai dip leu api tungwatu nya yahagom mingat Da bou igyai him ei sirima.

NEHEI LEUSI 19:3

Lo bi lene Musa kui nungug dima buug um Allah. Lewo mpe dima lene tuhan pai kwei binoni leu nungug dip bisok nihyet ei noni dip bak mben Israel di intun Yakub him,

NINDAT KEP TUHAN NICUKTI NYA 9:9

Mpe dima ne dikui ug ei mbigdip dima leu binhyepo duug yai tig mma can po Noni pas kep mun di Noni preu ei mem jeni eisi pima. Lene dibong ei mbigdip mem mmun-njap nyatungwacan lo, diyem njita ba, didut minyei bi.

NINDAT KEP TUHAN NICUKTI NYA 33:2

“tuhan tau kwei leu Nungug Sinai. Noni kiju leu minu Edom nok mpia di pri bipiga digai Nide limwa nya nok mpia di com kwei leu Paran cem. Nide malaikati nya ibou sribu simnai igya tut Noni lene hum di cig-cai ya kui ninda com.

NIBOU NDIG NYA GI NIGOM 19:11

Lene tuhan buhup “Ma ahei ug ei nisai ba, aya ei Doho bei ei mbigdip dini.” Lene tuhan mbut njiriek mpia dima leu api pinak hou di nimig ten bibor di bindei ba, nungug nya sra hacan ba, bor ngug nya ki binnir-wap bibie. Noro tuhan ndo Nonti tug hon hou dima bi. Tirigi hou kes hon bintus hak lene dihyei ugwa-kwei noro tuhan ndo Nonti tug hon dihyei di ugwa-kwei dima cem bi.

NEHEI LEUSI 24:15

Lene Musa kui kikau ug ei Nungug Sinai leu api bumbuhui ttou gom nggai kep mbigdip dima.