NEHEI LEUSI 19:18 - ALLAH NIHYET MEM TUNGWATU NYA

¹⁸ Hum mmup di ndok bibor nggai kep Nungug Sinai titut yam lewo tuhan juk kwei ei dip dem kep nok huma. Hum mmup dima brou kikau dem kep nok hum mmup ei tong nsi apino nungug dima mun brim nindig bibor.

NEHEI LEUSI 19:18 ပူးပေါင်းရင်းမြစ်များ

NIJAM NIKEI NYA 5:5

Nungug nya ugwa-kwei ei No di ninyeng tak kep Nungug Sinai Noho bei ba, ei tuhan di nok mben Israel ide Allah Noho bei cem.

MAZMUR 144:5

tuhan e, akau Ade mpia-bbed him ba, ajuk kwei ba, angget nungug nya leu binhyepo nimmup brou bikui.

NINGAT-HI-NGAT NYA 15:8

ninyeng jei bibor kin Nide nisindemti bindei ba, Nide Ig mpung tut hum mmup di ndok bibor. Bit bon tungwa hi coi ug ei Ig dima kan bi bibou nsuwer ajar ningat muhwindacan di malaikati ibou muhwindacan ikwei sut dima kes hon ug ei.

NEHEI LEUSI 3:2

Ei sirima lene tuhan de malaikati ndo nonti bak Musa tug hon hum njeng di sror ei warti. Musa tou kep hum di ninjeng sror lene nggap leu tut lewo hum yem war dima bi.

YEREMIA 4:24

Diyai bong kep nungug tou kin mbigdip di anai nya bidingat lo, hagom ugwa-kwei nindig bibor.

NITRITI 19:28

Lene noni cap ser mbang briep mo jug ndam Sodom kin Gomora bingat lo, hum mmup brou noyam kin hum di yem baham kikau bikui ug ei mpia-bbed him.

MAZMUR 104:32

Noni tou kep dihyeisi dini nggilun bibindei ba, ugwa-kwei. Noni ngget nungug him bibindei ba, hum mmup brou leu nimbigdip nya.

NINDAT KEP TUHAN NICUKTI NYA 33:2

“tuhan tau kwei leu Nungug Sinai. Noni kiju leu minu Edom nok mpia di pri bipiga digai Nide limwa nya nok mpia di com kwei leu Paran cem. Nide malaikati nya ibou sribu simnai igya tut Noni lene hum di cig-cai ya kui ninda com.

NINDAT KEP TUHAN NICUKTI NYA 5:22

Gini ne tuhan nicukti nya di diyai bije ei mpe di po jidem yam ei nungug pima ri. Tirigi po Noni ba nihyet di dem kep kru di cut leu hum njengti kin bumbuhui di ndok pima bitri tut nicukti dima bak jeni he lene bak hiter bi. Leu api Noni pas kep nicukti nya dima ei tig pas canti biyai sut bak dani.”

NEHEI LEUSI 24:17

Mben Israel ingat nipigati dima nok hum di yem mbigdip.

IBRANI 12:26

Nipou ne nihyet di tibim bindei dihyeisi dini ugwa-kwei. Noro tini bu ne Noni preu ei mem nye “Mbigom kin bu ne dibindei dihyeisi dini he ugwa-kwei bi noro bitut mpia-bbed him cem.”

YESAYA 6:4

Ighyet di tibim dima bindei ba, tuhan De Ig nikiou hagom ugwa-kwei leu api ninsi mpung tut hum mmup di ndok bibor.

NITRITI 15:17

Tirigi tuhan pai nok lene mpia jinjui su ba, mun di nok tong nsi tut hum mmup di ndok bibor kin hyem njeng cem tau kros kwei bidwim njiriek mikwau nipuig can pima nikieti.

PETRUS GI NICAN 3:10

Noro Tuhan De Njap di nikwei hanyenti dima mittau kep nye kros dem kep nok ninggimang kep mun cig nitausi tirigi tungwatu nya itin ei mem bi. Njap dima ne nibimbi di nok hum di sror mitibim mpe dino mpia-bbed him sar hak bingwig ba, hum miyem ham kin mun nindigsi nya bidem mpia-bbed him hagom bitimek bingwig ba, dihyeisi dini bitut mun di joti nya cem hagom mipror hak.

IBRANI 12:18

Jikwei ya hon mun di noyam kin mben Israel igya hon nipou pima bi. Yoni igya hon mun di bon isu inda bingget. Mun dima ne Nungug Sinai kin hum di cig-cai kin nidinditi di dindi-kai kin hou di nimig ten bibor,

TESALONIKA GI NICAN 1:8

Ba, Noni mittau kwei sut hum njeng di cig-cai leu binhyepo bikes hukum ei yo di irok Allah kin yo di ingkek ndok tut Nihyet Di Kei tut ide Tuhan Yesus dip.

MATIUS 24:7

Timiei minu hi mikon mbrap bit timiei minu hiter ba, nibou di isindem bibor nya miyeheu imbuk mem yam cem. Ninggum mihwen tungwatu nya lene mun brim cem.

ZAKHARIA 14:5

Mijidor kak briep di bikwas nungug can dima noyam kin jidigup bat-jidigai bat di nipou nya inang ei mpe di ngkit cut ei nijam di nibou ndig Uzia di ninyeng tak kep timiei Yehuda nya yo. Lene ditde tuhan Allah mikwei sut Nide malaikati yahagom di injei bit Noni.

MAZMUR 114:7

Dihyeisi dini e, adigit ei tuhan Noho bei, ei Yakub de Allah Noho bei,

MAZMUR 77:18

Bumbuhui bindei ba, biget mbras lene kru cut ba, nugwei bong. Kigyei cut bitot igyaisi bidem mpia ttou nsi hagom.

NEHEI LEUSI 20:18

Tirigi yo dima imiap kru di nisu bong kin pun mbrei di nimbi bong kin kigyei di ninjeng srei kin hum mmup di brou kui leu nungug dima lene yahagom ittin tut nindig bibor binghuisi mpig sut. Lene yoom yonti bigya minu ting.

NEHEI LEUSI 19:13

Ma jingget noni au lo, jiba tig bihwen bimai ba, jiprindei bimai hak ug. Mun di disok kep je tut dini mem tungwatu nya kin mindhe-ndhe nya cem. Suar jiyai nimai biyok. Noro tirigi jimiap pun mbrei nimbi bong lene tungwatu nya yahagom ikui nungug kwei.”

TESALONIKA GI NICAN 1:7

bindei jeni kin nyeni di igyai inghuisi di wei ingon nggan-triot hanyen. Mun dini mipek kep mem nye mpe dino Tuhan Yesus kin Nide malaikati di isindem bibor nya mittau hanyen kwei leu gwamti.

NINGAT-HI-NGAT NYA 9:2

Ham dima kau dimbou leu jui dima leu api hum mmup brou dem kep hum mmup di brou kui leu komfor nindig bibor apino bindei ba, mpia njap kin mpia-bbed him dindi-kai.

NITRITI 11:5

Lene tuhan juk kwei leu gwamti bingat tungwatu nya ide minu ndig di nijep bitut ig di ibon ninggre di jo-jo yam dip anai di timiei dihyeisi dini ingot bou inda him.

NEHEI LEUSI 19:17

Lene Musa buwak yahagom kwei leu ide prak meng yati ndam Allah leu api yuug ya nyahan ei Nungug Sinai nikiou.

NEHEI LEUSI 34:2

Atin ei ba, njap tekti di hyep ne akui Nungug Sinai kwei ba, aya ei Doho bei ei nimbigdip.

NINDAT KEP TUHAN NICUKTI NYA 5:4

tuhan joi sut mbrap bit je pijum leu hum njengti ei nungug dip pima.

YESAYA 64:1

tuhan e, ma abindei ba, mpia-bbed him rik hacan leu binhyepo akinyon kwei ei dihyeisi dini. Abindei ba, nungug nya ugwa-kwei ei Aho bei,

NINDAT KEP TUHAN NICUKTI NYA 4:36

Noni sindui sut je bijimiap nihyet di tibim kwei leu mpia-bbed him leu binhyepo bingginau je. Noni sindui sut je bijingat Nide hum njeng di mindur ei dihyeisi dini leu api Noni tri tut nihyet bije leu hum dima.

NEHEMIA 9:13

Asrek kwei leu mpia-bbed him ei Nungug Sinai leu api ambrap bit Ade limwa nya ba, ayai Ade nicukti kin Ade nikos tutti kin Ade nipingok yokti di nijit-jau nya bak yoni ei sirima.

MAZMUR 18:9

Hum mmup hei kwei leu nuhwap nsi lene hum njeng kin hum mbom hei kwei leu ninsi a.

MAZMUR 68:9

dihyei ugwa-kwei ba, biget mbras ei Aho bei tug hon Na di Allah Sinai kin Israel de Allah nikweisi.

MAZMUR 77:19

Kru cut ba, nugwei bong. Kigyei ninjeng srei ba, dihyeisi dini ugwa-kwei bidigit tut cem.

MAZMUR 114:4

Nungug nya ipri-pri nyen noyam kin kambir nya lene mbigdip nya igwam ibiau dip nyen nok domba mien nya.

HABAKUK 3:6

Gino akes hon ba, aya hak lene dihyeisi dini ugwa-kwei. Gino aba ayai nghuisi jik kep mben dihyeisi dini ne inghuisi mpig sut. Nungug him di jo habiei nimbie him ki bingwig ba, nungug tou di jo ninno tu di aya-ya nyen eisi ei nimbie him kimbas ba, sur yam kei.