NEHEI LEUSI 19:11 - ALLAH NIHYET MEM TUNGWATU NYA

¹¹ leu binhyepo hon kep can lene yahagom itin ei su. Njap dima lene midijuk hwou ei Nungug Sinai dip leu api tungwatu nya yahagom mingat Da bou igyai him ei sirima.

NEHEI LEUSI 19:11 ပူးပေါင်းရင်းမြစ်များ

NEHEI LEUSI 19:16

Ug ei njap gi niningai mem mpia tekti lene kru nindig bibor nisu bong ba, kigyei ninjeng srei lene bumbuhui di ndok bibor gom tau kros ei nungug dip dima lene tungwatu nya yahagom imiap pun mbrei nibimbi nindig bibor ei itingou nsi. Gima rino yahagom inghuisi mpig sut nindig bibor tirigi igya ei ide prak meng yati nikieti.

NINDAT KEP TUHAN NICUKTI NYA 33:2

“tuhan tau kwei leu Nungug Sinai. Noni kiju leu minu Edom nok mpia di pri bipiga digai Nide limwa nya nok mpia di com kwei leu Paran cem. Nide malaikati nya ibou sribu simnai igya tut Noni lene hum di cig-cai ya kui ninda com.

NEHEI LEUSI 34:5

Lene bumbuhui ttou gom nggai kep tuhan leu api Noni juk kwei biya simiak Musa ei mpia dima bindat kep ninyeng di kwes-kwau ba, ninyeng dima rino tuhan.

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

YOHANES 3:13

Munggwom Tungwatu Nipmot di kwei leu gwamti Nongkom kui ug ei gwamti noro tungwa hi kui ug ei gwamti bi sren.

MAZMUR 144:5

tuhan e, akau Ade mpia-bbed him ba, ajuk kwei ba, angget nungug nya leu binhyepo nimmup brou bikui.

MAZMUR 18:9

Hum mmup hei kwei leu nuhwap nsi lene hum njeng kin hum mbom hei kwei leu ninsi a.

MBEN ISRAEL IMBUT-MBUT NYEN 11:17

Lene midijuk hwou bidimbrap bit na ei sirima. Lene midikus nisindemti di diyai bina nipou su ndrim hi bidikwas tut yo dima bu. Gima rino yoni migyai nisindemti leu binhyepo yahati tut na apino mun di buhun pima mibuhun tak nangkom he bu bi.

NEHEI LEUSI 19:20

tuhan juk kwei ei Nungug Sinai dip bihig Musa kwei ngat Noni ei mbigdip. Gima rino Musa kui ug ei mbigdip dima.

NEHEI LEUSI 19:18

Hum mmup di ndok bibor nggai kep Nungug Sinai titut yam lewo tuhan juk kwei ei dip dem kep nok huma. Hum mmup dima brou kikau dem kep nok hum mmup ei tong nsi apino nungug dima mun brim nindig bibor.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NITRITI 11:5

Lene tuhan juk kwei leu gwamti bingat tungwatu nya ide minu ndig di nijep bitut ig di ibon ninggre di jo-jo yam dip anai di timiei dihyeisi dini ingot bou inda him.

NEHEI LEUSI 34:2

Atin ei ba, njap tekti di hyep ne akui Nungug Sinai kwei ba, aya ei Doho bei ei nimbigdip.

YOSUA 3:5

Lene Yosua pai biyok “Ma jibindei ba, jingon kwes ba, jide puig kwes cem lewo tuhan mibon mun di mindur ei jikieti mem njap di hyep bu ug ri.”

NEHEMIA 9:13

Asrek kwei leu mpia-bbed him ei Nungug Sinai leu api ambrap bit Ade limwa nya ba, ayai Ade nicukti kin Ade nikos tutti kin Ade nipingok yokti di nijit-jau nya bak yoni ei sirima.

NEHEI LEUSI 24:16

Lene tuhan de nikei-kau-keisi juk bipiga mbigdip dima. Bumbuhui pima nggai kep nungug dima kikau mem mmun-njap muhwindagom. Lene tuhan nihyet tibim kwei leu bumbuhui dima bihig Musa mem njap gi nimuhwindacan.

NEHEI LEUSI 24:17

Mben Israel ingat nipigati dima nok hum di yem mbigdip.

NINDAT KEP TUHAN NICUKTI NYA 4:10

Tut njap po jiya ei tuhan di nok jide Allah Noho bei ei Nungug Sinai pima. Mpe dima ne Noni cuk da bipai ‘Ma anduk ade limwa nya yahagom kwei leu binhyepo ingig itingou mem dihyet. Leu binhyepo ipwoi dingon bibit dihyet hagom kikau ug bipek igyaijo ningwig honti. Lene ma inyohou pingok imunggwom bat nya ingonti leu binhyepo yoni cem ibit dihyet.’