NEHEI LEUSI 19:10 - ALLAH NIHYET MEM TUNGWATU NYA

¹⁰ Nogindini ma aug ngat yo dima ba, acuk yok bipia njap di ammani kin njap di hyep cem suar itin ei mem gima ikuk yok biDa. Suar yahagom itot ide sinsun bipwoi,

NEHEI LEUSI 19:10 ပူးပေါင်းရင်းမြစ်များ

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IMAM NYA IDE MIDYAI 11:25

Tungwa tou rino kon mindhe-ndhe dini yok ingut lene suar ba minyei bitot nide sinsun leu lo, map mikui noti kikau bibou mpia kimbas ug e.

NITRITI 35:2

Lene Yakub sok kep nide bat nya kin nide limwa nya yahagom bipai biyok “Ma jicom ngkiai ide kwar di ikuk yok bak di jipwoi-pwoi nyen leu ba, jibon midut di bindo bipia jingon kwes hanyen leu api ma jijuk sinsun di pwoi kei.

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

MBEN ISRAEL IMBUT-MBUT NYEN 8:21

Lewi nya iba minyei bigimahap yonti mem nibon midut nibiyai ningon kwes kin Allahti ba, itot ide sinsun cem leu api Harun ba nibon midut nibiyai nikos ser sisarti bidimig yok ei nok munkwas di idimig pijum ei mem tuhan.

IMAM NYA IDE MIDYAI 15:5

Tungwa tou rino ngget mpia di no dima bongti ba,

YOSUA 3:5

Lene Yosua pai biyok “Ma jibindei ba, jingon kwes ba, jide puig kwes cem lewo tuhan mibon mun di mindur ei jikieti mem njap di hyep bu ug ri.”

MBEN ISRAEL IMBUT-MBUT NYEN 8:7

tug hon nisinati dini. Ma aba minyei bigimahap yoni mem nibon midut nibindei ningon kwes. Lene acuk yok ba, ikak ingkek dip titut yam bitot ide sinsun nya cem. Tug hon nisinati dima lene yoni mipwoi-pwau.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.

YOSUA 7:13

Yosua e? Akiju ba, aya hak ug! Lene ma abindei kwes limwa mben Israel yahagom leu binhyepo itin ei mem gima ikwei ya ei Doho bei. Acuk yok bipia suar itin ei mem njap di hyep lewo Da di dinok ide tuhan midipai biyok ‘Mben Israel jen! Ndigban po dicuk je bipia suar jibindei sar pima hi no jo bit je yo. Gino jicom ndigban dima yok bi lene bit bon jahau mem gima jikon pran bit siceu nya cem kan bi!’

NIBOHON MBEN ISRAEL GI NICAN 29:5

bimbrap bit yok ei mpia di jo bas hak di iba ngug tig bikrop ttai dima. Noni pai biyok “Suar je di Lewi nya jidimig jenti pijum hak ei mem tuhan. Lene ma jibindei pwoi jidigup bat-jidigai bat nya ide tuhan Allah De Ig. Suar jicom mun nyeng di bindei dino map kui Ig dima hagom leu ug e.

MBEN ISRAEL IMBUT-MBUT NYEN 31:24

Lene suar itot ide sinsun ei njap gi nimuhwindacan leu api map kui yokti bu bi ba, ingkwei hanyen kwei ei prak meng yati.”

AYUB 1:5

Mpe di igyem pesta ba, ngwig binjap kep lene Ayub kiju mem ha yausi leu api bon midut nibiyai ningon kwesti mem nimunggwom bat nya bibindei ba, ingon kwes kin tuhan. Lewo noni kan bipia hi rima simunggwom gom bon sisar ba, nihyet wer mpiahi tut Allah e? Sikan tut bi.

NIBOHON MBEN ISRAEL GI NICAN 29:34

Imam di ibindei kwes yonti ibou poi he ba, dem mem gima yeet mindhe-ndhe dima hagom ningkek leu bi. Gima rino Lewi nya impu yok tut neet mindhe ngkek leusi lewo ingon gom tut nibon midut nipiap yonti bipwoi dor njiriek imam nya. Gima rino Lewi nya impu yok tut midyai dima kikau bibou imam di ibindei pwoi yonti imangti dem ug e.

SAMUEL GI NIGOM 16:5

Lene noni buhup “I, dingon kwes kin je lo, dikwei mem dibon midut nindig mindhe kep hum bak tuhan. Ma jibon midut nipiap jenti bipwoi leu api jikwei bit da.” Lene noni cuk Isai kin nipmot bat nya cem bipia ibon midut nipiap yonti bipwoi leu api hig yoni cem ikwei bit nibon midut nindig mindhe kep hum bak tuhan dima.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.

MBEN ISRAEL IMBUT-MBUT NYEN 11:18

Nogindini ma aug tri tut bak ade limwa di mben Israel bipia suar idimig yonti ei lewo njap di hyep bu lene yoni migyem kep mikwau ug ri. Gi po inso-nso nyen nindig bibor tut gi ikimam mikwau ba, mun di pek kep mem igyaijoti ei minu Mesir kei bibor dor njiriek pima tibim ei ditingou nsi tu. Nogindini tuhan miyai mikwau bije ba, suar jiyem.

MBEN ISRAEL IMBUT-MBUT NYEN 19:19

Suar hiter pima bigimahap yok ei njap gi niningai kin njap gi nimuhwindacan. Nibon midut nibindei pwoi yo di map kui yokti pima ngwig ei njap gi nimuhwindacan. Suar yo dima itot ide sinsun bikek minyeiti. Hon mpia nicutti lene ipwoi hanyen tu.

SAMUEL GI NICAN 19:24

Lene Mefiboset di Saul nignyon pima kwei ya um nibou ndig. Tirigi nibou ndig nang leu minu ndig Yerusalem pima lene Mefiboset kek minyeiti bi kak nuhui nta bi tot nide sinsun ei minyeiti cem bi kikau kwei bipek njap dino nibou ndig ningwes ngun bikwei hanyen kep.

MBEN ISRAEL IMBUT-MBUT NYEN 31:23

bitut mun nyeng hagom di bit bon hum yem kan bi nindigsi nya lene suar ibindei kwes tug hon hum a. Lene suar iba minyei nibon midut nipiap bipwoi pima bipiap ndigban nindigsi di bon hum yem nya leu binhyepo map kuisi bu bi.