NEHEI LEUSI 18:13 - ALLAH NIHYET MEM TUNGWATU NYA

¹³ Njap di hyep bu lene Musa gwam nok nikei mem mben Israel tut mun di srou yok mang bibor leu mpia tekti kikau ug bipek mpia jinjuisi kep.

NEHEI LEUSI 18:13 ပူးပေါင်းရင်းမြစ်များ

ROMA 13:6

Gima cem ma jigo belasten bak nibou nya lewo yoni ne Allah de awak di igyai kep ide midyai nya ri.

ROMA 12:8

Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

MATIUS 23:2

bipai biyok “Guru Puig Yahudi nicukti nya kin Farisi nya igya luei Musa nohoti ba, ingginau je tut nicukti di tug hon noni.

YOEL 3:12

Suar ngkiai nya yahagom itin ei ba, induk yam kwei ei Mbang Briep Niya Ei Nikei Noho Bei. Da di tuhan digwam nok nikei ei mbang briep dima mem ngkiai nya di ibong bidem minu di gahai dini kou.

YESAYA 16:5

Leu api tungwagom di ntun Daud him mikui bigwam nok nibou ndig. Noni miba ningon ngakeisi bininyeng tak kep limwa nya ba, ningon gom tut yok cem. Noni mibrim ningkek mem gima bon mun di kei ningkom lene bindei ba, nikei nikos tutti di sren kei nya mikieng kep nide ninyeng tak kepti nisurti-nipekti.)

AYUB 29:7

Mpe di nibou nya ei minu ndig dima igwam bimbrap bit yam lene dani cem dinggre kin yok bidigwam ei ikieti.

NIJAM NIKEI NYA 5:10

Je di jibri keledai di nitiei kin je di jigwam kep mun di ingig ei kuda ninghim dip kin je di jimbut jimig ei dihyeiti jahagom e, ma jitri tut notou ide siceu nya icut bak nyeni tu.

NEHEI LEUSI 18:12

Lene Yitro jem mindhe-ndhe nya kwei bindig bihi kep hum titut yam lene srat bihi hacan ei nimbar hum dokti bak Allah. Lene Harun kin nibou mben Israel nindigsi nya yahagom induk yam kwei bigyem njita bit Yitro bou Allah niyai him.

NEHEI LEUSI 18:14

Tirigi Yitro ngat Musa di yai midyai nindig bibor nok gima bou niyai him lene noni hig ser Musa “Ayai midyai mindei yo rinindig bibor mem ade limwa dini yok i? Nggon rino nangkom ayai midyai nindig bibor dini i? Mei! Tungwatu ingwig ei sirini bimbot kep mun di srou yok sindam leu mpia tekti kikau ug bipek mpia jinjuisi kep.”