NEHEI LEUSI 18:12 - ALLAH NIHYET MEM TUNGWATU NYA

¹² Lene Yitro jem mindhe-ndhe nya kwei bindig bihi kep hum titut yam lene srat bihi hacan ei nimbar hum dokti bak Allah. Lene Harun kin nibou mben Israel nindigsi nya yahagom induk yam kwei bigyem njita bit Yitro bou Allah niyai him.

NEHEI LEUSI 18:12 ပူးပေါင်းရင်းမြစ်များ

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 26:25

Lene Ishak dingug tig bijo-jo yam dip nok nimbar hum dok bikuk no bak tuhan ei mpia dima. Lene noni hok nide prak meng yati ei sirima leu api nide awak nya itig minyei bousi gom kin bu.

NITRITI 26:30

Lene Ishak bon pesta mem yok. Lene igyem njita ba, idut ba anggur ngei bit yam.

NITRITI 31:54

Lene noni bui mindhe ningut gom bindig kep hum bak Allah ei nungug tou dima. Leu api noni nduk nide limwa nya kwei bigyem njita bit yam. Gima ngwig lene ibong ei sirima binjap kep.

NITRITI 4:4

Lene Habel jem nide domba nipmot bou leu api bui bidigo bikwas nimmau ndok tut tuhan. Apino tuhan joi sut Habel tut nide munkwas.

NITRITI 43:25

Lene ihit ndigban di kei bibor kei pima yok ba, ibitindei ser Yusuf nikweisi lewo no dima pai biyok bipia yahagom migyem njita bit nibou mben Mesir mem mpia huk pijumti.

NITRITI 8:20

Lene Nuh dingug tig nindig bijo-jo yam dip bibingon nok nimbar hum dok leu api bui mindhe-ndhe kin ha di map kui bi nya hi gom hi gom bidigo leu api ndig hagom bak tuhan eisi.

SAMUEL GI NICAN 9:7

Lene Daud pai binoni “Attin tut au. Lewo midingondut na bidibiyok ngon kep acig di Yonatan. Miditug agnyon Saul de dihyei hanjop nsi hagom hanyen bina ba, disindui sut nani ayem njita bit da ei ig nibou ndig dini kikau cem.”

NIBOHON MBEN ISRAEL GI NICAN 30:22

Hizkia kon Lewi nya inyeng lewo ingon ki tut gi ibie tut yo di ikuk yok bak tuhan. Tirigi igyem kep njita ei midutti dima ba, ibui mindhe-ndhe bindig ei nimbar hum dokti ba, ikuk yok bak tuhan cem ibipai sigyo bak idigup bat-idigai bat nya ide tuhan Allah cem ei njap muhwindacan,

AYUB 1:5

Mpe di igyem pesta ba, ngwig binjap kep lene Ayub kiju mem ha yausi leu api bon midut nibiyai ningon kwesti mem nimunggwom bat nya bibindei ba, ingon kwes kin tuhan. Lewo noni kan bipia hi rima simunggwom gom bon sisar ba, nihyet wer mpiahi tut Allah e? Sikan tut bi.

AYUB 42:11

Ayub nikindig bat-nikinjoi bat nya kin nikwohop bat nya ikwei cem kep noni ba, yahagom ibon pesta nindig bibor. Yoni indo ingon di ngguk tut mun di buhun bibor di tuhan bindei di cut igkep Ayub hagom leu api igwam ser ningona. Lene bikwop tungwagom-gom yai mitiei kin siban mas bak noni.

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

NEHEI LEUSI 18:13

Njap di hyep bu lene Musa gwam nok nikei mem mben Israel tut mun di srou yok mang bibor leu mpia tekti kikau ug bipek mpia jinjuisi kep.

NEHEI LEUSI 2:16

Lene sop pilei di ikindig bat-ikinjoi bat yam ibou muhwindacan ikwei tau minyei ei srier nindig di icig de domba nya kin kambir nya idut minyei eisi. Icig ninyeng Yitro ba, noni nok imam mem mben Midian.

NEHEI LEUSI 2:20

Lene Yitro hig ser yok “No dima ritou ug i? Nggon rino jikes noni ei i? Juug ba, jicigit noni kui ig leu binhyepo yem njita bit nye.”

NEHEI LEUSI 20:24

Ma jiba dihyei bibon nimbar hum dok gom mem Dani. Ma jibui jide domba nya kin sapi nya bijindig kep hum eisi. Lene jiba mindhe-ndhe bihi bikuk je biDa ba, jiba mindhe-ndhe bihi biyai jingon kwes kin Da. Midihwou yai gi kei bije ei mpia ttou nsi di dindo bije mem gima jibikuk je biDa eisi hagom.

NEHEI LEUSI 24:11

Mbro nok gino nibou mben Israel pima yok yahagom ingat Allah tu lo, Noni kes nimai ei yok dip bi. Gima ngwig lene yahagom igyem njita bit yam.

NEHEI LEUSI 24:5

Lene noni cuk pinai pilei nya ibou poi leu api igyai nibon midut nindig mindhe titut kep humti bak tuhan. Lene ibui sapi nikre hi kin bu mem nibon midut nibiyai ningon kwes kin Allahti.

NEHEI LEUSI 3:1

Mpe di gom bu tirigi Musa hyen kep nipmang Yitro di nok imam mem mben Midian pima nide domba nya kin kambir nya lene noni jem yok ug ei iggum ndigsi bikwei krau Nungug Sinai di kwes-kwau.

NEHEI LEUSI 33:7

Bikwop mpe dino mben Israel imbut ba, yohok ide prak meng yati hanyen bu lene Musa ug yai Prak Meng di noni piga ei pima bohok hanyen bijo minu ting leu nide limwa nya ide prak meng yati. Prak Meng dima ninyeng tuhan De Prak Meng. Tungwa tou rino ningon kiowi tut tuhan ningon kanti lene noni ug ei Prak Meng yati dima.

DANIEL 10:3

Diyem njita di mmau kei kin mikwau bi bididut ba anggur ngei bi mem nijam ari nitindur ningai. Dipri dibou mem nijam dima cem bi.

MBEN ISRAEL IMBUT-MBUT NYEN 10:29

Lene Musa bon nidohoi Hobab di nicig ninyeng Rehuel leu Midian. Gima rino Musa pai binoni “Nyeni minimbut ug ei minu di tuhan preu ei mem nye bipia miyai bak nyeni. tuhan preu sut ei mem nye di mben Israel bipia minjei mun di kei binye. Gima rino ma abit nye ba, nani cem ayai mun dikei dima bit nye.”

LUKAS 14:1

Ei Njap Nigwam Kep Ninghuisi gom lene Yesus ug yem njita bit nibou Farisi gom lene tungwatu nya itou kep Noni nggilun.

LUKAS 14:15

Tirigi tungwagom di yem njita bit yok miap Yesus nipaisi nok lene noni pai bak Yesus “No di bon pesta bit Allah tirigi Noni kwei hanyen nok Nibou Ndig ningon nggei-hi-nggei!”

KORINTUS GI NIGOM 10:18

Ma jiba jingon bisrip huk tut mben Israel ug e. Yo dima igyem mikwau ndrim hi leu mindhe di ibui bibam ei nimbar hum dokti nya lene gima bindei ba, inok gom kin nimbar hum dok.

KORINTUS GI NIGOM 10:21

Bit bon jidut ei Tuhan de gi mokti kin ninnei rom nya ide gi mokti hacem nggre gom kan bi. Bit bon jiyem njita kui Tuhan de meja kin ninnei rom nya ide meja hacem nggre gom kan bi.

KORINTUS GI NIGOM 10:31

Nnaba tut njita di jiyem kin ndia ngei di jidut ne ma jiba jiyai munti dima yok hagom binggei sut Allah.

NINDAT KEP TUHAN NICUKTI NYA 12:7

Ma jeni kin jimunggwom bat nya jiyem pesta kep ba, jillei ngwig sut jide midyai di jinda jo kep nya ei tuhan di nok jide Allah Noho bei ei minu ttou nsi gom dima. Lewo Noni singat tut je nindig bibor.

NINDAT KEP TUHAN NICUKTI NYA 27:7

Ma jibon midut nibiyai ningon kwes kin Allah ei sirima cem leu binhyepo jibiyai nillei ei jide tuhan Allah Noho bei.