NEHEI LEUSI 18:11 - ALLAH NIHYET MEM TUNGWATU NYA

¹¹ Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”

NEHEI LEUSI 18:11 ပူးပေါင်းရင်းမြစ်များ

NIBOU NDIG NYA GI NIGOM 17:24

Lene kibom dima buhup “Jo nibreisi mem da bipia na di Andigpoi anok Allah de awak. Ningat ne Noni tri tut nihyet tug hon nani!”

NIBOU NDIG NYA GI NICAN 5:15

Lene noni kin yo di igya kui noni yahagom ingkwei hanyen ug ei Elisa de biyati bipai binoni “Nogindini jo nibreisi mem da bipia mben Israel ide Allah Nongkom nok Allah di nijit. Andigpoi e, gino ace tut lene midikwas mun di kei ninyeng gom tut na.”

NIBOHON MBEN ISRAEL GI NIGOM 16:25

Lewo tuhan ne Andigpoi Di Ninyeng Jei rin ba, suar tungwatu nya yahagom inggei sut Noni. Je di tungwatu nya jahagom e, ma jittin tut Noni dor njiriek jide kwar di jikuk je bak nya.

NIBOHON MBEN ISRAEL GI NICAN 2:5

Nyende Allah di nikuk nye bak ne Allah di nindig bibor dor njiriek mun di tungwatu nya ikuk yok bak. Gima rino tuhan De Ig di dijoi sut dingot dima ne ig di nindig bibor.

NEHEMIA 9:10

Abindei mun di mindur di buhun bibor cut igkep nibou ndig mem mben Mesir kin yo di igya kui noni kin nide limwa nya yahagom lewo angig ayai kep Ade limwa nya tirigi mben Mesir ihwen bit yok. Mun dima bindei ba, anyeng jei bibor kikau kwei bipek ammani kep.

NEHEMIA 9:16

Noro jei bi ne nyeni nidigup bat-nidigai bat pima yok ingon jei ba, ingkek ndok cem ba, ingon mpo tut Ade nicukti nya cem.

NEHEMIA 9:29

Asok kep yok leu binhyepo ibit Ade nipingok yoti. Mbro nok gino ikan tut bipia yo di ibit Ade nicukti nya migyai niyaijo lo, ingon jei ba, ikou sut Ade nicukti nya. Isem tut ahyet lewo ingkek ndok cem ighyet prinder cem.

MAZMUR 119:21

Akon ahyet kep yo di ingon jei nya ba, asigion no di kriek leu Ade nicukti nya.

MAZMUR 135:5

Lewo dikan tut bipia tuhan nindig bibor ba, ninyeng jei bibor dor njiriek kwar di ngkiai nya ikuk yok bak hagom.

MAZMUR 31:23

Dingon tai-tai bousi bindei bidikan bigya tuhan com da leu Noho bei tu. Noro Noni miap dihyet mpe dino dahara bak.

MAZMUR 95:3

Lewo tuhan ne Allah di ninyeng jei bibor ri. Noni sindem bibor bininyeng tak kep kwar nya yahagom.

MAZMUR 97:9

tuhan e, Nani ne No Di ninyeng tak kep dihyei nisurti-nipekti ri. Anyeng jei bibor dor njiriek kwar nya hagom.

NEHEI LEUSI 1:10

Leu ma nyeni ide siceu nya mikon pran bit nye lene hi rino mben Israel minjei siceu bit yo dima bikon pran bit nye leu api minang leu ide minu dini e? Jikwei ba, inggok puig di kei mem leu binhyepo yoni idigek kep mpia bu bi.”

NEHEI LEUSI 1:16

Noni pai biyok “Gino jimpu sop mben Ibrani ba, tirigi igwam tut munggwom pinai lene suar jikos hak ug. Ne gino igwam tut munggwom sop lene jisindui sut yok ba, igyaijo.”

NEHEI LEUSI 1:22

Nok gima kikau bibou Firaun kes nihyet bak nide limwa nya yahagom bipai biyok “Suar jicom mben Ibrani imunggwom bat nya ningwoi-ngwoi nipinai nya tut igyaijo ug ei Minyei Nil bimai ug. Noro ma jisindui sut munggwom ngwoi-ngwoi nisop nya ba, igyaijo.”

NEHEI LEUSI 10:3

Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.

NEHEI LEUSI 12:12

Lewo midiya bidem minu Mesir nisurti-nipekti mem mmun dima bidiyai nimai bak munggwom pinai mighumbou nya bidem ide ig bei hagom kin mindhe-ndhe nipmot bou nya hagom. Ba, midikes hukum ei mben Mesir ide kwar nya hagom dip tug hon nisinati dima. Lewo Dani ne tuhan ri.

NEHEI LEUSI 14:18

Midibindei timek yok apino yoni mikan tut bipia Dani ne tuhan ri.”

NEHEI LEUSI 14:8

Mpe dima lene tuhan bindei ba, Firaun ningkek ndok apino noni huk bram mben Israel di ingwes ngun leu minu Mesir noro tuhan nyohou yok nok Nide limwa nya.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

NEHEI LEUSI 5:2

Lene Firaun buhup “tuhan dima tou i? Nggon rino dibit nihyet dima bidisindui sut mben Israel bimbut i? Dikan tut tuhan dima bi. Gima rino midisindui sut mben Israel bimbut bi.”

NEHEI LEUSI 5:7

“Hon kep ammani kui lene jiyai mbrui ut bak yo dima mem gima ikioi kin igtuyap ba, ibibon nok tig mma bu au. Suar yonti yuug nggok mbrui ut nok gi dem mem ide tigya.

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

MBEN ISRAEL IMBUT-MBUT NYEN 33:4

Mpe dima ne mben Mesir nya inda jo kep ipmot bat mighumbou nya di tuhan yai nimai biyok nya di itig kep nya ri. Tug hon tuhan niyai munti dima lene bindo biyok bipia Noni sindem bibor dor njiriek mben Mesir nya ide nung di ikuk yok bak nya.

LUKAS 1:51

Noni ba ninda di sindem bidri yo di ingon jei nya bintek gimahap ningwig ba, binggek tut ide nikos tutti nya hagom cem.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”

SAMUEL GI NIGOM 2:3

Je di tungwatu nya e, ma jinggei-nggwang tut jenti ba, jingon jei bu au. Ma jikimut juhui ser nhyema jimbrap kinei au. Lewo tuhan ningon dorti tut mun nyeng hagom. Noni gwam nok nikei mem tungwatu nya igyai munti nya hagom.