NEHEI LEUSI 18:1 - ALLAH NIHYET MEM TUNGWATU NYA

¹ Mpe hi bu lene Musa nipmang Yitro po nok imam mem mben Midian pima miap tut Musa ninghapti bipia Allah mpu noni kin mben Israel nindig bibor tirigi Noni buwak yok kwei bingwes ngun leu minu Mesir.

NEHEI LEUSI 18:1 ပူးပေါင်းရင်းမြစ်များ

MAZMUR 105:43

Leu api Noni buwak Nide limwa di Noni dimig ei su nya ba, iba ingon di llei bibor bipai doia bimbos-hi mbos.

MAZMUR 105:5

He, je di jintun Abraham di tuhan de awak pima him kin je di jintun Yakub di Noni dimig ei su pima him e,

MAZMUR 106:2

Tou rino dem mem gima tri tut tuhan niyai munti di nindig bibor i? Tou rikon ninyeng nok gi dem i? Hi bi!

MAZMUR 34:2

Midipai sigyo bak tuhan bijo ninno bijo kikau. Bit bon dikes dihyet hon bidinggei sut Noni bu bi kan bi.

MAZMUR 44:1

Nimpung Korah ide doia ningginausi mem no di bie tut doia nimpung.

MAZMUR 78:4

Niku gima bijo nding leu nimunggwom bat nya bi. Minitri tut tuhan nisindemti kin Nide midyai di nindig bibor nya kin Nide mindur di bon nya hagom bak nintun nye him gi nidipti bu nya.

NEHEI LEUSI 2:16

Lene sop pilei di ikindig bat-ikinjoi bat yam ibou muhwindacan ikwei tau minyei ei srier nindig di icig de domba nya kin kambir nya idut minyei eisi. Icig ninyeng Yitro ba, noni nok imam mem mben Midian.

NEHEI LEUSI 2:18

Tirigi sop dima yok ingkwei hanyen ndam icig Yitro lene noni hig ser yok “Nggon rino njap di ammani jingkwei haninyai dini i?”

NEHEI LEUSI 2:21

Gima rino Musa ce tut gima bong ei minu dima. Apino Yitro ndo nipmisop Zipora bak noni nok nitnem.

NEHEI LEUSI 3:1

Mpe di gom bu tirigi Musa hyen kep nipmang Yitro di nok imam mem mben Midian pima nide domba nya kin kambir nya lene noni jem yok ug ei iggum ndigsi bikwei krau Nungug Sinai di kwes-kwau.

NEHEI LEUSI 4:18

Lene Musa ngkwei hanyen buug ngat nipmang Yitro bipai binoni “Gino ace tut lene midingkwei hanyen ug ei minu Mesir leu binhyepo diyok diyai kep dide bat nya.” Lene Yitro ce bipai “Acem ambut.”

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

YEREMIA 33:9

Minu ndig Yerusalem minok minu ndig di biyai dingon nggei-hi-nggei kin dingon kei. Ngkiai nya bidem dihyeisi dini hagom mittin tut Da bidigit tut Da bikon dinyeng drek dip mun di kei di dibon mem timiei minu ndig Yerusalem kin nibong kei nigwam keisi di diyai bak minu ndig dima.”

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

MBEN ISRAEL IMBUT-MBUT NYEN 10:29

Lene Musa bon nidohoi Hobab di nicig ninyeng Rehuel leu Midian. Gima rino Musa pai binoni “Nyeni minimbut ug ei minu di tuhan preu ei mem nye bipia miyai bak nyeni. tuhan preu sut ei mem nye di mben Israel bipia minjei mun di kei binye. Gima rino ma abit nye ba, nani cem ayai mun dikei dima bit nye.”

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

KISAH 15:12

Gima rino yahagom ikimut yuhui bigwam nyahan bingig itingou mem Paulus kin Barnabas ighyet di itri tut Allah de mindur kin bindo di Noni bibon tug hon yoni ei ngkiai nya ikieti ug e.

ROMA 15:18

Dikon dihyet tut midyai di Kristus yai tug hon dani he. Lewo nihyet di ditri tut kin midyai di diyai nya bindei ngkiai nya ibit Allah nihyet,

YOSUA 2:10

Nimiap tut gi po tuhan bindei ba, Muk Lipig bon ninggati ei joho bei tirigi po jingwes ngun leu minu Mesir pima. Nimiap tut gi po jiyai nimai bak nibou ndig cin di mben Amori di inyeng Sihon kin Og pima ei Minyei Yordan nite dima ug bei mpia nipriti cem tu.

YOSUA 9:9

Lene ibuhup “Andigpoi e, nikwei leu minu ting bibor. Lewo nimiap tut tuhan Allah di na di Andigpoi jeni jikuk je bak tu. Nimiap jinghapti tut mindur hagom di Noni bibon bak mben Mesir drek dip je,

NIJAM NIKEI NYA 1:16

Musa nicig nipmang de nintun him yamti di bram yam nya ne mben Keni rin ba, yo dini ibit keret Yehuda ba, yehei leu minu ndig Yerikho po dui sraba ninghousi pima ba, yuug ei iggum ndigsi Arad nite bei mpia nibiho ei Yehuda ide dihyei hanjop nsi. Lene ibong timiei ei sirima srig mben Amalek ikieti.

NIJAM NIKEI NYA 4:11

Lo bi lene mpe dima lene Heber di mben Keni gom hok nide prak meng dideu Kedes ei biei ndig nghousi ei Zaanaim. Noni mbres nonti leu nide mben nindigsi nya tu. (Hobab ne Musa nidohoi rin ba, nide nintun him yamti di bram yam nya ne mben Keni ri.)