NEHEI LEUSI 17:7 - ALLAH NIHYET MEM TUNGWATU NYA

⁷ Lene ijem mpia dima ninyeng Masa lewo mben Israel ibingon tuhan ei sirima tirigi po ihig-hig nyen nok gini “tuhan hi kin nyeni e, he bi e,” pima. Lene ijem mpia dima ninyeng hi Meriba lewo inso-nso nyen ei sirima.

NEHEI LEUSI 17:7 ပူးပေါင်းရင်းမြစ်များ

MAZMUR 81:7

“Dikon mun di buhun tak je leu jinghat bidikwek je leu bansi di bindei ba, jahanggwap mbilen.

MAZMUR 95:8

“Ma jingkek ndok dem kep nok jidigup bat-jidigai bat nya di yuug ei Meriba bingat rin ei iggum ndigsi Masa au.

MBEN ISRAEL IMBUT-MBUT NYEN 20:13

Mun dima cut igkep yok ei minyei bousi Meriba. Lewo mben Israel inso-nso nyen bak tuhan ba, Noni ndo Nide nisindemti di kwes-kwau brei biyok ei sirima.

NINDAT KEP TUHAN NICUKTI NYA 9:22

Nok gima cem jibindei ba, tuhan ningon sibui sut je tirigi jibong ei Tabera kin Masa kin Kibrot-Taawa.

NEHEI LEUSI 17:2

Gima rino inso-nso nyen tut bak Musa bipai “Ayai minyei hi binidut ug e!” Lene Musa buhup “Nggon rino jinso-nso nyen nok gima ba, jibingon tuhan i?”

MBEN ISRAEL IMBUT-MBUT NYEN 20:24

“Harun micoi ug ei minu di dipreu ei mem mben Israel bi. Noni mimai ug rin lewo jahacem jibit dihyet bi tirigi po jingat rin ei minyei bousi Meriba pima.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YOSUA 22:31

Leu api Pinehas di Imam Eleazar nipmot pai bak keret Ruben kin Gad kin Manasye di ibong bei mpia nipriti “Nogindini nikan tut bipia tuhan Allah ningat rin bit nyeni yahagom. Lewo jikiek ba, jaham jimbuk kep Noni bi. Lene tug hon nisinati dima jiteu mben Israel ba, ingwes ngun leu hukum di tuhan mikes ei yok dip.”

NINDAT KEP TUHAN NICUKTI NYA 31:17

Gino igyai hagom nok lene dingon misibui sut yok ba, midikes yok ei apino yoni micut bak ide siceu nya bingwig. Mun di buhun mang bibor micut igkep yok apino mijo nibreisi mem yok bipia itug ndei mun di buhun dima hagom drek dip gi Da di tuhan di dinok ide Allah dingat rin ei ikieti bu bi.

NEHEI LEUSI 34:9

Lene noni pai “tuhan e, Gino ajoi sut da lene abit nye di mben Israel kak nimbutti nya. Jo nibreisi bipia Ade limwa nya ingkek ndok noro ma akos ser nyende mun di kinei kin nyende sisar leu api asindui sut nye bininok Ade limwa nya.”

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

MBEN ISRAEL IMBUT-MBUT NYEN 27:14

Lewo tirigi jingat rin ei iggum ndigsi Zin lene jitunggwei sut dicuk jeti. Tirigi po jide limwa nya inso-nso nyen bak Dani ei Meriba lene jindo Ditde nisindemti di kwes-kwau brei ei igyai him bi.” (Mun dini cut igkep yok ei minyei bousi Meriba dideu Kades ei iggum ndigsi Zin.)

NINDAT KEP TUHAN NICUKTI NYA 6:16

Ma jibingon tuhan di nok jide Allah hanyen nok gi nipou po jibingon Noni ei Masa pima au.

NINDAT KEP TUHAN NICUKTI NYA 33:8

Lene noni pai sut keret Lewi bipai, “tuhan e, ando igbit angon kanti binye tug hon Urim kin Tumim di jo bak Ade awak keret Lewi di ingon gom nya. Abingon yok ei Masa lene awaisi yok ei minyei bousi Meriba.

MAZMUR 78:18

Ibisinggre mem gima ibingon Allah ningonti tug hon gi ibidip huk tut njita di yoni ijoi sut.

MAZMUR 81:8

Tirigi jibiang mun di buhun tak je bijahara Da lene diteu je bijingwes ngun. Dibuhup jihyet hwou leu kru nijoti di nok mpia di diku Da eisi. Dibingon jingonti ei minyei yaisi Meriba.

MAZMUR 106:32

Tirigi ingat rin ei minyei bousi ngot Meriba lene ibindei ba, Allah ningon sibui sut yok apino Musa biam bon drek dip ide mun di igyai tunggwei dima.