NEHEI LEUSI 17:2 - ALLAH NIHYET MEM TUNGWATU NYA

² Gima rino inso-nso nyen tut bak Musa bipai “Ayai minyei hi binidut ug e!” Lene Musa buhup “Nggon rino jinso-nso nyen nok gima ba, jibingon tuhan i?”

NEHEI LEUSI 17:2 ပူးပေါင်းရင်းမြစ်များ

MAZMUR 106:13

Noro ibbwe ser tuhan nibon munti dima haninyai leu ba, igyai igbit yonti ingon kanti nipou tirigi tuhan bie tut yok bigyo.

MAZMUR 106:14

Ikimam njita ei iggum ndigsi bitig dino ibingon Allah ningonti.

MAZMUR 78:18

Ibisinggre mem gima ibingon Allah ningonti tug hon gi ibidip huk tut njita di yoni ijoi sut.

MAZMUR 78:41

Ibingon kep Allah ningonti nyen-nyen ba, ibiyai ningon di buhun bak Israel de Allah Di Kwes-Kwau cem.

MAZMUR 78:56

Noro mben Israel yaham imbuk kep Allah ba, ibingon Allah Di Ninyeng Jei ningonti ba, igibit Nide nicukti nya bi.

MAZMUR 95:8

“Ma jingkek ndok dem kep nok jidigup bat-jidigai bat nya di yuug ei Meriba bingat rin ei iggum ndigsi Masa au.

MAZMUR 95:9

Mbro nok gino yoni ingat mun di mindur nya di dibon mem yok lo, ibingon kikep Da.”

NEHEI LEUSI 15:24

Lene tungwatu nya inso tut bak Musa bihig ser noni “Idut minyei ei sirigitou i?”

NEHEI LEUSI 16:8

tuhan Nonti rino miyai mikwau bije mem mmunti lene miyai roti bije mem njap bigyokti leu gi po jinso-nso nyen bak Noni pima tibim ei nitingou nsi tu. Tirigi jinso-nso nyen bak Harun nyeni lene gima dem kep nok jinso-nso nyen bak tuhan.”

NEHEI LEUSI 17:7

Lene ijem mpia dima ninyeng Masa lewo mben Israel ibingon tuhan ei sirima tirigi po ihig-hig nyen nok gini “tuhan hi kin nyeni e, he bi e,” pima. Lene ijem mpia dima ninyeng hi Meriba lewo inso-nso nyen ei sirima.

NEHEI LEUSI 5:21

Lene ilua bak Musa kin Harun bipai “Mun di jibon dima jo nibreisi ei tuhan niyai him tu. Apino Noni mikes hukum ei je dip drek dip gima! Jibindei ba, nibou ndig kin yo di igya kui noni ingon mpo tut nye. Jei bi lene yoni migyai nimai binye drek dip.”

YESAYA 7:12

Noro Ahas buhup “Dikou sut gi dahara Na tut bindo di bitto. Leu gi nok lene dibingon Na di tuhan.”

MALEAKHI 3:15

Ningat bou niyai him bipia yo di inggei-nggwang tut yonti nya ingon llei bibor. Yo di imbuk nya ide mun nyeng hagom dem mem yok bibong kei igwam kei. Ibong kei igwam kei he bi noro ibingon Allah noom ningonti tug hon gi ibon sisar lo, ingwes ngun cem.’ ”

MBEN ISRAEL IMBUT-MBUT NYEN 14:2

Yahagom inso-nso nyen bak Musa kin Harun bipai biyok “Gi kei rino nimai hak tirigi po nibong ei minu Mesir pima e, he nimai hak ei iggum ndigsi dini e.

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

MBEN ISRAEL IMBUT-MBUT NYEN 21:5

Apino isrep tut Allah kin Musa cem bipai “Nggon rino abuwak nye kwei leu minu Mesir leu binhyepo nimai biningwig ei iggum ndigsi di bon njita kin minyei bi dini i? Njita di niyem kep dini nos nye bibon nyeni ningon him wei.”

MATIUS 4:7

Lene Yesus pai bu “Allah Nihyet pai ‘Ma jibingon Tuhan di nok jide Allah au.’ ”

LUKAS 15:12

Mot nipumiap bidip huk nicig bipai ‘Arig e, ma akwas ndigban di niba nyekep ei nidipti bu igdo hi tut da nogindini.’ Gima rino nicig kwas ndigban dima hagom tut nipmot bat cin.

LUKAS 4:12

Yesus buhup “Allah Nihyet pai ‘Ma jibingon Tuhan di nok jide Allah au.’ ”

KISAH 15:10

Nggon rino jisrep tut Allah ningon kanti tug hon mun di buhun di jikes ei yo dima inghat dip i? Lewo bit bon nyeni ide pung di intun him nya kin nyeni cem ibiang mun dima kan bi.

KISAH 5:9

Lene Petrus hig pus noni “Nggon rino ajjep jeni jikos tut gi jiris bak Tuhan Ninnei i? Atou kep! Pinjoi pilei nya di itig ajjep ningut nogindi pa ittau hanyen ei dimbou heisi tu. Yoni mikon nani cem angut leu ig bei dini ug ri.”

KORINTUS GI NIGOM 10:9

Harin dima iba ide sisar di yoni ibon nya bibingon Allah nisingat tut nyeti noyam kin yo ngot ndig dima. Lewo wou piet nya yaham yok bimai drek dip.

NINDAT KEP TUHAN NICUKTI NYA 6:16

Ma jibingon tuhan di nok jide Allah hanyen nok gi nipou po jibingon Noni ei Masa pima au.

NINDAT KEP TUHAN NICUKTI NYA 9:22

Nok gima cem jibindei ba, tuhan ningon sibui sut je tirigi jibong ei Tabera kin Masa kin Kibrot-Taawa.

IBRANI 3:9

Allah pai ‘Mbro nok gino jidigup bat-jidigai bat nya ingat mindur di dibibon mem yok bou igyai him kikau mem ari bingwam ningot bitai lo, ibingon kikep Da.’

SAMUEL GI NIGOM 8:6

Noro Samuel joi sut ingon kanti dima bi. Gima rino noni ngat nadi bak tuhan.