NEHEI LEUSI 16:4 - ALLAH NIHYET MEM TUNGWATU NYA

⁴ Lene tuhan pai bak Musa “Nogindini midibindei ba, njita nindig bibor micut hwou ndam jahagom leu mpia-bbed him. Ma tungwatu nya ikam njita dima bikwop njap ba, ikam nok gi dem mem njap gom ndia. Gima rino midibingon yok leu binhyepo dikan tut bipia ibit Ditde nicuk yokti nya.”

NEHEI LEUSI 16:4 ပူးပေါင်းရင်းမြစ်များ

NEHEMIA 11:23

Yo dima insi de nya ipai kep doia sindam ba, yahati tut musik di ibipai doia bikwop njap-njap bit leu nibou ndig nicukti.

NEHEMIA 9:15

Tirigi po inggum ba, njita ngwig leu yok pima lene abindei juk roti kwei leu gwamti mem yok. Tirigi po inggobiau pima ne abindei ba, minyei bousi biam kwei leu bor ngug mem yok. Acuk yok leu binhyepo icoi ug ei minu po aba neheng bipreu sut ei mem yok nipou su pima ba, ibong kei igwam kei eisi.

NEHEMIA 9:20

Aba angon di nggriu sut yok nyohou pingok ingonti ba, ayai njita manna kin minyei biyok cem.

MAZMUR 105:40

Yahara Noni leu api Noni pinak ha dumti nya kin njita di cut kwei leu mpia-bbed him cem ba, igyem kep inggum.

MAZMUR 78:23

Mbro nok gima lo, Noni cuk mpia-bbed him bikau nimbou nya,

NEHEI LEUSI 15:25

Lene Musa ba ningon di gom bingat nadi bak tuhan leu api tuhan ndo biei ttou gom binoni. Gima rino Musa com biei ttou dima ei minyei di mpo dimati apino minyei dima nok minyei su di kei mem gima idut. Lene tuhan tri tut Nide nicukti nya biyok ba, bingon yok ei sirima cem.

NEHEI LEUSI 16:15

Tirigi mben Israel ingat tu lene ingon kiowi tut bihig yam “Mindei rini i?” Lene Musa buhup “Gini ne njita di tuhan yai bije ri.

NIPINGOK NINGONTI 30:8

Ma asindui sut ba, diris ei tungwatu nyati bidoom ser au. Lene ma asindui sut ba, dinyeng bibor ba, duhui mbum bibor cem au. Ayai mun di dindwau sut he bida lene ma abikum eisi au.

MATIUS 6:11

Akwas njita di nisuar mem njap di ammani tut nye.

LUKAS 11:3

Ma akwas njita di nisuar mem njap di ammani tut nye.

KORINTUS GI NIGOM 10:3

Yahagom igyem kep njita di mindur

NINDAT KEP TUHAN NICUKTI NYA 8:16

Noni yai manna di nok njita bije ei iggum ndigsi. Hon kep mpe dima nimo jug ne jidigup bat-jidigai bat nya igyem njita nok gima hi bi sren. Noni ba mun di buhun bibor bibingon je leu binhyepo bikan tut jingon kanti nya. Gima hagom nok leu binhyepo Noni miyai gi kei bije ei nidipti bu.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”