NEHEI LEUSI 16:3 - ALLAH NIHYET MEM TUNGWATU NYA

³ bipai “Gino tuhan kes hukum nimai ei nye dip tirigi po nibong ei minu Mesir pima lene dem. Lewo mpe di po ningat rin ei minu dima lene niyem kep mikwau kin njita nindig bibor di bindei nye. Noro jibuwak nye kwei ei iggum ndigsi dini apino nahagom minimai ninggum ug ri.”

NEHEI LEUSI 16:3 ပူးပေါင်းရင်းမြစ်များ

SAMUEL GI NICAN 18:33

Nibou ndig miap nihyet lene ningon ngguk nindig bibor. Noni kui ug ei nghim nsi di jo nai dimbou hui pima lene pim kui jei sut biniyai nggwei kibor nindig bibor. Tirigi noni kui lin lene pim ba, bikiek-kiek nyen bipai “Ayo dipmot ndia ug o! Dipmot Absalom o! Absalom dipmot ndia ug o! Gi kei rima danti dimai luei ahoti o! Dipmot Absalom dipmot ndia ug o!”

AYUB 3:1

Leu api Ayub sindi hap niji ba, sigion njap di nipmem srek tut noni,

AYUB 3:10

Ma jimbriom mmun di kinei bibor di dipmem srek tut da eisi pima lewo mmun dima ne nitriti mem mun di buhun hagom di tak kep da ri.

AYUB 3:20

Nggon rino asindui sut tungwatu nya ba, mun di buhun bibor cut igkep yok kikau i? Nggon rino asindui ba, nipigati piga digai yo di ingon ngguk bibor i?

MAZMUR 107:5

Yoni inggum ba, inggobiau cem leu api ingon cut leu bihigom tu.

MAZMUR 78:19

Ighyet kinei sut Allah ba, ihig yam “Allah sindem mem gima yai njita bigyem ei iggum ndigsi dini e?

MAZMUR 78:25

Noni yai njita nindig bibor biyok ba, igyem roti di malaikati nya cem igyem.

NEHEI LEUSI 14:11

Lene ipai bak Musa “Minu Mesir pima bon jui dip di kei mang bibor mem nye. Nggon rino abuwak nye kwei binimai ei iggum ndigsi dini i? Angat i! Gi po abuwak nye leu minu Mesir pima bie ndam nimai mem nye ug ri.

NEHEI LEUSI 17:3

Noro yo dima inggobiau nindig bibor. Gima rino inso-nso nyen bak Musa bu bipai “Nggon rino abuwak nye kwei leu minu Mesir i? Abuwak nye kwei mem gima nyeni kin nimunggwom bat nya kin mindhe-ndhe nya nahagom nimai sut ninggobiau e?”

NEHEI LEUSI 2:23

Mimbrek-mimbrek bu lene Firaun pima niyaijo ngwig hon tu noro mben Israel sisip inso kwop nyen tut mun di buhun tak yok. Gima rino ingat nadi bak Allah ei gwamti.

NEHEI LEUSI 5:21

Lene ilua bak Musa kin Harun bipai “Mun di jibon dima jo nibreisi ei tuhan niyai him tu. Apino Noni mikes hukum ei je dip drek dip gima! Jibindei ba, nibou ndig kin yo di igya kui noni ingon mpo tut nye. Jei bi lene yoni migyai nimai binye drek dip.”

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

NIBWOS-BWOS NYENTI 4:9

Yo dima icut ei nikineiti ba, inyohou tug ndei nimai poi mien bijo kep yok kikau lewo ide njita hi bi bibor o! Yo di igyai nimai didiyam tug hon nikon pranti nya itug ndei mun di kei dor njiriek yo di imai inggum nya o!

MBEN ISRAEL IMBUT-MBUT NYEN 11:15

Gino abibon da nok gini lene ma angon nggriu sut da mbigom tug hon gima akes nimai ei da dip haninyai leu binhyepo mun di buhun bibor dini mibuhun tak da bu bi hak ug.”

MBEN ISRAEL IMBUT-MBUT NYEN 11:20

Noro mijiyem kep mikwau dima kikau mem bed nitindur gom bibou mikwau dima nos je bijinjim tut. Mun dini micut igkep je drek dip gi jingon mpo tut Da di tuhan di dingat rin ei jikieti cem drek dip gi jinso-nso nyen biDa bijipai ikan nye ikwei leu minu Mesir mem mindei i?”

MBEN ISRAEL IMBUT-MBUT NYEN 14:2

Yahagom inso-nso nyen bak Musa kin Harun bipai biyok “Gi kei rino nimai hak tirigi po nibong ei minu Mesir pima e, he nimai hak ei iggum ndigsi dini e.

MBEN ISRAEL IMBUT-MBUT NYEN 14:3

Nggon rino tuhan mibuwak nye ug ei minu dima i? Yahagom mimai tirigi timiei minu dima mikon pran bit nye leu api yoni mipos nyeni itnem bat-imunggwom bat nya. Nna ba nyeni yahagom ingkwei hanyen ug ei minu Mesir hak ug.”

MBEN ISRAEL IMBUT-MBUT NYEN 16:13

Apo gi abuwak nye leu minu Mesir di bon ninnumti di kei bibor ba, abindei binimai ei iggum ndigsi dini dem bigyo e? Akan bipia dem mem gima acuk-cuk nyen nyeni tereu nok mindor e?

MBEN ISRAEL IMBUT-MBUT NYEN 16:41

Njapti kui bu lene mben Israel yahagom ingon sibui sut Musa kin Harun bipai biyok “Jibindei ba, tuhan de limwa nya wer imang imai su.”

MBEN ISRAEL IMBUT-MBUT NYEN 21:5

Apino isrep tut Allah kin Musa cem bipai “Nggon rino abuwak nye kwei leu minu Mesir leu binhyepo nimai biningwig ei iggum ndigsi di bon njita kin minyei bi dini i? Njita di niyem kep dini nos nye bibon nyeni ningon him wei.”

KISAH 26:29

Paulus buhup “Dimbrap mbigom mbican lene nirin lo, dingat nadi bak Allah leu binhyepo na di Nibou Ndig kin je di nindigsi di jimiap kep dihyet njap di ammani jahagom jinok dani. Noro tut lante dini yok bi.”

KORINTUS GI NIGOM 4:8

Jo nibreisi bipia jisuar mun nyeng hi bu bi! Jimbun mun nyeng hagom tu! Jinok nibou ndig nya tu! Noro bitut nyeni bi. I, dingon llei sut gi jinok nibou ndig nya leu binhyepo nipriet kin jide ninyeng tak kepti.

KORINTUS GI NICAN 11:1

Mbro nok gino diba dintin di kiek bimbrap bit je noyam kin no di ningon jei lo, ma jisindui sut da mbigom ug e.

NINDAT KEP TUHAN NICUKTI NYA 28:67

Mpe di jiba jiyai nghuisi jik kep mun nyeng hi lene jingon mipri ndei bijimai lewo jittin tut. Bikwop njap tekti lene mijiyok jingon mem mmun di minggai kep je. Leu api bikwop mmun lene mijiyok jingon mem njap tekti hanyen bu.

NINDAT KEP TUHAN NICUKTI NYA 8:3

Noni sindui sut je bijinggum bibor leu api yai manna bije nok jide njita. Hon kep mpe dima nimo jug ne jeni kin jidigup bat-jidigai bat nya jiyem njita nok gima hi bi sren. Noni yai nok gima leu binhyepo bingginau je bipia tungwatu nya igyaijo tug hon njita he bi noro tug hon nihyet di tibim ei tuhan nuhui him cem hagom.

YOSUA 7:7

Lene Yosua pai bak tuhan “Ditde tuhan Allah e? Abuwak nye kwei ei Minyei Yordan nite dini mem mindei i? Mem gima akes nye ei mben Amori indati leu binhyepo igyai nimai binyeni e? Gino nibong hak ei Minyei Yordan nite dinu hak ug lene mun di buhun dini micut igkep nye bi.