NEHEI LEUSI 16:21 - ALLAH NIHYET MEM TUNGWATU NYA

²¹ Bikwop tungwagom-gom ug kam njita nok gi dem mem nonti mem njap bigyokti lo, tirigi mpia wam tu lene niken di jo ei dihyei ninjek dip jet bingwig.

NEHEI LEUSI 16:21 ပူးပေါင်းရင်းမြစ်များ

KORINTUS GI NICAN 6:2

Bit leu nok ipas ei Allah nihyetti Allah pai, “Tirigi tto bou dem mem dingondut je ne dimiap jihyet. Tirigi njap niteu je leu sisar biyai niyaijo nijep bijeti dem ne dimpu je.” Jimiap e, nogindini bon nituti di kei mem Allah ngondut je. Njap di ammani ne njap di kei mem Allah teu je leu sisar biyai niyaijo nijep bije ri!

YOHANES 12:35

Yesus buhup “Nipigati dima mipiga digai je mem njap poi bu he. Gima rino ma jimbut mem nipigati tirigi nipigati piga digai je leu binhyepo nidinditi hatap je bi. No di mbut mem nidinditi krau tunggwei puigya.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

NIBA NINGON SRIP HUKTI 12:1

Ma je di pilei nya jiyok ngon kep jide Nipai Tes Mun Cig nipou tirigi nijam ningon buhunti tau kep je bigyo. Leu mpe dima lene mijikan “Singon llei mem nijam di siyaijo dini bu bi.”

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

NEHEI LEUSI 16:20

Noro ibou poi ibit Musa nicuk yokti bi ba, ikon niken ei mem njap di hyep bu. Tirigi ikiju mem njap bigyokti lene ingat lo, njingwoi bipio hagom bimpiei bibor. Gima rino Musa ningon sibui sut yok.

NEHEI LEUSI 16:22

Lene bikwop tungwagom-gom kam njita mbican bram yam mem njap gi nimuhwindagom ba, liter bitai bibikwop yahagom. Lene nibou nya yahagom idem yam ei Musa noho bei bipui sut binoni.