NEHEI LEUSI 15:7 - ALLAH NIHYET MEM TUNGWATU NYA

⁷ Acok tut Ade siceu nya yahagom tug hon Ade nikei-kau-keisi tu. Angon di sibui sut yok dem kep nok hum di sror ba, yem yahagom dem kep nok hum yem gandum nintam.

NEHEI LEUSI 15:7 ပူးပေါင်းရင်းမြစ်များ

AYUB 9:4

Tut Allah ne ningon ki bibor ba, sindem bibor cem. Tou rino sindem mem gima kui dip Noni i?

MAZMUR 148:13

Nna ba yoni yahagom inggei sut tuhan! Lewo ninyeng jei dor njiriek ninyeng nindigsi nya hagom. Nide nikei-kau-keisi kieng kep mpia-bbed him kin dihyeisi dini.

MAZMUR 59:13

Ibon sisar tug hon ighyet di tibim ei yuhui him. Handei kon ba, yonti ibiam bon drek dip ingon jeisi. Ighyet jo kep nisigionti kin niris munti.

MAZMUR 68:33

Je di ngkiai nya e, ma jahagom jipai doia bak Allah lene ma jiba jide doia binggei sut tuhan,

MAZMUR 83:13

lewo nibou dima yok icuk yam “Jikwei ba, igyai dihyei di Allah Ningat rin eisi bigyati.”

NEHEI LEUSI 14:27

Gima rino Musa su ninda bijo nai minyei ngwa dip leu api minyei hagom sur yam hanyen mem njap tekti. Mben Mesir ibingon mem gima ingwes ngun leu minyei di kot yok noro yahagom isar ei minyei jou.

NEHEI LEUSI 5:12

Gima rino mben Israel imbut bidem minu Mesir nisurti-nipekti binggok ser mbrui ut nok gi dem.

NEHEI LEUSI 9:16

Noro disindui sut noni biniyaijo leu binhyepo dindo Ditde nisindemti binoni apino tungwatu nya mitri tut dinyeng di jei kikau ug bipek minu nohon keti.

YESAYA 37:17

tuhan e, ma amian huk mun di cut igkep nye ba, angig atingou mem Sanherib nihyet di wer mpiahi tut Na di Allah Di Ayaijo dini.

YESAYA 37:23

Akan tut tou rino akucang kinei-kinau ba, ahyet wer mpiahi tut cem dima i? No dima ne Da di Allah Israel di dikwes-kwau ri.

YESAYA 37:29

Dimiap tut ade niggati kin ade nikon nantiti dima. Nogindini diba ngkimom koisi biteu ahwap jou bidiba kuk kin ngkimom nitu buhum ahui leu binhyepo dijem na ba, angkwei kak puig di ambut kak kwei pima hanyen.”

YESAYA 37:36

Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.

YESAYA 37:38

Mpe di gom tirigi ug kuk no bak Nisrokh di nide kwar ei kwar dima nibousi lene nipmot bat cin di Adramelekh Sarezer nya iba singau simeda biyai nimai bak. Igyai nimai bak leu su lene inang kikau ug ei minu Ararat. Leu api Esarhadon di Sanherib nipmot kui bigwam nok nibou ndig biya luei nohoti.

YESAYA 47:14

Angat i! Yo dima idem kep pas ntam di hum yem. Isindem mem gima iteu yonti bingwes ngun kan bi! Mem yoni ne hum njeng dima dut bibor noro nok hum di igwam hek bingkek dut rin bi.

YESAYA 5:16

Noro tuhan Di Sindem Bibor ndo tut ninyeng jeisi tug hon gi bon mun di igbit. Noni mindo tut Nide nikwes-kwausi tug hon gi gwam nok nikei mem Nide limwa nya.

YESAYA 5:24

Jirok tuhan Di Sindem Bibor Nide ningginausi ei ba, jingwes om kep Allah Israel Di Kwes Nide nicuk jeti nya cem tu. Gima rino jide nigau nya mikroi cem jide mitou nya mui ba, hagom mibit hou bingwig noyam kin pas ntam kin minta mui di hum yem di ngwig ei humti.

YEREMIA 10:6

tuhan di kwes-kwau e, hi di noyam kin Nani bi. Anyeng jei bibor bisindem bibor cem.

MIKHA 4:11

Minu ndig Yerusalem e, mben imang bibor injei siceu ndam na bicuk yam “Jikwei ba, inggek minu ndig Yerusalem bitimek bingwig! Ma ita ibou eisi leu binhyepo ingat minu ndig Yerusalem di wer igkum kroi bou igyai him!”

ZAKHARIA 14:3

Leu api tuhan mikiju bikon pran bit mben dima yok noyam kin gi kon pran bit yok ei nijam gi nipou cem.

ZAKHARIA 14:8

Njap dima dem ne minyei di su mibiam kwei leu minu ndig Yerusalem. Minyei dima mikwas ninggram can ba, hi biam buug com Igpong Nsim lene hi biam buug com Muk Hacan. Minyei dima mibiam bijo-jo wai ari bingwam jei dimo ba, ningei jo-jo wai bidem nijam di biang biget kin nijam di biang ngei-ndung bipingge bi sren.

ZAKHARIA 2:8

Tou rino njei bihwen je lene gima dem kep nok gi njei bihwen dingon kieti.” Gima rino tuhan Di Sindem Bibor cuk da biditri tut nisokti dini bak ngkiai nya di icut igkep Nide limwa nya bipos ndigban leu yok tu nya,

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

MATIUS 3:12

Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”

KISAH 9:4

Noni tti hak ug ei dihyeisi lene miap nihyet gom di hig ser noni “Saulus e, Saulus e, nggon rino ahwen bit Da i?”

NINDAT KEP TUHAN NICUKTI NYA 33:26

“Je di mben Israel e, kwar di jikuk je bak hi noyam kin jide Allah bi. Lewo Allah ya bidem mpia-bbed him ba, ttau bumbuhuiti kwei leu binhyepo kwei bimpu je.

NINDAT KEP TUHAN NICUKTI NYA 4:24

Lewo tuhan di nok jide Allah dem kep nok hum di cig-cai ba, Noni kou sut mun di jikuk je bak nya.

IBRANI 12:29

Lewo ide Allah dem kep hum di cig-cai di bindei timek mun nyeng hagom.